Advertisement
 
 
 
 
 
 
 
 

Uko Mbibona

Kagame abanye neza n’abaturanyi usibye umwe utabishaka   

  Yanditswe na KAYUMA CASMIRY
 3 months ago

 
 

Igihugu cy’u Rwanda gihana imbibi n’ibihugu bine ari byo: Tanzania, u Burundi, Uganda na Congo (DRC). Uko bigaragara ni uko Perezida Paul Kagame abanye neza n’abakuru b’ibyo bihugu bituranye n’u Rwanda. Uretse Petero Nkurunziza w’u Burundi ugaragaza ko atabishaka binyuze mu mvugo ze ndetse n’ibikorwa bye.

Mu gihugu cya Uganda, umubano hagati ya Prezida Kagame na Museveni ntawawibazaho kuko bameze nk’abavandimwe. Umunyarwanda muri Uganda arisanga nk’uko Umugande yisanga mu Rwanda.

Kugeza mu kwezi kwa 11/ 2015, umubano hagati y’u Rwanda na Tanzania ntabwo wari wifashe neza ubwo icyo gihugu gituranyi cyari kiyobowe na Perezida Jakaya Mrisho Kikwete. Icyo gihe nabwo Kikwete yavugaga nabi u Rwanda agashaka ko rushyikirana n’abakoze Jenoside, ibintu bidashobora kubaho niyo yari guteka ibuye rigashya.

JPEG - 172.6 kb
Perezida Nkurunziza usa n’uwigize nyamwigendaho abangamira abaturage be

Aho John Pombe Magufuli agiriye ku butegetsi mu mpera z’uwo mwaka ushize umubano hagati y’u Rwanda na Tanzania wahise uba mwiza mu muvuduko ushimishije cyane, kandi ibyo byigaragaje mu ikubitiro.

Abatanzaniya bari bazi ko igihugu cyabo kibanye nabi n’u Rwanda ariko Kagame agiye mu irahizwa rya Magufuli niwe mukuru w’igihugu wahawe amashyi menshi cyane kurusha abandi bari bahari. Nyuma Magufuli yatangaje ko we nka Perezida cyangwa Tanzaniya nk’igihugu hari byinshi bagomba kwigira ku Rwanda.

Umuganda wahise utangizwa muri icyo gihugu ubundi cyarangwaga n’umwanda. Magufuli kwerekana ko atajenjetse, urugendo rw ambere yakoreye hanze y’igihugu yarukoreye mu Rwanda aho yanasuye n’urwibutso rwa jenoside ku Gisozi.

Bwo Perezida Kagame aheruka muri Tanzania mu ruzinduko rw’iminsi ibiri aho yafunguye inama y’ubucuruzi ya Tanzania yari ibaye ku nshuro ya 40. Haba mu ifungurwa ry’iyo nama y’ubucuruzi cyangwa yakira Kagame ku meza, Magufuli yagaragaje ko nta kintu yasimbuza Kagame cyangwa u Rwanda. Yahishuriye abatanzaniya, bakomaga amashyi menshi ko u Rwanda rurimo gutera inkunga Tanzaniya ngo nayo igire ikompanyi y’indege ikora neza nka RwandaAir.

Magufuli yanavuze ko Kagame ari umwalimu mwiza. Ngo yamwigishije ukuntu bishoboka kugabanya unyerezwa ry’amafaranga ava mu misoro, aho ngo umuntu yatanga imisoro mu mpande zose z’igihugu, Minisitri ubishinzwe akabikurikirana neza yibereye Dare Salaam.

Ku rundi ruhande rw’imipaka ubu bigaragara ko Kagame anabanye neza na Joseph Kabila wa DRC. Mu muhango uherutse wo kurahiza Perezida Idriss Deby wa Tchad, Kagame yari yicaranye na Kabila ubona basabanye neza. Tariki 12 z’uku kwezi kwa Kanama, Joseph Kabila yahuriye na Kagame mu Karere ka Rubavu kandi amakuru dufite n’uko umubonano wabo wari uwa gicuti cyane.

Petero Nkurunziza ntareba uburyo Perezida Kagame abanye neza n’abandi ahubwo ahora ashinja u Rwanda ngo ruha imyitozo Abarundi bahungiye mu Rwanda ngo babe batera igihugu cyabo. Navuge ahubwo ko afite ikibazo cy’interahamwe zagiye kumufasha kugundira ubutegetsi areke kwikoma u Rwanda.

Ubu kandi u Burundi bwahise guhagarika ubuhahirane hagati yabwo n’u Rwanda, bunafata icyemezo cyo kubuza imodoka zitwara abagenzi kwambukiranya imipaka. Iyo myifatire y’u Burundi anyuranyije n’amategeko agenga EAC, abadepite b’uwo muryango bakaba bari hafi kwiga kuri icyo kibazo, nk’uko biherutse gutangarizwa hano i Kigali na Perezida wa EALA.

Ibikubiye muri iyi nyandiko ni ibitekerezo bwite by’uwayanditse

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Ikibazo cya Parikingi y’Abamotari gikomeje kuba ingorabahizi
Ikibazo cya Parikingi y’Abamotari gikomeje kuba ingorabahizi

Moto zikora akazi ka tagisi buriya biragoranye kuzitegeka aho zihagarara zisiga umugenzi, kuko umugenzi afite uburenganzira bwo gusaba umutwaye kumugeza neza aho agiye, akabona kumwishyura. Ibyo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.