Advertisement
 
 
 
 
 
 
 
 

Uko Mbibona

Umuyobozi mushya wa AU ategerejweho byinshi   

  Yanditswe na KAMBANDA NOEL
 4 months ago

 
 

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma nk’umuyobozi wa AU.

Abakandida batatu bari bitabiriye amatora nta numwe wabonye 2/3 nk’uko biteganywa n’ingingo AU igenderaho bityo arasubikwa. Hemejwe kandi ko hafungurwa kongera gutanga kandidatire.

Mu myaka itanu ishize, Umuryango w’Afurika Yunze Ubumwe washyizeho ingingo eshanu ngenderwaho ku muntu uzayobora uwo muryango; izo akaba ari uburambe, kumenya kuyobora, ibyagezweho n’uwifuza kuyobora, icyerekezo gihamye ndetse no kugira uburyo bwiza ukoramo ibintu. Ariko muri ibyo ibyose, Afurika ntikeneye umuntu wujuje izo ngingo gusa ikeneye umuntu wayifasha kuvugurura ndetse no gushyira mu bikorwa imyanzuro iba yafashwe.

Uzatsindira uyu mwanya yaba umugabo cyangwa umugore azayobora AU mu gihe cy’imyaka ine cyangwa umunani igihe yaba yitwaye neza akongerwa manda, azaba ashinzwe gushyira mu bikorwa gahunda ya 2063 ndetse no gushyira mu bikorwa imigambi ya AU harimo cyane cyane guhuza no gushyira mu bikorwa ishami rya AU rishinzwe amahoro n’umutekano, ishami rishinzwe imiyoborere ndetse no kwishakamo umutungo.

Ni umurimo utoroshye usaba icyerekezo cy’ubuyobozi ndetse no kugira imiyoborere myiza. Nta bwo ari umwanya wo guhagararira igihugu cyawe gusa ahubwo ni umuntu wakora ibikorwa by’indashyikirwa akabera intangarugero abaturage b’Afurika yose.

Ibi birakenewe, cyane cyane ko AU irenze kuba umuryango uhuza ibihugu gusa; twibukiranye ko waturutse ku muryango wa “Panafricanism” wari ukuriwe na ba Kwane Nkrumah, Patrice Lumumba, Julius Nyerere n’abandi aho waturutse mu baturage batandukanye b’Afurika ubwabo. Bikaba ari isomo rikomeye ko AU igomba kuva mu baturage aho kugira ngo ituruke hejuru (mu nama) iza mu baturage.

AU ntabwo ari umuryango uhuje ibihugu gusa, ugomba kugaragaza ubumwe, ndetse ikaba ihuriro ry’ibisubizo ku baturage ba Afurika bakeneye ubumwe, kwihesha agaciro no kwigobotora ibihugu bikomeye biyivugiramo. Umuntu ukenewe agomba gushyira mu bikorwa izo ngingo.

Mu guhitamo uzayobora AU, abaturage bagomba kubigiramo uruhare, aho ashobora kubazwa imbonankubone cyangwa se binyuze mu ikoranabuhanga. Kuri ubu icyibazwa cyane iyo haje umukandida, ni agace aturukamo, kurusha ubushobozi afite. Ni nkaho twishyize mu mitwe ko ubuyobozi bugomba gusimburana binyuze mu turere tugize Afurika.

Umuyobozi wa AU uzatorwa agomba kuba igisubizo cy’ibibazo by’ingutu Afurika ihura na byo, cyane cyane guhosha amakimbirane hagati mu gihugu, kohereza ingabo zibungabunga umutekano, kwihutisha gahunda yo guhuza ibihugu ndetse no kubahiriza amahame ya demokarasi.

Agomba kuba kandi ari umuntu wakemura ibibazo bituruka hanze y’Afurika, aho agomba guharanira ko ijwi ry’Afurika naryo ryakumvwa. Akaba yakemura ibibazo bihuza ibihugu by’abarabu ndetse na bimwe mu bihugu by’umugabane w’u Burayi aho batumvikana ku mbibi z’ibihugu mu Nyanja ya Mediterane ndetse no mu Nyanja itukurura. Impaka zo kuba Afurika yagira umwanya uhoraho mu kanama gashinzwe amahoro ku isi zirakomeje; umuntu uzatorwa akaba agomba gukomeza urwo rugamba.

Kuba AU yariyemeje guhindura imikorere yayo ndetse ikagabanya inkunga yahabwaga, bivuga ko ikeneye umuyobozi udasanzwe utuma koko imikorere idasanzwe yigaragaza igera ku myanzuro ifatika. Ntidukeneye guhindura izina nk’uko byagenze ubwo OAU yahindukaga AU nyamara imikorere ntihinduke.

Kuba Perezida Kagame yarahawe inshingano zo kuvugurura imikorere ya AU, ni ibyo kwishimira kuko kuba u Rwanda rwarateye imbere ni imiyoborere myiza aho Abanyarwanda bibera ibisubizo binyuze mu kubyishakamo.

Abanyafurika na bo ni bo bazishakamo ibisubizo kandi bari ku rwego u Rwanda rutari ruriho mu myaka 22 ishize. Bityo gahunda ya 2063 yo kubaka Afurika ikomeye yihagije ikazagerwaho nta nkomyi.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gambia: Perezida Jammeh yafashe icyemezo cya kigabo
Gambia: Perezida Jammeh yafashe icyemezo cya kigabo

Igihugu cya Gambia ntabwo gikunze kuvugwa cyane kubera ubukene bwacyo ariko cyaje kuvugwa mu mwaka ushize kubera indwara ya ebola yakijahaje n’udushya twa Perezida wacyo, Yahya Jammeh, turimo ko (...)

Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.