Advertisement
 
 
 
 
 
 
 
 

Umuco

U Rwanda rwashimye ibihugu byitabiriye FESPAD 2016   

  Yanditswe na NDAMYIROKOYE FRANÇOIS
 4 months ago

 
 

Minisitiri w’Umuco na Siporo Uwacu Julienne, yashimiye byimazeyo ibihugu byitabiriye FESPAD anabyizeza gukomeza gufatanya mu bikorwa bitandukanye birimo n’ibijyanye n’umuco.

Mu birori byo gusoza iserukiramuco nyafurika ry’imbyino ryaberaga mu Rwanda kuva ku ya 1 Kanama 2016 byabereye mu Karere ka Nyanza ku wa Kane ku ya 4 Kanama 2016 ni bwo Minisitiri Uwacu yashimiye bidasubirwaho ibi bihugu.

Yagize ati “Ndashimira abaturutse muri Senegal, Repubulika Iharanira Demokarasi ya Kongo, Misiri na Kenya babanye na twe kuva twatangira iri serukiramuco. Turi kumwe, twishimiye umuco wacu, Afurika yacu kandi tuzamoza ubufatanye nk’ibihugu by’Afurika binyuze mu muco wacu nyafurika.”

JPEG - 360.9 kb
Minisitiri w’Umuco na Siporo Uwacu Julienne washimiye cyane ibihugu byari byaraje mu iserukiramuco

Minisitiri Uwacu yanabashimiye cyane uko bataramiye Abanyarwanda bakanyurwa binyuze mu mbyino zijyanye n’imico yo mu bihugu byabo.

Yakomeje avuga ko ubufatanye bw’ibihugu bukwiye kugaragarira muri byinshi bihuriyeho ari na byo abaperezida biyemeje guha imbaraga ubwo baheruka i Kigali mu nama y’Umuryango w’Ubumwe bwa Afurika.

Minisitiri yagaragaje ko u Rwanda rwishimira kuba ibirori by’i Rusizi, Musanze na Kayonza byagenze neza guhera ku wa 1 Kanama ubwo iserukiramuco ryatangiraga.

Mbere y’uko haba igikorwa cyo gusoza iryo serukiramuco i Nyanza, mu masaha ya mu gitondo abari bavuye mu bindi bihugu byitabiriye iserukiramuco basuye urwibutso rwa Jenoside yakorewe Abatutsi rwa Kigali ku Gisozi ahashyinguye ibihumbi 259.

Mu kurisoza hakozwe umutambagiro waturutse ahitwa ku Gasoro mu Karere ka Nyanza, ahari ikigabiro cy’Umwami Musinga wa V ku kigo cy’ishuri cya Mather Dei rukomereza kuri Kiliziya yitiriwe Mutagatifu Ludoviko rukomereza na none mu mujyi rwa gati rusozerezwa ahazwi nko mu Rukari mu ngoro y’Umwami Rudahigwa.

Itorero ry’Igihugu Urukerereza n’Urugangazi ni byo byataramiye abantu bijyanye n’umuco nyarwanda.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
U Rwanda rwashimye ibihugu byitabiriye FESPAD 2016
U Rwanda rwashimye ibihugu byitabiriye FESPAD 2016

Minisitiri w’Umuco na Siporo Uwacu Julienne, yashimiye byimazeyo ibihugu byitabiriye FESPAD anabyizeza gukomeza gufatanya mu bikorwa bitandukanye birimo n’ibijyanye n’umuco. Mu birori byo gusoza (...)

Kayonza: Abakiri bato basabwe kwiga umuco hakiri kare
Kayonza: Abakiri bato basabwe kwiga umuco hakiri kare

Mu birori byo kwakira iserukiramuco nyafurika mu Ntara y’Iburasirazuba byabereye mu Karere ka Kayonza, Abanyarwanda basabwe kubungabunga umuco no kuwigisha abato. Minisitiri w’Umuco na Siporo (...)

Minisitiri Uwacu yikomye abakivanga indimi z’amahanga mu Kinyarwanda
Minisitiri Uwacu yikomye abakivanga indimi z’amahanga mu Kinyarwanda

Minisitiri w’Umuco na Siporo yasabye Abanyarwanda gukomera ku rurimi rw’Ikinyarwanda kuko bidakozwe Ikinyarwanda gishobora kwibagirana, bagahera mu cyeragati ntibagire ururimi na rumwe rubahuza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.