Advertisement
 
 
 
 
 
 
 
 

Utuntu n’utundi

Nyamasheke: Umukobwa wibagiwe televiziyo mu bishyingiranwa ahura n’ingorane   

  Yanditswe na BAHUWIYONGERA SYLVESTRE
 7 May

 
 

Abaturage bo mu mirenge ya Bushenge na Shangi, mu karere ka Nyamasheke, bahangayikishijwe n’ingeso abasore baho badukanye, aho ngo iyo bashyingiranwe n’umukobwa bagasanga mu bitwikururwa hatarimo televiziyo bahita bamwirukana atamaze kabiri.

Iyi ngeso yamaganwe cyane nyuma y’inkuru imaze iminsi ivugwa mu mudugudu wa Gikombe mu kagari ka Gasheke, mu murenge wa Bushenge, aho umukobwa witwa Uzayisenga Naomie yahuye n’uruva gusenya, ubwo yashyingiranwaga n’umusore mu rusengero, yamutahana yasanga mu byo yazanye nta televiziyo irimo agahita ‘amuhambiriza’.

Uyu mukobwa yasubiye iwabo, ahamaze gatatu umubyeyi we abura uko agira, amwohereza abanje kubwira umusore igihe azayitangira. Ikibabaje cyane aba baturage ngo ni uko hari umubare munini w’abakobwa bakomeje guhura n’iki kibazo,

JPEG - 157.2 kb
Bamwe mu basore b’i Nyamasheke ntibihanganira umukobwa udafite televiziyo

Mu kiganiro n’Imvaho Nshya, uyu mukobwa witwa Uzayisenga Naomie yagize ati:“Byambayeho rwose si inkuru mbarirano, umusore turabana aha mu Gafunzo tumaranye iminsi mike, ariko nagize amahwemo ari uko papa amubwiye igihe azamwoherereza iyi televiziyo, kuko nanjye si nari kumwanga, cyane cyane ko nari nanamwambuye undi mukobwa mugenzi wanjye bakundanaga.

Ubwo rero nta kundi nari kugira, nabwiye papa kuyigura akayimushyikiriza kugira ngo nanjye nubake nk’abandi bakobwa.”

Se w’uyu mukobwa witwa Murwanashyaka Samuel, we avuga ko ibi bintu aba basore bo muri iyi mirenge bihaye Leta nitabibacaho ababyeyi bamwe baziyahura, kuko ari ikibazo gikomeye cyane.

Yagaragaje ko nubwo agiye kugura televiziyo, umukobwa we yakowe intica ntikize kandi hari n’ibindi yatahanye akaba ngo abasize iherureru.

Ubwo yari mu murenge wa Karambi umwaka ushize, umuyobozi w’aka karere Kamari Aimé Fabien yari yamaganye ingeso mbi ziboneka mu basore bo mu karere ayoboye, harimo iyo kwikopesha abageni n’iyi yo kurushya abakobwa babaca byinshi ngo babatware.

Intumwa ya rubanda mu nteko ishinga amategeko umutwe w’abadepite, Depite Mwiza Espérance na we ubwo yari mu murenge wa Nyabitekeri ku wa 17 Ukwakira umwaka ushize, ku munsi w’umugore wo mu cyaro, nawe yiyamye abasore barushya abakobwa kugira ngo babarongore, avuga ko uwo atari umuco nyarwanda.

Icyo gihe yagize ati:“Iyi ngeso yanyu yo kurushya abakobwa ngo mubone kurushinga harimo n’izo nkoko mwirirwa murya, uko si ukubaka umuryango ahubwo ni ukuwusenya kandi ntitwabyemera.”

N’ubwo abasore bo muri aka karere bihanangirijwe inshuro nyinshi, magingo aya ingeso zirakomeza kuba nyinshi, abakobwa n’ababyeyi babo bakaba bakomeje guhangayika.

 

Comments

Who are you?
Your post
  • To create paragraphs, just leave blank lines.

 
 
Umuhanuzi TB Joshua  ’weretswe’ intsinzi ya Clinton yataye ibaba
Umuhanuzi TB Joshua ’weretswe’ intsinzi ya Clinton yataye ibaba

Umuhanuzi wo muri Nigeria TB Joshua umaze kumenyekana cyane ku bw’ubuhanuzi atanga akenshi bugahura n’ukuri, yataye ibaba nyuma y guhanura ko Amerika igiye kuyoborwa n’umugore uzahura n’ibizazane (...)

 Wari uzi ko abirabura bo muri Afurika y’Epfo ari abakire? Barakubeshye ! (Amafoto)
Wari uzi ko abirabura bo muri Afurika y’Epfo ari abakire? Barakubeshye ! (Amafoto)

Nyuma y’imyaka isaga 50 abazungu bo muri Afurika y’Epfo batsikamira abirabura muri politike ya Apartheid, mu myaka ya 1990, Nelson Mandela, yarafunguwe ndetse aba perezida, kuva icyo gihe igihugu (...)

Icyamamare Pete Burns, wihinduje umugore, apfuye yarabazwe isura inshuro zisaga 300
Icyamamare Pete Burns, wihinduje umugore, apfuye yarabazwe isura inshuro zisaga 300

Umuhanzi w’Umwongereza, Pete Burns, wo mu itsinda Dead or Alive, yapfuye ku wa mbere amaze kwibagisha isura inshuro zisaga 300. Umujyanama we yatangaje ko Burns yapfuye urupfu rutunguranye, (...)

Dubai: Batangiye kubaka inyubako ndende kurusha izindi ku Isi (Amafoto & Amashusho)
Dubai: Batangiye kubaka inyubako ndende kurusha izindi ku Isi (Amafoto & Amashusho)

Minisitiri w’Intebe wa Dubai, Sheikh Mohammed bin Rashid Al Maktoum, ku wa 10 Ukwakira 2016, yatangije imirimo yo kubaka umuturirwa witwa ‘The Tower at Dubai Creek Harbour’ uzaba ari wo muremure (...)

USA yamuritse ubwato bw’intambara bufite ingufu kurusha ubundi ku Isi (Amafoto)
USA yamuritse ubwato bw’intambara bufite ingufu kurusha ubundi ku Isi (Amafoto)

Leta Zunze Ubumwe za Amerika, USA, yamuritse ubwato bw’intambara bwo mu bwoko bwa ’destroyer’ bwitwa USS Zumwalt, buhenze kandi bufite ingufu kurusha ubundi ku Isi. Ubwo bwato bwatwaye miliyari 4.4 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.