2017-05-25 06:02:25 clouds 27o High | Kigali Rwanda

Dukurikire:
 
 

Asgardia, igihugu cya mbere kigiye gushingwa mu isanzure, gikeneye abaturage

Yanditswe na IMVAHO NSHYA

Kuya 2016-10-17 12:16:21

 
Share on:
 
Yasuwe:79
 
Yavuzweho:200
 
10
 
10

Abahanga muri siyansi, abenjeniyeri, abashoramari n’impuguke mu by’amategeko bagiye gushinga igihugu cya mbere mu mateka y’Isi kizaba kiri mu isanzure.

Imirimo yo kubaka icyo gihugu izatangira mu mpera z’uyu mwaka, biteganyijwe ko kizatahwa mu 2017. Kizaba gifite amategeko yacyo yihariye, idarapo n’ubusugire nk’ubw’ikindi gihugu cyo ku Isi.

JPEG - 30.4 kb
Sitasiyo yo mu isanzure ya Asgardia izaba imeze itya

Umuyobozi wa Komite ya UNESCO ishinzwe ubumenyi bwo mu isanzure, Dr. Igor Ashurbeyli, uyoboye uwo mushinga avuga ko kizaba gifite imitegekere n’ububasha nk’ubw’ikindi gihugu.

Yagize ati “Asgardia ni igihugu cyigenga, kandi kizajya mu banyamuryango ba Loni, gihabwe agaciro nk’ak’ibindi bihugu.”

Abashaka gushinga igihugu cya Asgardia bavuga ko kizakoreshwa nk’ubuhungiro bw’imvururu n’ibyago biri mu Isi. Mu gihe ikintu cyose cyoherezwa mu isanzure gikomeza kugendera ku mategeko y’igihugu cyacyohereje, buri muntu cyangwa ikintu kizajya muri Asgardia kizaba kigenga.

JPEG - 79.8 kb
Asgardia uyirebeye kure

Nk’uko bigaragara ku rubuga rw’icyo gihugu, www.asgardia.space, abashaka kwiyandikisha kuzatura muri icyo gihugu batangiye kwakirwa. Ubuyobozi bw’iki gihugu buvuga ko abantu 100 000 biyandikisha bwa mbere bazahabwa ubwenegihugu nta mananiza.

Naho abandi ngo bazajya bandikira Loni bayisaba ubwo bwenegihugu. Ubwo twandikaga iyi nkuru, abamaze kwiyandikisha bari 369 235.

Mu nama y’abayobozi b’uyu mushinga, yabereye i Paris ku wa 12 Ukwakira 2016, Ashurbeyli, wiyita ko ari umubyeyi wa Asgardia, yavuze ko bateganya kuzakira abaturage miliyoni 150 benshi bakazajya bakora bataha ku Isi.

Nubwo Asgardia itaraba igihugu cyemewe, abashaka kuyituraho hari ibyo bagomba kuba bujuje nko kuba batuye mu bihugu byemera ubwenegihugu bwinshi.

Mu guhitamo abaturage, abafite amahirwe ni abafite ubushobozi n’ubuhanga bwo gushora imari mu ikoranabuhanga ry’ubumenyi bw’isanzure.

USHAKA KUBA UMUTURAGE WA ASGARDIA? KANDA HANO

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE