Advertisement
 
 
 
 
 
 
 
 

Utuntu n’utundi

Telefoni eshanu zifotora neza kurusha izindi ku Isi   

  Yanditswe na HERVE UGIRUMUKUNDA
 April 2016

 
 

Mu gihe kuri ubu telefoni zigendanwa zikoreshwa cyane mu buzima bwa buri munsi mu gufata amafoto n’amashusho, benshi bakunda kwibaza telefoni bakwizera ko ibaha amafoto meza kurusha izindi.

Abakenera telefoni zifotora neza ahanini baba birinda gutakaza amafaranga y’umurengera kuri gafotozi cyangwa kuri camera, kandi mu by’ukuri bakwifotora na telefoni zabo zigezweho.

Hagendewe ku bushobozi, uburemere n’ubwiza bw’amafoto, izi nizo telefoni zivugwaho gufotora neza kurusha izindi ku Isi.

5. Sony Xperia Z5

Ni yo telefoni nshya ya mbere ikoresha Android yamuritswe muri 2016. Ikinyamakuru DXO Mark kivuga ko camera yacyo iri mu zifite ubushobozi bwo gufata amashusho meza ku Isi. Gusa bamwe bayinenga ko amafoto yayo aba adafite urumuri ruhagije kandi igatinda gutunganya ifoto (Auto-Focus).

Igiciro: Amadorali 468

4. LG G5

Ni yo telefoni ya mbere ifite camera ebyiri z’inyuma, ifite applications nka Cam Plus zorohereza umuntu gufata amafoto neza. Camera yayo nini ifite megapixels 16.
Igiciro: Amadorali $650

3. HTC 10
<img52
64|center>Ifite camera ya Megapixels 12.1 ishobora, kwitunganya mu gihe gito gishoboka igafata ifoto nziza ku muntu uri mu gicucu cyangwa uri mu rumuri rwinshi.

Igiciro: Amadorali 700

2. iPhone 6s/6s Plus/SE

Telefoni za iPhone 6s/6s Plus na SE ziri mu zifotora neza cyane ndetse hari benshi bazifata nk’izifotora neza kurusha izindi ku Isi.

Ariko kuba iPhone zose muri rusange zifotora amafoto asa nk’ayijimye byatumye izindi telefoni nk’iza Samsung, HTC na LG zikoresha Android, zizirusha gufata amabara yose neza haba mu mwijima no ku rumuri rwinshi.

Ikiza cya iPhone nanone ni uko igira amafoto atazamo ibihu, kandi afite ibara risa nk’iryo muri filimi zisohoka muri iki gihe (cinematic texture).

Igiciro: 6s: $650; 6s Plus: $750; SE: $400

1. Samsung Galaxy S7/S7 Edge

Iyi telefoni ni yo kuri ubu ifatwa nk’ifite ubushobozi kurusha izindi muri iki gihe. Ifite Camera ya Megapixels 12,1 f/1.7.

Amafoto yayo aba afite urumuri ruhagije kandi n’iyo yafotorerwa mu rumuri ruke aza ameze neza cyane. Ushobora no kuyifotoresha munsi y’amazi.

Igiciro: S7: $645, S7 Edge: $750

 

Comments

 
 
Facebook yatangije uburyo bushya bwo kohereza amafaranga mu mahanga
Facebook yatangije uburyo bushya bwo kohereza amafaranga mu mahanga

Urubuga Nkoranyambaga rwa Facebook rwatangije uburyo bwo kohereza amafaranga mu mahanga hakoreshejwe ‘Messenger.” Ubwo bushya bwemerera umuntu koherereza amafaranga inshuti n’abavandimwe ziri mu (...)

Afurika y’Epfo: Pasiteri yategetse abakirisito kunywa uburozi (amafoto)
Afurika y’Epfo: Pasiteri yategetse abakirisito kunywa uburozi (amafoto)

Umupasiteri wo muri Afurika y’Epfo yategetse abakirisito kunywa uburozi bwica imbeba abizeza ko urabakiza indwara. Pasiteri Light Monyeki uyobore itorero rya Grace Living Hope Ministries (...)

Telefoni yagacishijeho, Nokia ‘Bagore Beza’, igiye kugaruka ku isoko
Telefoni yagacishijeho, Nokia ‘Bagore Beza’, igiye kugaruka ku isoko

Telefoni yatwaye imitima ya benshi mu myaka ya za 2000, Nokia 3310, yamenyekanye mu Rwanda nka Bagore Beza, igiye kugaruka ku isoko mu minsi ya vuba. Ikinyamakuru Venture Beat kivuga ko (...)

Gakenke :  Amateka y’umusozi wiswe « Ijuru ry’Umwami »
Gakenke : Amateka y’umusozi wiswe « Ijuru ry’Umwami »

Umusozi wa Kabuye uherereye mu Karere ka Gakenke ufite uburebure bwa metero 2647, uhuriweho n’imirenge ya Karambo, Nemba na Kamubuga, ubitse amateka menshi kandi iyo uhahagaze uba witegeye ibice (...)

Havumbuwe undi mugabane w’Isi mu nyanja y’u Buhinde
Havumbuwe undi mugabane w’Isi mu nyanja y’u Buhinde

Abahanga mu miterere y’ubutaka bavumbuye umugabane mushya mu nyanja y’u Buhinde witwa “Mauritia” ugizwe n’ibirwa birimo Seychelles na Mauritius . Umuyobozi w’itsinda ryakoze ubwo bushakashatsi, Prof. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.