Advertisement
 
 
 
 
 
 
 
 

Uko Mbibona

Abagonganisha uburenganzira bwa muntu baba bagamije gusahura   

  Yanditswe na GATETE JEAN BOSCO
 2 months ago

 
 

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira uburenganzira mu bya politiki mbere y’uko bihutira uburenganzira bujyanye n’imibereho myiza ibyo bakabikora babishowemo n’abakoloni baba bagamije gusahura ibihugu byabo.

Umunyamategeko Nkongoli Laurent ni Komiseri muri Komisiyo y’uburenganzira bwa muntu ushinzwe uturere twa Nyarugenge, Gatsibo, Muhanga, Rusizi na Nyamasheke avuga ko mu ijambo rya Perezida Kagame aherutse kuvuga ku wa 09/09/2016 ubwo yari mu gikorwa cy’aho abayobozi b’uturere bamurikaga imihigo y’umwaka wa 2015–2016 no gusinya imihigo y’umwaka 2016-2017, yagaragaje ubuhanga ngiro .

Ati ”Ijambo yahavugiye ririmo ubuhanga ngiro mu bijyanye n’ubumenyi bw’uburenganzira bwa muntu, ibyo yavuze by’amajyambere, demokarasi, ubwisanzure, n’uburenganzira bwa muntu uko bwuzuzanya, biri neza neza no mu byemerejwe i Vienne ku wa 25/ 06/ 1993 aho ibihugu bigize umuryango w’abibumbye byicaye bikagira ibyo byemeza mu rwego rw’uburenganzira bwa muntu”.

JPEG - 288.5 kb
Umunyamategeko Nkongoli Laurent Komiseri muri Komisiyo y’Uburenganzira bwa muntu

Avuga ko mu byemerejwe i Vienne mu ngingo ya mbere harimo ko uburenganzira bwa muntu bwose bugomba kubahwa nk’umubumbe, mu ngingo ya 2, bakavuga ko abaturage bafite uburenganzira bwo kwihitiramo ibibabereye nk’abanyagihugu, mu gihe mu ngingo ya 5 bavuga ko uburenganzira bwose bwa muntu bwuzuzanya budatandukanywa cyangwa ngo bugongane.

Ibyo ni byo Komiseri Nkongoli aheraho avuga ko abakoloni babyirengagiza kubera inyungu baba bafite ku bihugu ati ”Bagonganisha uburenganzira bitari mu neza n’imibereho myiza y’abanyagihugu, njye mbona ari ukubarangaza bigamije kutabazwa umutungo baba barakuye muri ibyo bihugu no kubazwa uwo baba barimo kuhakura”.

Komiseri Nkongoli akomeza avuga ko umuntu warembye uri mu bitaro icyo akeneye mbere ari ukuvurwa ati ”Nibaza ko umuntu w’indembe kumubwira kubyuka ngo ajye gushinga umutwe wa politiki atari byo biba bikwiye kuza mbere yo kumuha imiti, nibwira ko umuntu utazi gusoma, utanashobora kwisomera icyapa kumubwira ngo haguruka ushinge ishyaka atari byo akeneye mbere yo kumufasha kujya mu ishuri, ariko abakoloni bo ibyo babyirengagiza nkana bati “ntimwatoye neza, nta demokarasi mufite n’ibindi biba bigamije kubasaza bagasenya ibihugu byabo mu nyungu z’abo bakoloni ”.

Umunyamategeko Nkongoli yongeraho ko n’aho basanze uburenganzira bwa muntu bwubahirizwa bashaka ibindi bavuga ati ”Nk’aha mu Rwanda aho Abanyarwanda bafashe icyemezo kigena imibereho yabo bahitamo ibibabereye nk’abanyarwanda usanga abo bakoloni bavuga bati”Nta bwisanzure muri Politiki mufite, bahora iteka bashaka icyarangaza abantu”.

Komiseri Nkongoli avuga ko icyo abanyafurika bakeneye ari ukumenya neza ibibabereye bityo nk’umugabane bakazamukira hamwe.

