Advertisement
 
 
 
 
 
 
 
 

Uko Mbibona

Kagame na Magufuli bakuye abantu mu rujijo   

  Yanditswe na KAYUMBA CASMIRY
 4 months ago

 
 

Itumirwa rya Perezida Paul Kagame muri Tanzania no guhabwa icyubahiro cyo gufungura ku mugaragaro inama y’ubucuruzi ya 40 mu mujyi wa Dar es Salaam ni ikindi kimenyetso kigaragaza imibanire myiza.

Ndibuka igihe kimwe Tanzania yizihiza umunsi icyo gihugu cyatsinze ingabo za Uganda mu 1978, Idi Amin agahirikwa ku butegetsi, Perezida Kikwete yavugiye muri Kayitaba Stadium iri mu mujyi wa Bukoba mu ntara ya Kagera ko abayobozi b’u Rwanda ari abanzi ba Tanzania, ngo by’umwihariko we ku giti cye bamupangira ibintu bibi.

Kikwete wavugaga mu ijwi ry’ubwiyemezi yavuze ko uwo ariwe wese uzapanga gutera Tanzania bazamugira nk’uko bagize Amin. Nyuma y’ayo magambo ya Kikwete hakurikiyeho iyirukanwa ry’Abanyarwanda cyangwa abafite isano nabo babaga muri icyo gihugu, cyane mu ntara ya Kagera.

Abo Banyarwanda ntabwo birukanywe muri Tanzania gusa ahubwo birukanywe bunyamaswa kuko bamwe bakubitwaga bakanacuzwa ibyabo, cyane cyane amatungo. Mu 1980 Tanzania yahaye ubwenegihugu impunzi z’Abanyarwanda zari zarahungiyeyo. Abantu barengeje imyaka 18 y’amavuko buzuzaga amafishi hanyuma bakazazanirwa seretifika zemeza ko babaye Abatanzania. Iyo seretifika yitwagwa CHETI CHA URAIYA.

JPEG - 131.8 kb
Perezida Kagame na Magufuli berekanye ko u Rwanda na Tanzaniya nta kibazo bifitanye

Muri uko gushaka kwirukana Abanyarwanda abasa nka local defence (Jeshi la Mgambo) cyangwa abapolisi bajyaga mu ngo zabo bati zana “CHETI CHA URAIYA”, babitanga ntibabibasubize ahubwo bakajya kubishwanyaguza. Cyagihe cyo guhambiriza Abanyarwanda kigeze, abari babishinzwe bati ufite “CHETI CHA URAIYA” akerekane kuko we bitamureba.

Ba bandi bari barambuwe ibyabo na za local defence bavuga uko babyatswe bati” shogoshera wa munyabinyoma we”. Ibibazo hagati y’u Rwanda na Tanzania byari bikomeye cyane kandi ubona igaruriro ritoroshye. Mbere y’uko ubutegetsi muri icyo gihugu bumenesha Abanyarwanda, Perezida Kikwete yari yarabanje kuvuga ko abona ubutetsi mu Rwanda bugomba kugirana imishyikirano n’abo mu mutwe wa FDLR.

Hari benshi mu nteko nshingamategeko ya Tanzania, cyane abo mu ishyaka CHADEMA, bakomeje kumwamagana bavuga ko bitumvikana ko u Rwanda rwashyigikirana n’abo mu mutwe uyobowe n’abakurikiranyweho Jenoside ariko Kikwete aho kuva ku izima ahubwo mu bihe bitandukanye akakira abayobozi ba FDLR kimwe n’abandi barwanya ubutegetsi mu Rwanda.

Mu gihe cy’irahizwa rya Magufuli mu kwa 11 2015, Kagame yari muri iyo mihango kimwe n’abandi ba Perezida benshi nka ba Jacob Zuma. Aho iyo mihango y’irahizwa yakorewe hari ikintu cyabaye cyatumye mbona ko abaturage baba bazi ibintu nk’uko banatuma bihinduka.

Abo bakuru b’ibihugu bose, umwe umwe, yasuhuzanyaga na Perezida mushya mu buryo bwo kwishimana nawe ko abaye umukuru w’igihugu cya Tanzania. Basuhuzanyaga nawe abaturage muri stade ukabona ko babifashe nk’umuhango usanzwe ariko Kagame agezweho sitade yose yarahagurutse amashyi n’impundu nyinshi biravuga.

JPEG - 51.9 kb
Perezida Paul Kagame na Jakaya Kikwete muri Nyakanga 2012 i Kigali, umubano w’u Rwanda na Tanzania ku buyobozi bwa Kikwete ntiwari shyashya

Nahise mbona ko abaturage bavuze ko ibintu bihindutse kandi koko byahindutse vuba vuba, ubu Tanzania n’u Rwanda bibanye neza cyane. Mu gihe Kikwete yavugaga ko u Rwanda rugomba kugirana imishyikirano n’abashinjwa Jenoside, Magufuli we muri Mata yaje kwifatanya n’Abanyarwanda kwibuka Jenoside ku nshuro ya 22, ari narwo rugendo rwa mbere yari akoreye hanze y’igihugu cye.

Kuza kwifatanya n’Abanyarwanda kwibuka Jenoside yakorewe Abatutsi binavuze ko anayamagana ariko Kikwete we wasabanaga n’abayishinjwa byagaragazaga ko yari anayishyigikiye.

Kagame na Magufuli rero bamaze gukura abantu mu rujijo. Ntabwo ikibazo cyari hagati ya Tanzania n’u Rwanda ahubwo cyari hagati ya Kikwete n’u Rwanda. Ni nayo mpamvu bamwe muri ba Banyarwanda twavugaga birukanywe muri Tanzania bahohotewe, bamaze kwisubirirayo kandi kugeza ubu bakaba babanye neza n’abo bari barahasize.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Ikibazo cya Parikingi y’Abamotari gikomeje kuba ingorabahizi
Ikibazo cya Parikingi y’Abamotari gikomeje kuba ingorabahizi

Moto zikora akazi ka tagisi buriya biragoranye kuzitegeka aho zihagarara zisiga umugenzi, kuko umugenzi afite uburenganzira bwo gusaba umutwaye kumugeza neza aho agiye, akabona kumwishyura. Ibyo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.