2017-07-27 11:26:56 clouds 27o High | Kigali Rwanda

Dukurikire:
 
 

Ngoma:Yafatiwe mu gikoni cy’abandi mu gicuku, yisobanuza ko yari agiye ‘gutereta’

Yanditswe na IMVAHO NSHYA

Kuya 2016-08-29 05:54:10

 
Share on:
 
Yasuwe:5
 
Yavuzweho:200
 
10
 
10

Abaturage bo mu mudugudu wa Kiruhura, mu kagari ka Cyasemakamba, baguye gitumo umugabo ari mu gikoni cy’umuturage agerageza kwiba, ahagana saa sita z’ijoro ryo kwa gatandatu, yisobanura avuga ko ngo yari aje gutereta umukobwa wo muri urwo rugo.

Uyu mugabo uri mu kigero cy’imyaka 35 yafatiwe mu rugo (mu gikoni) rw’umucuruzi witwa Ingabire Lucien, utuye mu mudugudu wa Kiruhura.

Aganira n’Imvaho Nshya Mukansanga Gaudence, Umuyobozi w’umudugudu wa Kiruhura, yavuze ko uyu mugabo bigoye kwemeza umwirondoro we kuko atari asanzwe amuzi mu mudugudu ayoboye, kandi akaba agaragaza ko nta cyangombwa na mba afite.

Yagize ati “Yafashwe yinjiye mu gikoni cy’umugabo bita Rusiyani, mu ijoro saa tanu zirenga,…amubajije impamvu amubereye mu rugo, aramutuka, anamutuka nabi cyane, ariko ngo yaje kujijisha nyuma avuga ko ngo yari agiye gutereta umukobwa.”

JPEG - 325 kb
Uyu mugabo yatawe muri yombi ari mu gikoni cy’abandi mu gicuku, abonye bimukomeranye ati ’Nari nje gutereta’

Mukansanga uyobora Kiruhura akomeza avuga bigoye guhita ahamya ko uyu mugabo yagenzwaga no kwiba, kuko nta bimenyetso bifatika bibigaragaza, gusa ngo igiteye impungenge nuko atari asanzwe amuzi mu mudugudu wa Kiruhura ayobora, kandi akaba avuga ko nta cyangombwa na kimwe afite kigaragaza imyirondore ye nyakuri.

Yagize ati “Imyirondoro ye irakemangwa, yambwiye ko yitwa ‘Nkunzimana Gaspard’ gusa sinahamya ko ari ko yitwa kuko nta byangobwa twigeze tumusangana, twagize n’impungenge z’uko iyo sura nibwo nari nyibonye mu mudugudu, avuga ko yari amaze ukwezi ahacumbitse ariko ngo uwamucumbikiye ntiyigeze amubaruza mu bitabo by’abinjira n’abasohoka.”

Uyu mugabo wafatiwe mu gikoni cy’abandi mu gicuku, we avuga ko ngo amaze imyaka 5 i Kibungo. Gusa akavuga ko mu mudugudu wa Kiruhura aho yari acumbitse mu rugo rw’uwitwa Mukarugwiza Agnès, yari ahamaze ukwezi kumwe.

Bamwe mu baturage basanzwe babona uyu mugabo batangarije Imvaho Nshya ko bamuziho ubujura bw’amaterefoni, ibitoki n’ibindi, hakaba n’abagaragaza amakuru yuko yari amaze iminsi afatwa yibye agakubitwa.

Kugira ngo afatwe n’abaturage, habayeho guhanahana amakuru, hagati y’inzego z’umutekano n’abaturage muri uyu mudugudu wa Kiruhura binyuze kuri telefoni zigendanwa.

Ni ubufatanye bwagezweho ahanini ngo hashingiwe ku kuba abaturage bamaze gusobanukirwa kwicungira umutekano no kutanga amakuru ku buryo bwihuse.

Ubuyobozi bw’akagari ka Cyasemakamba, buyobowe na Baganizi Fréderic, bwarekuyee uyu mugabo, bumusaba kwihutira gushaka ibyangonbwa vuba, dore ko ngo avuga ko yaturutse i Ngororero, mu Burengerazuba bw’u Rwanda.

Mu karere ka Ngoma haherutse gukorwa umukwabu, hafatwa bakekwaho gukora ubujura basaga 80.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE