Advertisement
 
 
 
 
 
 
 
 

Uko Mbibona

Ntabwo narinzi ko Trump ashaka gutsinda amatora   

  Yanditswe na NDAMAGE FRANK
 3 weeks ago

 
 

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba bimukira yagera ku barabu agasya atanzitse, ati nzirukana abanyakenya mpereye kuri Obama n’ibindi n’ibindi.

Icyo yavuze cyoroshye ni uko ngo natorwa hari abaperezida azafunga cyangwa ngo yikundira wa muhungu wo muri Koreya ya ruguru. Ibi hamwe n’ibindi birenze ibi ni byo byatumaga nibaza nti “None se aba Republican bahisemo gushyigikira Clinton ku buryo batoranyije umuntu udashaka gutsinda.”

Amatora yo muri Amerika ibyo aribyo byose akurikiranwa n’ isi yose ku buryo bwa hafi. Ubwo navaga i Muhanga nahagaze ahantu ku maduka mbona umukecuru araje aranyegera ati ariko mwana wa ati urabona Clinton atagiye kuba Perezida wa Amerika. Nabanje kumirwa cyane ndeba uko angana dore ko yari nko mu myaka 80 ariko mpita nifatanya nawe nti byararangiye ni Clinton.

JPEG - 72.6 kb
Donald Trump uherutse gutorerwa kuyobora Leta Zunze Ubumwe za Amerika

Mu by’ukuri amatora yarinze atangazwa nzi ko Amerika igiye kubona umuperezida wa mbere w’umugore. Uwo mukecuru yanyibukije undi wigeze kumbaza ubwo hakinwaga imikino y’igikombe cy’isi ni uko umukecuru ati ari Argentina byaraye bigenze bite ni bwo naherukaga kumirwa nk’ejobundi aha, uwo we naramubajije nti ese mukecuru uko ukeka Argentina iba ahagana he kuri iyi si ati buriya ntiri nko hirya ya Tanzaniya ra.

Trump rero bati yatsinze, ubwo hari mu rukerera ubusanzwe nta gifaransa nzi ariko nahise mvuga nti “senepa posibule”. Numvaga Abanyamerika bamuhohoteye nkibaza nti none se yigeze ashaka ko bamutora ko yikiniraga. Ubwo rero nakomeje kubaza bakambwira ko ngo Clinton yabonye amajwi menshi ngo yabamukunda ariko ngo abatora bagatora Trump nanirwa kubyumva ariko niko byagenze.

Si nzi ko bene ariya matora tuyazanye mu Rwanda Amerika itatumerera nabi ngo iyo nta demokarasi irimo, ni ugusaba Mbanda na Munyaneza rwose bakabyihorera tugakomeza ibyacu. Ahubwo kugeza uyu munsi ndacyategereje icyo indorerezi zivuga kuri ariya matora yo muri Amerika cyangwa ho nta ndorerezi zijyayo.

Ng’uko rero ni ko byagenze ahasigaye twikomerezanye na Trump naho Clinton niyihangane ntiyamenye Abanyamerika abo ari bo wagira ngo nawe ni umwimukira.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Gambia: Perezida Jammeh yafashe icyemezo cya kigabo
Gambia: Perezida Jammeh yafashe icyemezo cya kigabo

Igihugu cya Gambia ntabwo gikunze kuvugwa cyane kubera ubukene bwacyo ariko cyaje kuvugwa mu mwaka ushize kubera indwara ya ebola yakijahaje n’udushya twa Perezida wacyo, Yahya Jammeh, turimo ko (...)

Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.