2017-05-26 15:17:06 clouds 27o High | Kigali Rwanda

Dukurikire:
 
 

Telefoni 10 zigezweho ku Isi muri 2016

Yanditswe na IMVAHO NSHYA

Kuya 2016-04-14 13:02:02

 
Share on:
 
Yasuwe:16
 
Yavuzweho:200
 
10
 
10

Uko imyaka yicuma niko ikoranabuhanga rirushaho gutera imbere. Mu gihe kitageze ku mwaka habaho impinduka zikomeye mu isoko rya telefoni.

Mu mpera z’umwaka ushize no mu ntangiriro z’uyu, hamuritswe telefoni z’akataraboneka, zifite imyihariko mu mikorere, camera, ingano n’uko zisa.

Ku muntu ugiye ku isoko bishobora kugorana guhitamo telefoni yo kugura kubera ko inyinshi ziba zifite ubushobozi n’ubwiza bijya gusa.

Izi ni zimwe muri telefoni ziri ku isoko zigezweho umuntu ashobora kugura (Igiciro kiri muri iyi nkuru ni icyo ku ruganda, gishobora guhinduka bitewe n’iguriro).

10. Moto X Pure

Moto X Pure ni telefoni igezweho ikorwa na Motorola, ikoresha Android, ni imwe muri telefoni zamuritswe mu mwaka ushize zigakundwa.

Igiciro: Amadorali 350

9. Galaxy Note 5

Ni telefoni nziza ku bantu bakunda izifite ikirahuri kinini. Kimwe n’izayibanjirije ifite agati kameze nk’ikaramu ko kwandikisha. Galaxy Note 5 ifite igifuniko cy’icyuma.

Igiciro: Amadorali 560

8. LG G5

G5 nayo ifunitswe mu cyuma. Ifite ahantu ukanda ukavanamo batiri utiriwe ufungura urugi. Kamera yayo iri mu zifata amashusho meza za telefoni z’iki gihe.

Igiciro: Amadorali 650

7. Galaxy S7

Ni yo telefoni ifatwa nk’ifite camera nziza kurusha izindi muri iki gihe. Ishobora kugwa mu mazi ntigire icyo iba kandi ishobora kwakira memory card ifite ububiko bunini.

Igiciro: Amadorali 640

6. Galaxy S7 Edge

Ifite ikirahuri na batiri binini kurusha ibya Galaxy S7 nayo ntiyicwa no kugwa mu mazi.

Igiciro: Amadorali 747

5. Nexus 5X

Ni imwe muri telefoni nshya zikorwa na Google. Ku muntu ukunda gukoresha cyane ikoranabuhanga rya Android, Nexus 5X ni nziza cyane.

Igiciro: Amadorali 349

4. Nexus 6P

Ni nini cyane kurusha Nexus 5X. Ikorwa na Huawei, ikigo cyo mu Bushinwa kizwiho gukora telefoni zikomeye.

Igiciro: $499

3. iPhone SE

Ni yo telefoni ntoya ikorwa na Apple muri iki gihe. Ifite Apps zigezweho n’ubushobozi buri hejuru kandi ikagura make.

Igiciro: Amadorali 400

2. iPhone 6S Plus

Ni telefoni nini, irihuta, ifata amafoto acyeye kandi ifite ikoranabuhanga rya 3D Touch rishobora kwerekana ingufu ukoresha ukanda telefoni. Ifatwa nk’ifite ubushobozi kurusha izindi zose zisohoka muri iki gihe.

Igiciro: Amadorali 749

1. iPhone 6S


Kimwe na 6S Plus, ifite ubushobozi n’ikoranabuhanga rigezweho kuri ubu abakurikiranira hafi iby’amatelefoni bahamya ko ari yo telefoni nziza kurusha izindi.

Igiciro: Amadorali 649

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE