Advertisement
 
 
 
 
 
 
 
 

Umuco

Kayonza: Abakiri bato basabwe kwiga umuco hakiri kare   

  Yanditswe na Hakizimana Yussuf
 4 months ago

 
 

Mu birori byo kwakira iserukiramuco nyafurika mu Ntara y’Iburasirazuba byabereye mu Karere ka Kayonza, Abanyarwanda basabwe kubungabunga umuco no kuwigisha abato.

Minisitiri w’Umuco na Siporo Uwacu Julienne wari witabiriye ibyo birori muri iyo ntara yasabye Abanyarwanda bari bitabiriye icyo gikorwa kubungabunga umuco wabo bakanawusigasira kugira ngo utazacika.

Berekanye umuco nyarwanda binyuze mu mbinyo, abato basabwa kureberaho


Yagize ati “Uyu muco ntugomba kuzima. Iyo duhuriye aha ngaha tukabyina, tukumva amahamba n’amazina y’inka, tukabona ababyina, biba bivuze ngo abato muhari mwige kuko ubutaha ni mwe muzabikora bityo mu myaka itaha umuco wacu uzabe ishingiro ry’iterambere rirambye”.

Minisitiri Uwacu yongeye gusaba Abanyarwanda kumenya ko umuco wabo ari ikirezi bakwiye kumenya ko cyera.

Umwe mu bitabiriye iri serukiramuco nyafurika waturutse muri Repebulika iharanira Demokarasi ya Kongo witwa Cshemene Salomon yavuze ko yishimiye cyane kuribonekamo.

Aba babyinaga mu buryo bujyanye n'umuco nyafurika


Yagize ati “Iserukiramuco rigaragaza umwimerere w’abantu, ni yo mpamvu ribayeho buri gihe ryarinda amakimbirane mu bihugu kuko abantu bose baba baziranye bazi uko abandi bateye”.

Ibi birori byaranzwe n’imbyino nyafurika harimo izo mu Rwanda, Misiri ndetse no muri Repebulika iharanira Demorakarasi ya Kongo.

Muri ibyo birori kandi hamuritswe inyambo habaho n’umwanya wo kuganura baha abana amata hanabaho ubusabane n’abayobozi batandukanye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
U Rwanda rwashimye ibihugu byitabiriye FESPAD 2016
U Rwanda rwashimye ibihugu byitabiriye FESPAD 2016

Minisitiri w’Umuco na Siporo Uwacu Julienne, yashimiye byimazeyo ibihugu byitabiriye FESPAD anabyizeza gukomeza gufatanya mu bikorwa bitandukanye birimo n’ibijyanye n’umuco. Mu birori byo gusoza (...)

Kayonza: Abakiri bato basabwe kwiga umuco hakiri kare
Kayonza: Abakiri bato basabwe kwiga umuco hakiri kare

Mu birori byo kwakira iserukiramuco nyafurika mu Ntara y’Iburasirazuba byabereye mu Karere ka Kayonza, Abanyarwanda basabwe kubungabunga umuco no kuwigisha abato. Minisitiri w’Umuco na Siporo (...)

Minisitiri Uwacu yikomye abakivanga indimi z’amahanga mu Kinyarwanda
Minisitiri Uwacu yikomye abakivanga indimi z’amahanga mu Kinyarwanda

Minisitiri w’Umuco na Siporo yasabye Abanyarwanda gukomera ku rurimi rw’Ikinyarwanda kuko bidakozwe Ikinyarwanda gishobora kwibagirana, bagahera mu cyeragati ntibagire ururimi na rumwe rubahuza (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.