Advertisement
 
 
 
 
 
 
 
 

Utuntu n’utundi

U Bufaransa: Utunganya imisatsi ya Perezida Hollande ahembwa miliyoni 9 frws ku kwezi   

  Yanditswe na HERVE UGIRUMUKUNDA
 July 2016

 
 

Abafaransa benshi baguye mu kantu nyuma yo gusanga umuntu wogosha akanasokoza Perezida wabo Francois Hollande ahembwa amayero 9895 angana n’amafaranga y’u Rwanda akabakaba 8 700 000.

Ikinyamakuru Le Canard Enchaîné kivuga ko uyu “kimyozi” wa Hollande, uzwi ku izina rya Olivier B. ahembwa ako kayabo k’amafaranga kuva mu 2012.

Ayo mafaranga yiyongeraho andi menshi arimo ay’icumbi, n’ayo kwita ku muryango. Iyo kontaro yashyizweho umukono n’uwahoze ayoboye perezidansi, Sylvie Hubac ngo yashingiye ku bintu bitandukanye bibangamira akazi ko kogosha Perezida.

JPEG - 38.5 kb
Imisatsi ya Francois Hollande, ufite uruhara, itwara miliyoni 9 frw buri kwezi

Umunyamategeko w’uwo mwogoshi, Sarah Levy, yavuze ko ayo mafaranga ajyanye n’akazi ko kogosha Perezida kagoranye cyane.

Ati” Ahora iruhande rwa perezida amasaha 24 kuri 24, ntajya asimburwa, ntashobora kuboneka nubwo umugore we yaba yabyaye, cyangwa abana barwaye kubera akazi….”

Ibi bishimangirwa n’umuvugizi wa guverinoma w’u Bufaransa, Stephane Le Foll nawe uvuga ko kogosha perezida atari akazi koroshye.

Ati” Atangira akazi mu gitondo kare cyane, agasokoza perezida buri gitondo, ndetse na buri gihe agiye kuvugira mu ruhame. Anamuherekeza igihe cyose agiye mu rugendo rw’akazi.”

Yunzemo ati” perezida ntakwiye kuba nkanjye ufite imisatsi iri mu kavuyo.”

Ibi ariko bame mu bamisitiri barimo umunyamabanga wa Leta ushinzwe amashuri yisumbuye, Thierry Madon babifata nko gusesagura umutungo wa Leta.

Naho umuyobozi w’Ihuriro ry’amashyirahamwe y’abogoshi bo mu Bufaransa asanga harimo n’ubwirasi bwa Perezida Hollande.

Ati” Mu by’ukuri hari umuntu ukeneye umuntu wo kwirirwa amusokoza amasaha 24 kuri 24? Harimo n’ubwirasi.”

 

Comments

 
 
Hasojwe ibikorwa byo kuvugurura imva ya Yezu
Hasojwe ibikorwa byo kuvugurura imva ya Yezu

Mu gihe abakirisitu bitegura kwizihiza Pasika, itsinda ry’abubatsi ryasoje ibikorwa byo kuvugurura ahafatwa nk’ahari imva Yezu Kristu yashyinguwemo akazuka mu mujyi wa Yeruzalemu. Hari hashize (...)

Uganda: Polisi yategetse abavandimwe kuguraana abagore
Uganda: Polisi yategetse abavandimwe kuguraana abagore

Abagabo babiri b’ahitwa i Butende-Bubanda mu karere ka Kamuli muri Uganda, bemeranyije guhinduranya abagore babo, kugira ngo bakemure amakimbirane bari bamaranye iminsi. Paul Kiirya, w’imyaka 55 (...)

Ubushakashatsi bwerekanye ko gusenga Kiyisilamu (gusari) bivura ububabare bw’umugongo
Ubushakashatsi bwerekanye ko gusenga Kiyisilamu (gusari) bivura ububabare bw’umugongo

Abayisilamu babarirwa muri miliyari 1.6 ku Isi, buri munsi basenga inshuro eshanu bapfukama bakubika umutwe berekeza i Maka nka kimwe mu bintu bitanu bategetswe gukora n’igitabo cyabo gitagatifu, (...)

Facebook yatangije uburyo bushya bwo kohereza amafaranga mu mahanga
Facebook yatangije uburyo bushya bwo kohereza amafaranga mu mahanga

Urubuga Nkoranyambaga rwa Facebook rwatangije uburyo bwo kohereza amafaranga mu mahanga hakoreshejwe ‘Messenger.” Ubwo bushya bwemerera umuntu koherereza amafaranga inshuti n’abavandimwe ziri mu (...)

Afurika y’Epfo: Pasiteri yategetse abakirisito kunywa uburozi (amafoto)
Afurika y’Epfo: Pasiteri yategetse abakirisito kunywa uburozi (amafoto)

Umupasiteri wo muri Afurika y’Epfo yategetse abakirisito kunywa uburozi bwica imbeba abizeza ko urabakiza indwara. Pasiteri Light Monyeki uyobore itorero rya Grace Living Hope Ministries (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.