Advertisement
 
 
 
 
 
 
 
 

Utuntu n’utundi

Pokemon Go, umukino wa telefoni ukunzwe kurusha iyindi ku Isi, wageze mu Rwanda   

  Yanditswe na IMVAHO NSHYA
 4 months ago

 
 

Umukino wo muri telefoni ugezweho hirya no hino ku Isi, Pokemon Go ugiye gutangira gukinwa no mu Rwanda, nyuma y’amezi atatu ukinwa muri Amerika no mu Burayi gusa.

Uruganda rukora uyu mukino, Niantic rugenda rusakaza uyu mukino hirya no hino ku Isi gahoro gahoro.

Ejo hashize rwatangaje ko Pokemon Go yageze mu bihugu bimwe bya Afurika, ushaka kuwukina agomba kuba afite telefoni igezweho kandi ifite ubushobozi, ubundi akawumanura mu bubiko bwa Apps za telefoni, Google App ku bafite Android cyangwa App Store ku bafite iPhones.

Kuri ubu uyu mukino uharawe wageze mu bihugu 31 bya Afurika, SA Broadband ivuga ko iri mu Rwanda, Kenya, Madagascar, Malawi, Mauritius, Mozambique, Seychelles, Tanzania, Uganda, Zambia, Chad, Gabon, Sao Tome na Principe, Misi , Morocco, Botswana, Namibia, Afurika y’Epfo, Swaziland, Benin, Burkina Faso, Cape Verde, Cote d’Ivoire, Gambia, Ghana, Guinea-Bissau, Liberia, Mauritania, Niger, Sierra Leonena Togo.

Ukinwa ute?

JPEG - 102.7 kb
Uwukina agenda areba inyamaswa ziri muri telefoni ye

Pokemon Go yifashisha ikoranabuhanga rya Google Maps n’iry’ukuri guhimbano kwiyongera ku byo umuntu abona (augmented reality).

Uwukina agendesha amaguru agahiga inyamaswa zishushanyije abona muri telefoni ye.

Urugero : Umuntu uri mu mujyi wa Kigali, Pokemon Go ishobora kumwereka inyamaswa iri imbere y’inyubako ya Makuza, nawe akagendesha amaguru yagera aho iri akayifata (akayirya)… ubwo aba atsinze.

Byatwaye igihe kinini kugira ngo sosiyete Niantic itangize uwo mukino kuko usaba kunononsora amakarita y’ibihugu ukinirwamo.

Impungenge

Uyu mukino umaze amezi atatu gusa wakuruye benshi hirya no hino ku Isi, ku buryo ushobora gusanga mu bihugu bimwe na bimwe hari ikivunge cy’abantu bari kuwukinira hamwe.

Ugitangira hari abavugaga ko waberekaga inyamaswa zo gufata bagera aho ziri bakahasanga imirambo. Undi yavuze ko yari ari kuwukina agaterwa n’abajura.

Hari kandi n’abavuga ko ba nyir’uyu mukino bashobora kuwukoresha bakamenya aho umuntu uwi kuwukina aherereye, kugeza no mu buriri bwe bwite.

Mbere wakinwaga n’abantu miliyoni 45 ku munsi uretse ko umubare wabo uri kugabanuka muri iyi minsi.

 

Comments

 
 
Facebook yatangije uburyo bushya bwo kohereza amafaranga mu mahanga
Facebook yatangije uburyo bushya bwo kohereza amafaranga mu mahanga

Urubuga Nkoranyambaga rwa Facebook rwatangije uburyo bwo kohereza amafaranga mu mahanga hakoreshejwe ‘Messenger.” Ubwo bushya bwemerera umuntu koherereza amafaranga inshuti n’abavandimwe ziri mu (...)

Afurika y’Epfo: Pasiteri yategetse abakirisito kunywa uburozi (amafoto)
Afurika y’Epfo: Pasiteri yategetse abakirisito kunywa uburozi (amafoto)

Umupasiteri wo muri Afurika y’Epfo yategetse abakirisito kunywa uburozi bwica imbeba abizeza ko urabakiza indwara. Pasiteri Light Monyeki uyobore itorero rya Grace Living Hope Ministries (...)

Telefoni yagacishijeho, Nokia ‘Bagore Beza’, igiye kugaruka ku isoko
Telefoni yagacishijeho, Nokia ‘Bagore Beza’, igiye kugaruka ku isoko

Telefoni yatwaye imitima ya benshi mu myaka ya za 2000, Nokia 3310, yamenyekanye mu Rwanda nka Bagore Beza, igiye kugaruka ku isoko mu minsi ya vuba. Ikinyamakuru Venture Beat kivuga ko (...)

Gakenke :  Amateka y’umusozi wiswe « Ijuru ry’Umwami »
Gakenke : Amateka y’umusozi wiswe « Ijuru ry’Umwami »

Umusozi wa Kabuye uherereye mu Karere ka Gakenke ufite uburebure bwa metero 2647, uhuriweho n’imirenge ya Karambo, Nemba na Kamubuga, ubitse amateka menshi kandi iyo uhahagaze uba witegeye ibice (...)

Havumbuwe undi mugabane w’Isi mu nyanja y’u Buhinde
Havumbuwe undi mugabane w’Isi mu nyanja y’u Buhinde

Abahanga mu miterere y’ubutaka bavumbuye umugabane mushya mu nyanja y’u Buhinde witwa “Mauritia” ugizwe n’ibirwa birimo Seychelles na Mauritius . Umuyobozi w’itsinda ryakoze ubwo bushakashatsi, Prof. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.