Advertisement
 
 
 
 
 
 
 
 

Uko Mbibona

“Ni amahirwe kugira Perezida udasanzwe, nka Kagame”   

  Yanditswe na PACIFIQUE MALONGA
 3 months ago

 
 

Ahmed Charai impuguke mu by’itangazamakuru akaba n’Umwe mu bajyanama b’Ikigo cy’Ubushakashatsi kuri Politiki Mpuzamahanga (Foreign Policy Research Institute) giherereye i Washington muri Leta Zunze Ubumwe za Amerika yanditse mu cyumweru gishize agira ati “Mureke Perezida Kagame ayobore manda ya gatatu."

Ibi yabishingiye ku ngero zifatika z’ibigwi bya Perezida Kagame bituma hari abayobozi benshi bamwigiraho byinshi mu bijyanye no kumenya guhitamo no kugira icyerekezo gisangiwe.

Nubwo uwambaye ikirezi atamenya ko cyera, Abanyarwanda na bo bafite uburyo babona Perezida Kagame kuko ari na byo byatumye bafata umwanzuro wo kuvugurura Itegeko Nshinga kugira ngo bamuhe amahirwe yo kongera kwiyamamaza.

Igitekerezo gikurikira cyanditswe n’Umunyarwanda w’Impuguke mu rurimi rw’Igiswahili Prof Malonga Pacifique na we agira byinshi ashingiraho mu kwerekana impamvu u Rwanda rufite umugisha wo kuba ruyobowe neza.

Umugani w’Ikinyarwanda ugira uti “Agafuni kabagara ubucuti ni akarenge”, undi na wo ukagira uti “Akanyoni katagurutse ntikamenya iyo bweze”, ndetse undi ukagira uti “Kora ndebe iruta vuga numve”.

Mu gihe cy’umwaka umwe gusa Perezida Kagame amaze gukora ingendo nyinshi zo kunoza umubano mpuzamahanga mu bihugu nka Benin, Mozambique, Congo Brazaville n’ahandi henshi abantu batakekaga mu rwego rusanzwe cyane cyane ko ari mu bihugu bivuga ururimi rw’Igifaransa ariko umuntu akishimira ibigaragara muri izo ngendo.

Izi ngendo zikurikira izindi Umukuru w’Igihugu yagiye agirira mu bihugu byo ku yindi migabane zose zigamije guhahira Abanyarwanda no gukangurira abashoramari kureba ku Rwanda nk’igihugu cyiyubatse kikaba gifite amahirwe menshi y’ishoramari kandi akaba ari cyo gihugu cya Afurika wagira umutekano usesuye w’ibikorwa byawe.

Muri izi ngendo za Perezida Kagame tubona ibisubizo byinshi ndetse n’ishema ry’Abanyarwanda kuko icyitwa ubwigunge mu Rwanda gituruka kuba tudakora ku nyanja cyagiye nka nyomberi.

N’iyo urebye aho avuye gusura bucya Rwandair yahagejeje amajanja itwara abagenzi dore ko yitwa Ishema ry’Afurika. Iyo urebye indege ikoresha uko bakwakira n’ukuntu yubahiriza igihe n’abagenzi itwara usanga ari ibintu bidasanzwe ni agashya ku mugani w’Abanyarwanda.

Nubwo usanga Abanyarwanda bagenda muri izi ndege bagikenewe mu kongera umubare, abagenda twishimira ko “Ikinyarwanda” kivugwa mu ndege haba mu gusobanurira abagenzi iby’ingendo zabo, uko bifata, aho bageze n’ibyo bifuza kumenya! Yewe habamo n’uturirimbo nyarwanda mu ndege dutuma abagenzi barukumbura iyo bageze iyo bajya.

Mvuye ku bijyanye n’ibyo Perezida ageza ku Rwanda n’inshuti z’u Rwanda muri izo ngendo kuko ibyinshi bigaragarira mu cyizere nk’Inama y’Abaperezida ba Afrika yabereye mu Rwanda, n’abandi bashyitsi benshi baza mu Rwanda n’ibyo abahanga n’abasesenguzi bavuga haba mu mubano w’ibihugu n’iterambere hari n’ibijyanye n’indimi kuko ari na byo njyewe menyereye nahuguriwemo kandi ari nazo zituma abantu basabana, bagahahirana, bagatera imbere no guteza imbere ibyo bakora no kwigisha ibyo bemera.

