Advertisement
 
 
 
 
 
 
 
 

Ubuzima

USA: Jeannette Kagame arakusanya inkunga yo kubaka ikigo kivura “Umutima” mu Rwanda   

  Yanditswe na IMVAHO NSHYA
 May 2016

 
 

Umufasha wa Perezida wa Repubulika, Jeannette Kagame yagiriye uruzinduko mu mujyi wa Boston muri Leta Zunze Ubumwe za Amerika aho yatangije gahunda yo gukusanya amafaranga yo kubaka ikigo kita ku barwaye umutima cya mbere mu Rwanda.

Icyo gikorwa cyabereye mu nzu y’ihuriro ry’abize muri Kaminuza ya Massachusetts cyateguwe n’umuryango udaharanira inyungu “Team Heart” wiyemeje kwita ku Banyarwanda barwaye umutima batishoboye.

Umuyobozi w’inama y’ubuyobozi ya Team Heart, Davis Wilson yavuze ko icyo kigo kizakiza ubuzima bw’Abanyarwanda benshi aho bazafashwa kwirinda indwara z’umutima no kuzivuza.

Ati” Iki kigo kita ku barwayi b’umutima kizaba ari ipfundo ry’ikizere cy’u Rwanda, kizakiza ubuzima bwa benshi kibafasha kwirinda no kwivuza. Turashimira Umufasha wa Perezida w’u Rwanda wemeye kudushyigikira.”

JPEG - 92.6 kb
Abaganga ba Team Heart bamaze kuvura Abanyarwanda batari bake

Mu myaka ikabakaba icumi ishize, abakorera bushake bo mu gace ka North England muri USA bagiye baza mu Rwanda gupima abarwayi b’umutima, kubabaga no guhugura abaganga.

Madamu Jeannette Kagame kandi yahawe igihembo na Team Heart kubera kuzamura ubuzima bw’Abanyarwana benshi binyuze mu gutera imbere ubuzima, uburezi, urubyiruko no kuremera abatishoboye.

Uretse kuba Madamu Jeannette Kagame yarashinze umuryango Imbuto Foundation ufasha abana batishoboye kwiga, ari no mu bashinze umuryango w’abafasha b’abakuru b’ibihugu bo muri Afurika wo kurwanya Sida ndetse yanawuyoboye hagati ya 2004 na 2006.

Kugeza ubu u Rwanda ntirufite abaganga babaga umutima na laboratwari ipima indwara zifata icyo gice gifatiye runini umubiri wa muntu .

 

Comments

 
 
Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

RSB yagaragaje amananiza ihura nayo mu guca Mukorogo
RSB yagaragaje amananiza ihura nayo mu guca Mukorogo

Ikigo cy’Igihugu cy’Ubuziranenge, RSB, kivuga ko guca amavuta arimo imisemburo yo kwitukuza (hydroquinone) atujuje ubuziranenge bigoye cyane, kuko abaturage bataramenya neza ingaruka zayo (...)

Musanze:Isoko rya Kinigi rikeneye ubwiherero
Musanze:Isoko rya Kinigi rikeneye ubwiherero

Abagana n’abaturiye isoko rya Kinigi riherereye mu murenge wa Kinigi mu karere ka Musanze, baratangaza ko babangamiwe n’umwanda ugaragara muri iri soko, utewe no kutagira ubwiherero rusange. Ni (...)

Nyagatare: Ababyeyi batwite banywa umuti gakondo witwa ‘ibishaka’ baraburirwa
Nyagatare: Ababyeyi batwite banywa umuti gakondo witwa ‘ibishaka’ baraburirwa

Bamwe mu babyeyi baravuga ko imiti gakondo bamwe muri bagenzi babo batwite bafata mbere yo kubyara izwi ku izina ry’ibishaka ngo ikomeje kubagiraho ingaruka, bagasaba ubuyobozi kongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.