Advertisement
 
 
 
 
 
 
 
 

Uko Mbibona

Filip Reyntjens azarwazwa umutima n’u Rwanda   

  Yanditswe na NDAMAGE FRANK
 1 month ago

 
 

Filip Reyntjens, umugabo wahoze ari umujyanama wa Habyarimana Juvenal wari Perezida w’u Rwanda 1973-1994 akanategura Jenoside yakorewe Abatutsi, azarwazwa umutima n’iterambere u Rwanda rugenda rugeraho.

Kuri we nta kintu cyiza abona mu Rwanda kandi nta mugayo, amarorerwa yagwiriye u Rwanda yayagizemo uruhare.

Itegeko Nshinga ryanditswe mu wa 1978 ryavanguraga abanyarwanda rikanemeza ishyaka rimwe rukumbi (MRND) ryanditswe n’uyu mugabo Filip Reyntjens.

Nk’umuntu wari umujyanama wa Habyarimana ni we ngo wamugiriye inama yo gushyiraho umutwe w’Interahamwe zaje gukora Jenoside yari azi neza ko izabaho ashingiye ku mateka u Rwanda rwari rwaranyuzemo.

JPEG - 48.8 kb
Filip Reyntjens

Ibi ngo yabikoreraga ko yabonaga Ingabo z’u Rwanda z’icyo gihe zitari gutsinda iza FPR Inkotanyi zari zihanganye ku rugamba.

Nk’umuntu kandi wari akuriye ishami ry’amategeko muri Kaminuza y’u Rwanda akaba n’inshuti magara ya Habyarimana yanamugiriye inama iyo gutegura Jenoside yakorewe Abatutsi kandi igakorwa nk’uko yabishakaga kandi igakorwa ahari (1994) yaheranywe n’urwango ku bayihagaritse aribo ingabo zari iza FPR Inkotanyi.

Mu buyobozi bwa Filip Reyntjens na Habyarimana ivangura ntiryari mu bantu gusa n’imodoka zari zivanguye kuburyo izo ku Gisenyi zagiraga plaque yazo izo mu Ruhengeri ni uko, Byumba, Kibuye, Gitarama, Kibungo, Kigali, Cyangugu… Icyo gihe byabaga byoroshye cyane kureba kuri pulake, umuntu agahita amenya aho nyiri imodoka akomoka.

Urugero nk’imodoka y’Umunyarwanda ukomoka i Kigali yabaga ifite pulake iriho inyuguti “AB” iy’ukomoka i Gitarama ikagira “BB” naho ukomoka mu Ruhengeri akagira “HB” bigakomeza bityo.

Birumvikana rero ko umujandarume wahagarikaga imodoka yabanzaga gushishoza hato ngo ataza guhagarika iyo ku Gisenyi cyangwa mu Ruhengeri akahakura imbwa yiruka.

Ibi byose by’amacakubiri ni byo Filip Reyntjens yita byiza. Iyaba yazaga mu Rwanda rw’ubu ngo turebe ko amenya aho utwaye imodoka akomoka.

Ntabwo Filip Reyntjens azi ko u Rwanda rusigaye ruza ku isonga muri Afurika ndetse rimwe na rimwe ku Isi muri gahunda zitandukanye, ibintu atigeze abona ku ngoma ye na Habyarimana, ntazi uko abaturage bakurwa mu bukene, ngaho Ubudehe, Girinka, ubwisungane mu kwivuza, RAMA, SACCO z’amoko atandukanye n’ibindi n’ibindi.

Kuva Jenoside yahagarikwa uyu mugabo ntiyahwemye kugaragaza urwango yari afitiye Leta y’Ubumwe kugeza uyu munsi ari na cyo gituma ibyo yandika n’ibyo avuga byose biba byuzuye ugusebanya.

Ibyo yiyitirira rero ko ari inararibonye kuri politiki y’u Rwanda si byo ahubwo yari umujyanama mubi wicishije abantu basaga miliyoni akaba nta bimenyetso biraboneka byo kumuta muri yombi n’ubwo icyaha cya Jenoside kidasaza.

Icyo akwiye kuba akora ubu ni ukwicuza kubera uruhare yagize mu mateka mabi y’uru Rwanda aho kwirirwa avuga abayobozi bariho.

 

Comments

  • ruti 9 October

    Nonese icyo ndamage abeshye ni ikihe ko urukiko rwa Arusha se rwarekuye Bagambiki wari Perefe wa Cyangugu no ni umwere urahakana ko atariwe watwaye abatutsi muri stade bakicwa stupid

  • Mbuguje 8 October

    Garnier Humura we, Arusha ni yo yagombaga kumenya ko genocide mu Rwanda yateguwe? Ko abagome babikoze se babikoranye ubuhanga bwinshi, bashakaga ko bitazamenyekana, inyandiko zose bakazica, urumva Arusha yari kubimenya ite? N’ino i Kigali kandi, ujya ubona ko mu rukiko hatsinda uzi kuburana, atari ufite ukuri utsinda buri gihe. Na Arusha niko byagenze.
    Ariko reka nkubwire, sinzi imyaka ufite. Nashaka kukumenyesha ko abicwagaga mu mujyi wa Kigali muri 1994, iyo ibirundo byabaga byinshi, bazanaga abanyururu bavuye muri 1930, bakayora imirambo bajugunya mu makamyo. Ni nde watangaga amabwiriza kuri gereza ngo isohore abafungwa muri ako kazi? Umuyobozi wa gereza we yahabwaga amabwiriza na nde, ko atari kubyibwiriza? Ibyo bimodoka byikoreraga imirambo byishyurwaga na nde niba nta plan yari ihari? mujye mwitondera ibyo muvuga.

  • Kamonyo 7 October

    Uyu wiyita Garnier Humura iyo avuga ko ntawe urukiko rwahamije jenoside aba yunva atigiza nkana? Jenoside igizwe n’urusobe rw’ibyaha bitandukanye,biramutse ntawe yahamye ubwo yambwira impanvu abayigizemo uruhare bakatiwe gufungwa n’urukiko rwa ICTR.


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Ikibazo cya Parikingi y’Abamotari gikomeje kuba ingorabahizi
Ikibazo cya Parikingi y’Abamotari gikomeje kuba ingorabahizi

Moto zikora akazi ka tagisi buriya biragoranye kuzitegeka aho zihagarara zisiga umugenzi, kuko umugenzi afite uburenganzira bwo gusaba umutwaye kumugeza neza aho agiye, akabona kumwishyura. Ibyo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.