Ati” Amasezerano ya mbere y’uburenganzira bwa muntu muri Afurika avuga uburenganzira bwa muntu n’ubw’abaturage, natwe turagira tuti”Uburenganzira bwa muntu n’ubw’Abanyarwanda ni yo mpamvu dushyiraho ubwisungane mu kwivuza mu gihe n’Amerika babigerageje bikaba bitarakunda, ni yo mpamvu dushyiraho gahunda y’uburezi kuri bose bigamije guha buri wese uburyo bwo kwiga, ni yo mpamvu twahisemo kuvugurura itegeko nshinga biri mu neza n’iterambere twifuza ”.

Yasabye abayobozi gukomeza kubaha amategeko buri cyemezo cyose bafashe bakishingikiriza amategeko ati ”Itegeko nshinga rirahari, buri muyobozi agiye mu byemezo afashe yisunga ingingo zirikubiyemo ibintu byakomeza kuba byiza, kuko nta muyobozi warya ruswa mu gihe yubashye Itegeko Nshinga, ntawarenganya mu gihe yaryubashye, kuko mu ngingo yaryo ya 13 harimo ko umuntu ari Umunyacyubahiro n’Umunyagitinyiro Leta n’izindi nzego zifite inshingano zo kumurengera”. Ahamya ko ibyo n’ibikorwa bizakomeza kuba ishingiro ry’iterambere rirambye mu gihugu kiyubashye kandi gikomeye.

Yasoje asaba abanyarwanda by’umwihariko gukomeza gusenyera umugozi umwe, bubaka igihugu cyabo, banirinda uwo ari we wese wabashuka akabayobereza mu by’uburenganzira mu by’ukuri batabuze.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Ntabwo narinzi ko Trump ashaka gutsinda amatora
Ntabwo narinzi ko Trump ashaka gutsinda amatora

Uburyo Donald Trump, ubu watorewe kuyobora igihugu cy’igihangange cya Amerika, yiyamamaje narinzi ko adashaka kuzatorwa. Rimwe ati aha nzahubaka igikuta, ati nikundira Putin, nzirukana aba (...)

Kigali: Imikoreshereze y’amakarita y’ingendo ikwiye kuvugururwa
Kigali: Imikoreshereze y’amakarita y’ingendo ikwiye kuvugururwa

Hashize igihe gito zimwe muri za sosiyete zifite imodoka zitwara abagenzi mu mugi wa Kigali zishyizeho gahunda yo gutwara abantu hakoreshejwe amakarita. Ayo ma karita iyo witegereje, usanga (...)

Abagonganisha uburenganzira bwa muntu baba bagamije gusahura
Abagonganisha uburenganzira bwa muntu baba bagamije gusahura

Ikibazo cy’uburenganzira bwa muntu ntigikunze kuvugwaho rumwe usanga mu bihugu bimwe abaturage batazi neza uburenganzira bwabo kimwe n’uburenganzira bw’ibanze baba bakeneye, ibi bibatera kwihutira (...)

Umuyobozi mushya wa AU ategerejweho byinshi
Umuyobozi mushya wa AU ategerejweho byinshi

Inama ya 27 y’Umuryango w’Afurika Yunze Ubumwe (AU) yateraniye i Kigali kuva tariki ya 10-18 Nyakanga 2016. Umwe mu mwanzuro wari witezwe na benshi ni ibyari kuva mu matora y’uzasimbura Dlamini Zuma (...)

Ikibazo cya Parikingi y’Abamotari gikomeje kuba ingorabahizi
Ikibazo cya Parikingi y’Abamotari gikomeje kuba ingorabahizi

Moto zikora akazi ka tagisi buriya biragoranye kuzitegeka aho zihagarara zisiga umugenzi, kuko umugenzi afite uburenganzira bwo gusaba umutwaye kumugeza neza aho agiye, akabona kumwishyura. Ibyo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.