2017-07-28 06:05:39 clouds 27o High | Kigali Rwanda

Dukurikire:
 
 

Mali: Imbeba yabujije indege guhaguruka

Yanditswe na IMVAHO NSHYA

Kuya 2016-08-29 12:57:46

 
Share on:
 
Yasuwe:3
 
Yavuzweho:200
 
10
 
10

Indege ya Air France yasubitse urugendo rwo kuva mu mujyi wa Bamako yerekeza i Paris mu Bufaransa nyuma y’uko bayisanzemo imbeba ku wa Gatanu.

Umuvugizi wa Air France, Christophe Paumier yabwiye AFP ko kuvana iyo mbeba mu ndege byatwaye amasaha menshi cyane ku buryo byabaye ngombwa ko urugendo ruburizwamo.

Urwo rugendo rwasubitswe amasaha 48, indege igenda ku mugoroba wo ku cyumweru. Abagenzi bari gukora urwo rugendo rwiswe AF 373 bacumbikiwe mu mahoteli mu murwa mukuru wa Mali.

Paumier avuga ko kompanyi ya Air France izaha buri mugenzi impozamarira.

Ati”Air France ibabajwe n’ibyabaye ariko byari ngombwa kuko ishishiajwe n’umutekano w’abakiriya bayo n’abakozi bayo cyane.”

Imbeba ni inyamaswa zitera ubwoba kompanyi zikora ingendo z’indege, kuko zishobora kwangiza insinga zigateza impanuka.

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE