2017-08-21 15:16:56 clouds 27o High | Kigali Rwanda

Dukurikire:
 
 

Wari uzi ko abirabura bo muri Afurika y’Epfo ari abakire? Barakubeshye ! (Amafoto)

Yanditswe na IMVAHO NSHYA

Kuya 2016-10-31 15:13:04

 
Share on:
 
Yasuwe:103
 
Yavuzweho:200
 
10
 
10

Nyuma y’imyaka isaga 50 abazungu bo muri Afurika y’Epfo batsikamira abirabura muri politike ya Apartheid, mu myaka ya 1990, Nelson Mandela, yarafunguwe ndetse aba perezida, kuva icyo gihe igihugu gifatwa nk’ikiyoborwa n’abirabura, ndetse ngo amahoro ahinda, kuko abirabura baho bishyize bakizana ndetse bakabona n’agafaranga. Ese mu by’ukuri ayo makuru niyo?

Muri rusange kugeza n’ubu benshi mu birabura bo muri iki gihugu babayeho nabi. Nk’uko byari bimeze muri Apartheid, abirabura baracyaba mu nsisiro zabo zihariye kandi zikennye, mu gihe abazungu n’abandi birabura bake bashoboye kubona aho bamenera bakabona ubushobozi babayeho mu duce tumeze nk’utwo mu Burayi.

JPEG - 153.5 kb
Abazungu batuye muri karitsiye y’abakire ya Strand (ibumoso) n’abiganjemo abirabura bagatura muri Numzamo (iburyo) muri Cape Town

Abirabura bafatwa nka 80% by’abatuye Afurika y’Epfo, naho 9% ni abazungu , 9% ni ibyimanyi naho 2% ni Abahinde, Abashinwa n’abandi bakomoka muri Aziya.

Ubushakashatsi bw’amaronko yinjizwa na buri muturage wa Afurika y’Epfo bwo mu 2008 (NIDS) bwagaragaje ko nyuma ya Apartheid, ku buyobozi bw’ishyaka ANC rya Nelson Mandela, abaturage 60% binjiza amafaranga ari munsi y’amadorali 7000 ku mwaka mu gihe 2.2% bo binjiza asaga $50 000 naho abaherwe bangana na 10% binjiza 58% by’umutungo winjira mu gihugu.

Abanya Afurika y’Epfo 47%, biganjemo abirabura, batunzwe n’amadorali 43 gusa ku kwezi naho umubare n’abirabura batunzwe n’amafaranga atageze ku idolari wavuye kuri miliyoni 2 mu 1994 ugera kuri miliyoni enye mu 2016.

Mu 2005, 63% by’abana b’abirabura barererwaga mu ngo zikennye bikabije zitinjiza n’idorali rimwe ku munsi mu gihe ab’abazungu barerwaga mu ngo zikennye bari 4%.
Mu 2007, 70% by’ubutaka bwa Afurika y’Epfo bwari bukiri mu maboko y’abazungu nubwo ishyaka rya ANC ryizezaga kubambura 30% bukagabanywa abirabura.

90 % by’abashomeri muri icyo gihugu bagizwe n’abirabura benshi batagize amahirwe yo kwiga, naho ubushomeri mu birabura bwavuye kuri 23% mu 1991 bugera kuri 48%

JPEG - 182.2 kb
Ahatuye abirabura hariranga...
JPEG - 139.7 kb
Abaherwe bakina Golf, abirabura biyicira isazi mu maso aho inyuma!


Amafoto © Unequal Scenes

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE