Advertisement
 
 
 
 
 
 
 
 

Utuntu n’utundi

Ni ikihe gihugu cyatsinda intambara hagati ya Amerika, u Burusiya cyangwa u Bushinwa?   

  Yanditswe na HERVE UGIRUMUKUNDA
 June 2016

 
 

Mu gihe iterabwoba rifatwa nk’ikintu gihangayikishije Isi kurusha ibindi muri iki gihe, nta wakwirengagiza ko igiteye impungenge cyane kurushaho ari umwuka mubi uvugwa hagati ya Leta Zunze Ubumwe za Amerika, u Burusiya n’u Bushinwa, ibihugu bitatu bifatwa nk’ibikomeye cyane ku Isi.

U Burusiya na USA ntibivuga rumwe muri iki gihe ahanini bishingiye ku gace ka Crimea kiraguriwe n’u Burusiya. Hagati y’u Bushinwa na USA naho hari urunturuntu rwaturutse ku birwa byo mu nyanja y’Epfo y’u Bushinwa.

Izi ni zo ngufu za buri kimwe muri ibi bihugu hagendewe ku bikoresho bya gisirikare:

1. Indege z’intambara

Kugeza ubu USA niyo ifite indege y’intambara yo ku rwego rwa gatanu (ifite ubushobozi buhambaye kurusha izindi ku Isi muri 2016).

U Bushinwa buri kubaka iyitwa J-31 kuva mu 2014; iyo ndege ni yo icyo gihugu kizaba gifite ifite ubushobozi kurusha izindi ariko ntabwo yahangara “Lockheed Martin F-22 Raptor ” ya USA.

Naho u Burusiya buri kubaka indege imwe ifite ubushobozi nk’ubwa Raptor ya USA, iyi yitwa T 50 izatangira gukoreshwa mu mpera za 2016. Iyo ndege izwiho kuba itwaritse neza ariko ntimenye kwihishira nka Raptor.

2. Ibifaru

Igisirikare cya USA cyubatse igifaru cya M-1 Abrams mu 1980 ariko cyagiye kivugururwa kenshi gishyirwaho imbunda zigezweho. U Burusiya buri kubaka igifaru kitwa T-14 Armata ariko ubu igifaru gikomeye muri icyo gihugu ni icyitwa T 90 A; iki cyarashwe igisasu cya misile muri Syria nticyagira icyo kiba.

U Bushinwa nabwo ntibwasigaye, buri kubaka ibifaru bigezweho, icyamenyekanye ni Type 99 gishobora kurasa misile. Iki gifite ubushobozi bujya kuyingayinga ibyo muri USA n’u Burusiya.

3. Amato

USA ifite amato menshi kurusha ibindi bihugu. Ifite amato ashobora gutwara indege menshi kandi yose arimo ikoranabuhanga rigezweho. Gusa iracyafite imbogamizi yo kuba yahangana n’amato yo munsi y’amazi (sous marins/submarines) y’u Burusiya na misile z’u Bushinwa.

U Burusiya buracyari munsi ya USA mu kugira amato menshi ayo bufite afite ingano n’ubushobozi iri munsi y’aya USA ariko intambara iri kubera muri Syria yerekanye ko u Burusiya bufite ubushobozi bwo kongerera ingufu amaato mato agatera ibisasu kure.

Ingufu z’u Bushinwa mu ntambara zo mu mazi zishingiye ku mato yo kurinda inkombe (Coast Guard Ships) kuri ubu iki gihugu ni cyo gifite ikoranabuhanga ryo kurinda inkombe zacyo n’amato menshi yabigenewe kandi akomeye, ibi ariko ntibikuraho ko muri rusange ingufu za gisirikare zishingiye ku mato ziri munsi y’iz’u Burusiya na USA.

4. Amato yo munsi y’amazi (submarines)

Leta Zunze Ubumwe ifite amato yo munsi y’amazi 14 ashobora gutera za misile zakwangiza umujyi wose. Ifite amato ane nayo ashobora gutera misile zo mu bwoko bwa Tomahawk n’andi 54 akoreshwa n’ingufu za kirimbuzi. Yose afite ikoranabuhaga rigezweho, intwaro zikomeye kandi agenda bucece.

U Burusiya bufite amato yo munsi y’amazi 60 ashoboye. Nubwo ikoranabuhanga ryayo rikiri inyuma, niyo mato abasha kugera ku mwanzi amutunguye. U Burusiya kandi buri gukora submarine izashobora gutera igisasu cya kirimbuzi gifite ingufu za megaton 100.

U Bushinwa bwo bufite amato yo munsi y’amazi atanu afite ingufu za kirimbuzi n’andi 53 atwarwa na peteroli. Amato y’iki gihugu azwi ho kutihishira ku buryo bayavumbura akiri kure.

Umwanzuro:Kuri ubu habaye intambara Leta Zunze Ubumwe za Amerika yatsinda u Burusiya biyigoye cyane kurusha uko yatsinda u Bushinwa.

 

Comments

 
 
Dore ibyo ukwiye kumenya mbere yo  gushaka gushinga urugo
Dore ibyo ukwiye kumenya mbere yo gushaka gushinga urugo

Abantu benshi bashyingiranwa kuko bumva igihe kigeze bitewe n’imyaka bafite, ariko imyaka ntabwo ari ikibazo, icy’ibanze ni ukuba ibintu by’ibanze biba bikenewe kugira ngo ushake umufasha. (...)

Mu Buhinde urukundo rwica abantu kurusha iterabwoba
Mu Buhinde urukundo rwica abantu kurusha iterabwoba

Ubushakasatsi bwakozwe na Leta y’u Buhinde bwasanze abantu bapfuye bazize urukundo mu myaka icumi n’itanu ishize bakubye inshuro esheshatu abaguye mu bikorwa by’iterwabwoba. Times of India, ivuga (...)

Hasojwe ibikorwa byo kuvugurura imva ya Yezu
Hasojwe ibikorwa byo kuvugurura imva ya Yezu

Mu gihe abakirisitu bitegura kwizihiza Pasika, itsinda ry’abubatsi ryasoje ibikorwa byo kuvugurura ahafatwa nk’ahari imva Yezu Kristu yashyinguwemo akazuka mu mujyi wa Yeruzalemu. Hari hashize (...)

Uganda: Polisi yategetse abavandimwe kuguraana abagore
Uganda: Polisi yategetse abavandimwe kuguraana abagore

Abagabo babiri b’ahitwa i Butende-Bubanda mu karere ka Kamuli muri Uganda, bemeranyije guhinduranya abagore babo, kugira ngo bakemure amakimbirane bari bamaranye iminsi. Paul Kiirya, w’imyaka 55 (...)

Ubushakashatsi bwerekanye ko gusenga Kiyisilamu (gusari) bivura ububabare bw’umugongo
Ubushakashatsi bwerekanye ko gusenga Kiyisilamu (gusari) bivura ububabare bw’umugongo

Abayisilamu babarirwa muri miliyari 1.6 ku Isi, buri munsi basenga inshuro eshanu bapfukama bakubika umutwe berekeza i Maka nka kimwe mu bintu bitanu bategetswe gukora n’igitabo cyabo gitagatifu, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.