Advertisement
 
 
 
 
 
 
 
 

Utuntu n’utundi

Ibyo ukwiye kumenya kuri Camera ya iPhone 7 yageragerejwe mu Rwanda (Amafoto)   

  Yanditswe na IMVAHO NSHYA
 September 2016

 
 

Gafotozi mpuzamahanga Austin Mann, umenyerewe mu kugerageza camera za telefoni, uyu mwaka yaje gufotora uburanga bw’u Rwanda akoresheje iPhone karindwi.

We n’itsinda rya televiziyo National Geographic Taravel na Nat Geo Adventure baje gufotora ingagi, amashyamba n’ibyaro byo mu Rwanda.

Amafoto yose ari muri iyi nkuru ni aya iPhone7

Mann, abanyamakuru n’abafotozi ba Nat Geo Travel + Nat Geo Adventure bahereye mu ishyamba rya Nyungwe, bagenda n’ubwato mu kiyaga cya Kivu, bajya gufotora ingagi muri parike y’Ibirunga basoza bajya gufotora imirima y’icyayi mu ntara y’Amajyepfo.

Ibyo Mann avuga kuri camera ya iPhone 7:

Uyu gafotozi ahamya ko iyi camera ifite ikoranabuhanga rihambaye kuko ikoresha ibirahuri (lens) bibiri bigatuma umuntu afata neza amashusho y’ibidukikije haba ku misozi y’ibyaro no mu mashyamba.

Yongeyeho ko kuba ikurura ikintu kiri kure (2x zoom) kandi ntibitume gisa nabi bituma iba nziza yo gukoresha mu birori n’ahandi hantu hagoranye gufotora.

Avuga kandi Camera ya iPhone 7 ikoranye ikoranabuhanga rituma ifotora neza ikintu kiri kugenda ku muvuduko, ntihazemo ibihu, ibi ibikora neza kurusha izindi camera za telefoni zayibanjirije zaba iza Android n’izindi iPhones.

Austin Mann ahamya ko iPhone 7 ari nziza yo gufotora mu kirere cy’u Rwanda kiba kirimo ibihu mu masaha y’igitondo.

Sosiyete ya Apple ‘iPhone 7’ ku wa Gatatu w’icyumweru gishize. Iyi telefoni ntigira umwobo ucomekwamo utwuma tw’amatwi (headphones/ecouteurs) ahubwo izasohokana na ekuteri zayo zihariye zidakenera insinga (wireless).

JPEG - 97.1 kb
Ifite ’Focus’ ku buryo ushobora kuyifotoza ukavangura icyo ushaka n’icyo udashaka ko kigaragara

iPhone 7 kandi ushobora kuyijugunya mu mazi igakomeza gukora nk’ibisanzwe. Bivuze ko ushobora kuyibagirirwa mu myenda ukayimesa , cyangwa ikagwa mu ndobo y’amazi ntipfe; gusa iguye nko mu mazi menshi nko mu mugezi, piscine cyangwa ikiyaga imara iminota mike cyane igapfa.

Izatangira kugurishwa ku madorali 649 (igiciro cy’uruganda) naho iPhone 7 Plus (nini kurushaho) igure amadorali 769.

JPEG - 68.5 kb
Mu gitondo, ikirere kirimo igihu, iPhone 7 ifotora neza
JPEG - 146.5 kb
Iyi telefoni wayifotoza abawe amafoto batazibagirwa mu buzima

Amafoto:http://austinmann.com/

 

Comments

 
 
Dore ibyo ukwiye kumenya mbere yo  gushaka gushinga urugo
Dore ibyo ukwiye kumenya mbere yo gushaka gushinga urugo

Abantu benshi bashyingiranwa kuko bumva igihe kigeze bitewe n’imyaka bafite, ariko imyaka ntabwo ari ikibazo, icy’ibanze ni ukuba ibintu by’ibanze biba bikenewe kugira ngo ushake umufasha. (...)

Mu Buhinde urukundo rwica abantu kurusha iterabwoba
Mu Buhinde urukundo rwica abantu kurusha iterabwoba

Ubushakasatsi bwakozwe na Leta y’u Buhinde bwasanze abantu bapfuye bazize urukundo mu myaka icumi n’itanu ishize bakubye inshuro esheshatu abaguye mu bikorwa by’iterwabwoba. Times of India, ivuga (...)

Hasojwe ibikorwa byo kuvugurura imva ya Yezu
Hasojwe ibikorwa byo kuvugurura imva ya Yezu

Mu gihe abakirisitu bitegura kwizihiza Pasika, itsinda ry’abubatsi ryasoje ibikorwa byo kuvugurura ahafatwa nk’ahari imva Yezu Kristu yashyinguwemo akazuka mu mujyi wa Yeruzalemu. Hari hashize (...)

Uganda: Polisi yategetse abavandimwe kuguraana abagore
Uganda: Polisi yategetse abavandimwe kuguraana abagore

Abagabo babiri b’ahitwa i Butende-Bubanda mu karere ka Kamuli muri Uganda, bemeranyije guhinduranya abagore babo, kugira ngo bakemure amakimbirane bari bamaranye iminsi. Paul Kiirya, w’imyaka 55 (...)

Ubushakashatsi bwerekanye ko gusenga Kiyisilamu (gusari) bivura ububabare bw’umugongo
Ubushakashatsi bwerekanye ko gusenga Kiyisilamu (gusari) bivura ububabare bw’umugongo

Abayisilamu babarirwa muri miliyari 1.6 ku Isi, buri munsi basenga inshuro eshanu bapfukama bakubika umutwe berekeza i Maka nka kimwe mu bintu bitanu bategetswe gukora n’igitabo cyabo gitagatifu, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.