2017-08-17 08:49:58 clouds 27o High | Kigali Rwanda

Dukurikire:
 
 

Umuhanuzi TB Joshua ’weretswe’ intsinzi ya Clinton yataye ibaba

Yanditswe na IMVAHO NSHYA

Kuya 2016-11-10 08:33:22

 
Share on:
 
Yasuwe:99
 
Yavuzweho:200
 
10
 
10

Umuhanuzi wo muri Nigeria TB Joshua umaze kumenyekana cyane ku bw’ubuhanuzi atanga akenshi bugahura n’ukuri, yataye ibaba nyuma y guhanura ko Amerika igiye kuyoborwa n’umugore uzahura n’ibizazane byinshi.

BBC yatangaje ko TB Joshua yagiye ku matereviziyo yo muri Nigeria, ahamya ko yeretswe intsinzi ya Clinton ndetse anabishyira ku mbuga nkoranyambaga nka Facebook aho yari yanditse ngo “Neretswe umugore atsinda”, ariko nyuma y’intsinzi ya Trump nta wongeye kubica iryera, cyane ko byahise bisangizwa n’abantu batandukanye.

TB Joshua mu cyigisho yatanze ku cyumweru gishize yeruriye abayoboke be ko yeretswe intsinzi y’umugore, mu gihe haburaga iminsi ibiri gusa ngo habe amatora y’umukuru w’igihugu muri Leta Zunze Ubumwe z’Amerika.

Ubu butumwa TB Joshua yahise abukura ku rukuta rwe rwa Facebook

Uyu mugabo umaze kumenyekana muri Afurika no ku Isi nk’umuvugabutumwa n’umuhanuzi ukomeye, nyuma yo kwerekwa ibyitsinda rya Clinton bigacishwa kumatereviziyo ndetse bikanashyirwa kuri Youtube, yatunguwe no kubona intsinzi ya Trump.
Abamukurikira ku mbuga nkoranyambaga bahise basangiza ubutumwa yanditse avuga ko ari Imana yabimuhishuriye, nubwo we yari yarangije kubukuraho.

Nyum y’igisebo gikomeye Joshua yagize benshi mu batuye ku mugabane w’Afurika byabateye kwibaza byinshi, umwe mu bayoboke be yagize ati “Ese kuki bwa buhanuzi bwahanaguwe? Niba koko yiyita umukozi w’Imana kuki yabukuyeho?”

Ukurikije uburyo ubuhanuzi bw’uyu muvugabutumwa bwakunzwe cyane kuri Tweeter na Facebook bigaragaza ko uyu mugabo afite abayoboke, ariko bamwe muri bo batangiye gukemanga imihanurire ye.

Gusa uyu mwigisha yahanuye intsinzi z’abayobozi bakomeye nka John ATTA wahoze ayobora Ghana muri 2008, John Magufuli muri Tanzania n’uwigeze kuyobora Malawi Joyce Banda, bose bakaba bamufata nk’umunyacyubahiro cyo hejuru.

Reba Video hano:

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE