Advertisement
 
 
 
 
 
 
 
 

Uko Mbibona

Afurika ntikeneye ICC: Ishoboye kuburanisha abayo bose bakoze ibyaha   

  Yanditswe na NOEL KAMBANDA
 4 June

 
 

Tariki ya 30 Gicurasi 2016, Urukiko rudasanzwe rwashyizweho n’Afurika yunze Ubumwe rwakatiye uwahoze ari Perezida wa Cadi Hissène Habré igifungo cya burundu kubera yahamwe n’ibyaha byibasiye inyoko muntu, harimo iyicarubozo, gufata abagore ku ngufu igihe yari Perezida wicyo gihugu hagati y’umwaka wa 1982-1990. Urubanza rwabereye mu gihugu cya Senegali.

Ibi ni amateka akomeye Umuryango w’Afurika yunze Ubumwe ukoze kuko ugaragaje ko Afurika ishoboye gushyikiriza ubutabera uwariwe wese wakora ibyaha ku mugabane w’Afurika. Ni igitego kandi Afurika yinjije mu ruhando mpuzamahanga kuko igaragaje ubutabera budashingiye ku nyungu za politiki nk’uko bikorwa n’Urukiko Mpuzamahanga Mpanabyaha (ICC) rwashyizweho mu mwaka wa 2002.

Uru rukiko rwashyizweho hagamijwe kurwanya umuco wo kudahana nyamara byagaragaye ko rukora ku mpamvu za Politiki aho rwibasira gusa Abanyafurika. Rukora nk’igikangisho mu gihe wanze kubahiriza ibyo ibihugu by’ibihangage bigusabye. Ibikorwa birivugira kugeza ubu impapuro zigera kuri 28 zatanzwe n’uru rukiko zoze ni iz’Abanyafurika; ntawanga ubutabera ariko se ni Abanyafurika gusa bakora ibyaha?

JPEG - 42.2 kb
Hissene Habre atabwa muri yombi

Aho ibihugu bimwe by’Afurika bizamukiye mu bukungu bitagikeneye cyane imfashanyo, ibihugu by’ibihangage byashatse uko byakomeza kubigiraho ijambo nuko hashyirwaho urwo rukiko kandi nabo ubwabo batarashyize umukono ku nyandiko irushyiraho.

Perezida Museveni ubwo yarahiriraga kuyobora igihugu cya Uganda tariki ya 12 Gicurasi 2016, yanenze cyane bikomeye uburyo Urukiko Mpuzamahanga Mpanabyaha rufite umurongo wa politiki aho kugira umurongo w’ubutabera, bityo abahagarariye ibihugu by’ibihangage uhereye k’ubwongereza basohoka mu muhango utarangiye.

Ubwongereza birumvikana kuko nibwo buri inyuma yishyirwaho y’urwo rukiko. Ariko se uwari uhagarariye Leta zunze ubumwe z’Amerika yasohotse kubera iki mu gihe igihugu cye kandi ahagarariye kitigeze gishyira umukono ku masezerano ashyiraho urwo rukiko? Byagaragaye ko ari ugushyira hamwe kw’ibihugu by’ibihangange binyuze mu butabera.

Muri iyi myaka itanu ishize ibihugu ku isi byagize ibyaha by’ubwicanyi bukabije harimo Iraki na Siriya; ariko usanga Urukiko Mpuzamahanga Mpanabyaha rutahareba kuko ari isibaniro ry’inyungu z’ibihugu bikomeye kw’isi.

Akarusho k’urukiko rushyirwaho n’Umuryango w’Afurika yunze Ubumwe ni uko rutareba igihe ibyaha byakorewe, mu gihe Urukiko Mpuzamahanga rwo ruburanisha ibyaha byakozwe nyuma yuko rushyirwaho mu mwaka wa 2002.
Urugendo rw’Abanyafurika mu kumenya gahunda y’Urukiko Mpuzamahanga rurakomeje dore ko abenshi bashyize umukono bugarijwe n’inyeshyamba bakababwira ko urwo rukiko ruzabafasha gushyikiriza ubutabera ababarwanya nyuma bakisanga aribo barwitabye. Urugero rwa hafi ni Laurent Gbagbo wayoboye Cote d’Ivoire.

U Rwanda nk’igihugu cyari kimaze imyaka mike gisohotse muri Jenoside nticyigeze gishyira umukono ku masezerano ashyiraho uru rukiko kubera ubushishozi bw’abayobozi b’u Rwanda cyane cyane Perezida Paul Kagame aho adahwema kugaragaza gahunda yihishe inyuma yuru rukiko.

Mu ijambo Perezida Kagame yagejeje mu nama y’Umuryango w’Ubumwe bw’Afurika tariki ya 26 Gicurasi 2013 yagize ati

“Urwego Mpuzamahanga rw’ubutabera rurakenewe mu rwego rwo guca umuco wo kudahana ku byaha bikomeye ndetse no kwimakaza ubumwe n’ubwiyunge nyuma y’amakimbirane. Ariko kugirango ibi bigerweho urwo rwego rugomba kwigenga ndetse rukitandukanya n’ibikorwa bya politiki hubahirizwa ubusugire bw’ibihugu, ibintu u Rwanda ruhamya ko Urukiko Mpuzamahanga Mpanabyaha rwananiwe kugeraho”

Nubwo urugendo rw’ibihugu by’Afurika bihagarika amasezerano byasinye ashyiraho uru rukiko rukomeje ariko bikitwa agahomamunwa n’ibihugu by’ibihangage, rugomba gukomeza mu rwego rwo guharanira ubutabera budashingiye kuri politiki. Urubanza rwa Hissène Habré rwatubera intangiriro.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Ikibazo cya Parikingi y’Abamotari gikomeje kuba ingorabahizi
Ikibazo cya Parikingi y’Abamotari gikomeje kuba ingorabahizi

Moto zikora akazi ka tagisi buriya biragoranye kuzitegeka aho zihagarara zisiga umugenzi, kuko umugenzi afite uburenganzira bwo gusaba umutwaye kumugeza neza aho agiye, akabona kumwishyura. Ibyo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.