Nyuma y’ukwezi kumwe gusa Inteko Nshingamategeko y’Umuryango w’Afrika y’Iburasirazuba (EALA) yemeje ko ururimi rw’Igiswahili rwemezwa nk’ururimi rwAkarere n’uwo muryango. Inama y’Abaminisitiri y’u Rwanda ntabwo yajuyaje mu kubishyira mu bikorwa, yahise mu gihe gito iterana yemeza ko urwo rurimi rubaye urwa kane mu Rwanda nka. Inama rero y’Abaminisitiri nanjye ngire nti “Bravo, Bravo, Bravo”!

Ibi ni byiza kuko mu rwego rw’ubuhahirane hagati y’ibihugu by’abaturanyi, Burundi, Uganda, Tanzania, Kenya, Sudani y’Epfo, ndetse naza Congo zombi nagiye yo nsanga ari iby’igiciro kinini mu gukoresha urwo rurimi, rugomba kuduhuza nk’umuryango n’abanyafurika muri rusange.

Ibi kandi bitera ishema kuko uwitwa “Samora Machel” wa Mozambique yigeze gufata ijambo mu nama y’umuryango w’ubumwe bw’Afrika, Addis Ababa, yivugira ijambo mu giswahili abatacyumva barabasemurira arinda arangiza ijambo rye.

Ibyo ni urugero rwiza mu kwiha agaciro no guteza imbere iby’iwacu, cyane cyane ko Igiswahili ari n’ururimi rwiza kandi rworoshye kwiga, kuvuga, kumva, gusoma no kwandika.

Umunyarwanda ukunda kandi uzi neza akamaro k’Igiswahili ndashimira Umukuru w’Igihugu tugikesha mu Rwanda ngira nti “Hongera Sana Mheshimiwa Rais Paul Kagame, Hongereni mawaziri wetu kwa kuhalalisha Kiswahili Rwanda na sisi wanyarwanda tujifunze na kuendeleza kiswahili”.

Shukran

Profesa Pacifique MALONGA
Mkereketwa wa Kiswahili

 

Comments

 
 
FERWAFA ikwiye gusohoza ibyo yemereye Abanyarwanda
FERWAFA ikwiye gusohoza ibyo yemereye Abanyarwanda

Ishyirahamwe ry’umupira w’amaguru mu Rwanda “FERWAFA” riyobowe na Nzamwita Vincent De Gaule rikwiye gusohoza ibyo ryemereye abanyarwanda byo gutangiza shampiyona y’amakipe y’ingimbi (Junior) nk’uko (...)

Igihugu gishakishe  impamvu nyazo zituma abantu bishora mu busambanyi
Igihugu gishakishe impamvu nyazo zituma abantu bishora mu busambanyi

Umuryango w’abanyamakuru biyemeje kurwanya SIDA no guharanira ubuzima buzira umuze (ABASIRWA), umaze iminsi wohereza abanyamakuru hirya no hino mu gihugu kureba uko icyorezo cya SIDA gihagaze (...)

Uburozi si ikibazo ariko Rayon Sports yabyitwayemo nabi
Uburozi si ikibazo ariko Rayon Sports yabyitwayemo nabi

U Rwanda rumaze amezi abiri rwarahagurukiye ikibazo cy’uburozi buvugwa mu mupira w’u Rwanda ndetse runafata ibihano bikarishye byo kubuca burundu. Gusa kugeza n’uyu munsi biracyavugwa mu makipe (...)

Sosiyete zitwara abantu mu modoka zikwiye kuvugurura imikoreshereze y’amakarita
Sosiyete zitwara abantu mu modoka zikwiye kuvugurura imikoreshereze y’amakarita

Hashize igihe gito zimwe muri za sosiyete zifite imodoka zitwara abagenzi mu Mujyi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Gambia: Perezida Jammeh yafashe icyemezo cya kigabo
Gambia: Perezida Jammeh yafashe icyemezo cya kigabo

Igihugu cya Gambia ntabwo gikunze kuvugwa cyane kubera ubukene bwacyo ariko cyaje kuvugwa mu mwaka ushize kubera indwara ya ebola yakijahaje n’udushya twa Perezida wacyo, Yahya Jammeh, turimo ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.