2017-06-25 13:58:23 clouds 27o High | Kigali Rwanda

Dukurikire:
 
 

Brazil: Ku myaka 87 yitabiriye irushanwa ry’abagore b‘amabuno ateye neza (Amafoto)

Yanditswe na IMVAHO NSHYA

Kuya 2016-05-24 13:59:38

 
Share on:
 
Yasuwe:309
 
Yavuzweho:200
 
10
 
10

Terezina Isen, umukecuru ufite imyaka 87, abana batatu, abuzukuru icyenda n’abuzukuruza icyenda, arahatanira igihembo cy’umukecuru urusha abandi amabuno ateye amabengeza muri Brazil “Miss Granny Bum Bum".

Buri mwaka, muri Brazil haba irushanwa ry’abakobwa bari hagati y’imyaka 19 na 25 bafite amabuno meza. Muri uyu mwaka hajemo agashya, aho abagore bafite imyaka iri hejuru 50 bazahatanira n’igihembo cy’umukecuru urusha abandi amabuno.

Ibi byatumye na Terezina w’umupfakazi yiyamamaza. Kugira ngo agire ibuno ribereye ijisho, uyu mubyeyi yirigwa mu myitozo irimo gutembera, yoga no kwivanishaho iminkanyari ituma amatako ye asa nk’apfunyaritse.

JPEG - 118.2 kb
Terezina ahora mu myitozo ngororamubiri ngo agarukane itoto

Yabwiye Mail Online ati” Nshobora kuba ngiye kuzuza imyaka 90 ariko ndacyumva ndi inkumi, uretse kubyiyumvamo imbere, n’inyuma ni uko. Si ndi nka ba bakecuru baba bafite inda irereta buri gice cy’umubiri cyaravuye mu mwanya wacyo… njye nduzuye, buri rugingo ruracyakomeye.”

Yongeyeho ati “Nkiri muto ninjye mukobwa wahigaga abandi mu bwiza mu mujyi wose, narahitaga bose bakarangara. Nshaka kubereka rero ko n’ubu nubwo nshaje nkiri mwiza.”

JPEG - 79.3 kb
Yivanishaho iminkanyari yo ku mabuno kwa muganga

Mukecuru Terezina ukomoka mu mujyi wa Salvador mu majyaruguru y’uburasirazuba ya Brazil yashyingiwe afite imyaka 21. Hashize imyaka 42 umugabo we wari umuyobozi wa banki apfuye. Avuga ko akiri muto yahoze yifuza kuba Nyampinga.

Ati” Nahoze ndota kuba ‘Miss’. Ubwo rero numvise bari gushaka abakecuru bifuza kuba Miss Bumbum mpita ninjira mu irushanwa.”

Nubwo Terezina yizeye kuzatsinda, ahanganye n’abandi bakecuru bakiri bato kumurusha. Eliza Gattermayer w’imyaka 63 we asanga agifite umubiri ukurura abagabo.

Ati” Umubiri wanjye si nk’uw’abandi bakecuru, uracyari umwimerere nta nenge ufite. Sinshaka kuwuringaniza, sinigeze nibagisha, iyi minkanyari ubona ni ikimenyetso cy’ubukure n’imiruho….”

JPEG - 67 kb
Eliza avuga ko arusha abandi bakecuru amabuno meza

Eliza ufite abuzukuru babiri, yemera ko buri munsi akora imyitozo ngororamabuno agenzurwa n’umuhungu we.

JPEG - 228 kb
Ati ’ ndacyakurura abagabo’


Undi uhatanira ikamba ry’umukecuru urusha abandi amabuno meza ni Geralda Diniz. Ku myaka 63 afite abana bane n’abuzukuru bane.

We ahamya ko ubwiza bwe bushingiye ku bukecuru bwe ku buryo adakozwa ibyo kwitoza no kwibagisha ngo asubirane itoto.

Ati” Sinumva impamvu bariya duhanganye bashaka guhisha ukuri. Turashaje nitubyemere. Nzatsinda kubera nzereka abantu umubiri unoze Imana yampaye, nzerekana ukuberwa kwa kibyeyi aho kwiyandagaza.”

JPEG - 94.5 kb
Geralda Diniz ngo afite ubwiza karemano

Yongeyeho ati” Inda yanjye nubwo ari nini ijyanye n’umubiri n’imyaka mfite. Ndabizi neza ko uko nteye bitazashimisha bose.”

JPEG - 101.8 kb
Geralda anenga bagenzi be birirwa mu myitozo ngorora mabuno
JPEG - 192.6 kb
Buri mwaka muri Brazil haba irushanwa rya Miss Bum Bum
JPEG - 191.3 kb
Muri 2015 Suzy Cortez yahize abandi mu kugira amabuno ateye amabengeza
JPEG - 102.5 kb
Amabuno barayapima ... bakanayafotora
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE