Advertisement
 
 
 
 
 
 
 
 

Utuntu n’utundi

Ibintu 10 benshi batazi kuri Lionel Messi   

  Yanditswe na MURENGERANTWARI Dominique
 5 months ago

 
 

Taliki 24 Kamena 2016 nibwo Lionel Messi yujuje imyaka 29 y’amavuko. Hari byinshi yakoze mu mupira w’amaguru n’ibyo agikora ariko hari bimwe na bimwe abakunzi ba ruhago batari bamuziho.

Dore bimwe mu bintu bitazwi na benshi kuri Messi :

Ni umukinnyi ufite uduhigo twinshi kurusha abandi

Afite imyaka 27 gusa y’amavuko, Messi yaciye agahigo ko kuba umukinnyi wa mbere watsinze ibitego byinshi muri shampiyona ya Espagne ndetse n’ibitego byinshi mu irushanwa rihuza amakipe yabaye aya mbere ku mugabane w’u Burayi. Ikimutera agahinda kikamushengura umutima ni uko ataregukana igikombe cy’isi cyangwa Copa-America.

JPEG - 41.3 kb
Lionel Messi n’ubwo afite ibigwi bitandukanye ntarabasha guhesha ikipe y’igihugu cye cya Argentine igikombe na kimwe

Kuba atarafasha ikipe ya Argentine kwegukana aya marushanwa ahubwo bagatsindwa ku mikino ya nyuma bituma abafana ba Argentine bamufata nk’umukinnyi usanzwe nyamara mu mateka ya ruhago afite Ballon d’Or inshuro 5 bitaragerwaho n’umukinnyi uwo ari we wese muri ruhago. Kudahesha ikuzo ikipe ya Argentine byatumye asezera mu ikipe y’igihugu.

Ikimushimisha

Messi mu buzima bwe avuga ko akunda ikintu kimwe kurusha ibindi, « gusinzira ». Ibi byemezwa n’abakinnyi benshi bakina mu ikipe imwe y’igihugu ya Argentine. Bavuga ko uyu mukinnyi iyo afite akanya ntacyo ahugiyeyo asinzira umugondorajosi mu gihe abandi baba bareba za televiziyo cyangwa bakina imikino.

Messi ni umwe mu bakinnyi bazi kwiruka cyane

N’ubwo ari mugufi cyane haba igihagararo cyangwa indeshyo y’amaguru ye, Messi iyo yiruka arihuta cyane. Urubuga “Ask4sports.com” rwakoze impuzandengo y’umuvuduko we iyo afite umupira rusanga nibura metero 9,38 azirukanka mu isegonda rimwe gusa. Ibi bituma abarirwa mu bakinnyi ba ruhago banyaruka kurusha abandi ku isi.

Umukinnyi Messi yigiraho

N’ubwo Messi agereranywa na Maradona hari undi mukinnyi ukomoka iwabo muri Argentine yigiyeho byinshi mu buzima bwe bwa ruhago. Akina mu bana bato ba Barcelone, Pablo Aimar yari umukinnyi yakundaga akandi akifuza gukina nka we. Akina muri Barcelone ndetse agiye no muri Valence Messi akomeza kumwigiraho byinshi. Ibyo yamwigiyeho byamugiriye akamaro mu buhanga afite ubu mu mupira w’amaguru.

Umuntu wamufashije cyane mu bwana bwe

Kenshi iyo Messi atsinze igitego benshi bibaza ko akishimira anashimira Imana gusa nyamara aba anashimira uwari nyirakuru we witwa Celia. N’ubwo uyu mukecuru atashoboye kureba ibyo umwuzukuru we akora ubu muri ruhago ni we wamugiraga inama yo kuzaba umukinnyi mwiza w’umunyamwuga ku rwego rukomeye.
Rexach niwe wa mbere watekereje kumusinyisha amasezerano

Afite imyaka 13 ari mu ikipe ya Barcelone y’abato uwari umuyobozi wa tekiniki, Carles Rexach yashimishijwe cyane n’ubuhanga Messi yari afite maze ahita atekereza kumusinyisha amasezerano ya mbere muri Barca.

