Advertisement
 
 
 
 
 
 
 
 

Uko Mbibona

Ese imirwano hagati y’ibice bigize FDLR yatuma irangira burundu?   

  Yanditswe na NOEL KAMBANDA
 June 2016

 
 

Imirwano hagati ya FDLR n’igice cyayiyomoyeho cyiyise CNRD (Le Conseil National pour le Renouveau et la Démocratie) kiyobowe na Col Wilson Irategeka irakomeje mu Burasirazuba bwa Congo.

Iyi mirwano hagati y’ibice bibiri bigize FDLR ibaye hashize gusa iminsi igeze ku icumi Col Irategeka yiyomoye kuri Brig Gen Byiringiro ashinga CNRD. Ibi ariko nubwo bibaye mu minsi mike bimaze imyaka ibiri bitutumba kandi bishingiye ku macakubiri abarizwa muri FDLR.

Byaje gukomera ubwo Col Wilson Irategeka yabonanaga na Twagiramungu mu gihugu cya Tanzaniya (Nkuko byemejwe na raporo y’itsinda ry’abahanga b’Umuryango w’Abibumbye kuri Kongo) bakishyira hamwe bagashyiraho ihuriro ry’amashyaka rihuza FDLR, PS Imberakuri na RDI ya Twagiramungu muri Mutarama 2014.

Kuva bishyira hamwe, Twagiramungu akaba umuyobozi w’ihuriro ntiyavuze rumwe na Byiringiro bityo Irategeka akurwa ku mwanya w’Umunyamabanga Nshingabikorwa wa FDLR akagirwa Vice-Perezida kugeza yiyomoye kuri FDLR.

JPEG - 78.6 kb
Col. Wilson Irategeka na Victor Byiringiro barahanganye muri iyi minsi

Iyi mirwano hagati y’abagize FDLR ije mu gihe Ingabo za Kongo ndetse niz’Umuryango w’Abibumbye zaranze kurwanya kuburyo bwaguye uyu mutwe ahubwo ukarwanywa mu bitangazamakuru gusa.

Ukurikije imibare itangwa n’abayobozi ba Kongo usanga ubwabyo biteye inkeke ku bushake bw’iki gihugu mu kurwanya uyu mutwe.

Minisitiri w’ububanyi n’amahanga wa Kongo yabwiye akanama k’umuryango w’abibumbye tariki ya 23 Werurwe ko abarwanyi ba FDLR basigaye ari 108, niba bacitsemo ibice bibiri ubwo buri mutwe ugizwe n’abasirikari batageze kuri 60; ikigaragara ikibazo cya FDLR cyagizwe politiki kurusha uko cyarangizwa n’ibikorwa bya gisirikari kuko kuva umutwe wa M23 warimburwa icyizere cyo kurwanya FDLR cyayoyotse.

Niba FDLR yacitsemo ibice bakarwana hagati yabo wenda byatuma uyu mutwe ucika intege bityo ugacika burundu akarere k’uburasirazuba bwa Kongo ndetse n’u Rwanda bikabonabo amahoro.

Raporo y’itsinda ry’abahanga b’Umuryango w’Abibumbye ryemeje ko abarwanyi ba FDLR bagera hafi ku bihumbi bibiri mu gihe Leta ya Kongo ivuga 108, kutavuga rumwe ku mibare igize uyu mutwe nabwo bigaragaza ubushake buke bwo kurwanya umutwe. U Rwanda rwo rwavuze ko iyo mibare iri hejuru dore ko abatahuka babyivugira cyane cyane Lt Col Gerard Ntibibaza watashye mu Rwanda akaba yari ashinzwe kubika amadosiye ya FDLR harimo n’imyirondoro y’abarwanyi watashye mu Rwanda mu mpera z’umwaka ushize.

FDLR yashinzwe tariki 30 Nzeli 2000 I Lubumbashi nyuma y’icyiswe “intambara ya kabiri ya Kongo” aho barwanaga ku ruhande rwa Let, abenshi bakuwe mu gihugu cya Kongo Brazaville.

Ni nyuma yo kuva kw’izina rya AliR (Armée pour la Liberation du Rwanda) kuberako Leta zunze ubumwe z’Amerika yari imaze kuwushyira ku rutonde rw’imitwe y’iterabwoba.

Kuva FDLR yashingwa yaranzwe n’ibikorwa bihohotera abakongomani ariko leta yabo ikayikoresha mu kurwanya indi mitwe. Ingabo z’Umuryango w’Abibumbye zimaze imyaka 17 mu gihugu cya Kongo ariko zananiwe kurandura uyu mutwe.

Tariki ya 23 Werurwe 2013, Akanama k’Umuryango w’Abibumbye gashinzwe amahoro ku isi kashyizeho umutwe udasanzwe ushinzwe kurwanya imitwe yitwaje intwaro muri kongo ugizwe n’abasirikari ibihumbi bitatu, ariko kuva barandura umutwe wa M23 imyaka ishize ari itatu bicaye muri Kongo.

Usibye ibibazo by’umutekano muke, u Rwanda rwakomeje kugaragaza ko ingengabitekerezo y’umutwe wa FDLR nayo ari ikibazo ku karere.

 

Comments

 
 
Icyo u Burundi bukurikiranye muri SADC gishobora kutazaboneka
Icyo u Burundi bukurikiranye muri SADC gishobora kutazaboneka

Mu muryango w’ubukungu w’ibihugu byo mu majyepfo ya Afurika (SADC) hamaze igihe hari ubusabe bw’ibihugu bibiri byifuza kuba abanyamuryango bashya ariko ubwo busabe ntibwangwe cyangwa ngo bwemerwe. (...)

Tanzania: Kwirukana bamwe mu ishyaka rya CCM bishobora kuzarisigamo imvune
Tanzania: Kwirukana bamwe mu ishyaka rya CCM bishobora kuzarisigamo imvune

Ishyaka riri ku butegetsi muri Tanzania, Chama Cha Mapinduzi(CCM), riherutse gufata ibyemezo bishobora kuzayisigamo imvune ariko nta kundi byagenda kuko aribyo bigomba kurifasha ngo rigumane (...)

FERWAFA ikwiye gusohoza ibyo yemereye Abanyarwanda
FERWAFA ikwiye gusohoza ibyo yemereye Abanyarwanda

Ishyirahamwe ry’umupira w’amaguru mu Rwanda “FERWAFA” riyobowe na Nzamwita Vincent De Gaule rikwiye gusohoza ibyo ryemereye abanyarwanda byo gutangiza shampiyona y’amakipe y’ingimbi (Junior) nk’uko (...)

Igihugu gishakishe  impamvu nyazo zituma abantu bishora mu busambanyi
Igihugu gishakishe impamvu nyazo zituma abantu bishora mu busambanyi

Umuryango w’abanyamakuru biyemeje kurwanya SIDA no guharanira ubuzima buzira umuze (ABASIRWA), umaze iminsi wohereza abanyamakuru hirya no hino mu gihugu kureba uko icyorezo cya SIDA gihagaze (...)

Uburozi si ikibazo ariko Rayon Sports yabyitwayemo nabi
Uburozi si ikibazo ariko Rayon Sports yabyitwayemo nabi

U Rwanda rumaze amezi abiri rwarahagurukiye ikibazo cy’uburozi buvugwa mu mupira w’u Rwanda ndetse runafata ibihano bikarishye byo kubuca burundu. Gusa kugeza n’uyu munsi biracyavugwa mu makipe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.