Ibura ry’imisemburo mu mubiri afite imyaka 11

Ari mu ikipe y’abana ya Newell’s Old Boys abaganga basanze afite imisemburo mike mu mubiri. Kumuvuza byari bihenze cyane ukurikije ubushobozi buke bw’iyi kipe yamureze kuko byasabaga amayero 1500 buri kwezi kugira ngo avurwe iyi ndwara. Nyamara aya mafaranga yari nk’agatonyanga mu nyanja kuri Barcelone yahise imuha ubufasha bwo kumuvura.

Ikipe Messi akunda

Nk’uko bisanzwe kandi atabihisha, Lionel Messi ni umufana ukomeye w’ikipe ya Newell’s Old Boys yo muri Argentine mu mujyi wa Rosario avukamo. Nubwo akina muri Espagne kuva afite imyaka 11 iteka akurikirana imikino y’iwabo muri Argentine cyane cyane iy’iyi kipe imuhora ku mutima.

Ikipe ya mbere Messi yakiniye

Messi yatangiye kujya mu byerekeye umupira w’amaguru mu ikipe ya Newell’s Old Boys iwabo muri Argentine afite imyaka itanu gusa. Aha niho yatangiye kugaragaza impano yatumye Barcelone imwitaho ikamukurikirana mu bwana bwe ikamwegukana afite imyaka 11.

Imvano y’izina rye

N’ubwo ababyeyi be batabivuga beruye ngo hari ibimenyetso byinshi byerekana ko izina Lionel ryakomotse ku muhanzi w’umunyamerika Lionel Richie. Uyu muririmbyi ngo ababyeyi ba Messi baramukundaga bitangaje ku buryo n’iri zina ryaba ari ho ryakomotse.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Umuhanuzi TB Joshua  ’weretswe’ intsinzi ya Clinton yataye ibaba
Umuhanuzi TB Joshua ’weretswe’ intsinzi ya Clinton yataye ibaba

Umuhanuzi wo muri Nigeria TB Joshua umaze kumenyekana cyane ku bw’ubuhanuzi atanga akenshi bugahura n’ukuri, yataye ibaba nyuma y guhanura ko Amerika igiye kuyoborwa n’umugore uzahura n’ibizazane (...)

 Wari uzi ko abirabura bo muri Afurika y’Epfo ari abakire? Barakubeshye ! (Amafoto)
Wari uzi ko abirabura bo muri Afurika y’Epfo ari abakire? Barakubeshye ! (Amafoto)

Nyuma y’imyaka isaga 50 abazungu bo muri Afurika y’Epfo batsikamira abirabura muri politike ya Apartheid, mu myaka ya 1990, Nelson Mandela, yarafunguwe ndetse aba perezida, kuva icyo gihe igihugu (...)

Icyamamare Pete Burns, wihinduje umugore, apfuye yarabazwe isura inshuro zisaga 300
Icyamamare Pete Burns, wihinduje umugore, apfuye yarabazwe isura inshuro zisaga 300

Umuhanzi w’Umwongereza, Pete Burns, wo mu itsinda Dead or Alive, yapfuye ku wa mbere amaze kwibagisha isura inshuro zisaga 300. Umujyanama we yatangaje ko Burns yapfuye urupfu rutunguranye, (...)

Dubai: Batangiye kubaka inyubako ndende kurusha izindi ku Isi (Amafoto & Amashusho)
Dubai: Batangiye kubaka inyubako ndende kurusha izindi ku Isi (Amafoto & Amashusho)

Minisitiri w’Intebe wa Dubai, Sheikh Mohammed bin Rashid Al Maktoum, ku wa 10 Ukwakira 2016, yatangije imirimo yo kubaka umuturirwa witwa ‘The Tower at Dubai Creek Harbour’ uzaba ari wo muremure (...)

USA yamuritse ubwato bw’intambara bufite ingufu kurusha ubundi ku Isi (Amafoto)
USA yamuritse ubwato bw’intambara bufite ingufu kurusha ubundi ku Isi (Amafoto)

Leta Zunze Ubumwe za Amerika, USA, yamuritse ubwato bw’intambara bwo mu bwoko bwa ’destroyer’ bwitwa USS Zumwalt, buhenze kandi bufite ingufu kurusha ubundi ku Isi. Ubwo bwato bwatwaye miliyari 4.4 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.