Advertisement
 
 
 
 
 
 
 
 

Ubuzima

USA: Harageragezwa impeta ishobora gusimbura agakingirizo   

  Yanditswe na KAPITENI ALEXIS
 March 2016

 
 

Abashakashatsi bo muri Leta Zunze Ubumwe za Amerika bavumbuye impeta yitwa Dapivirine Ring ishobora gukoreshwa mu cyimbo cy’agakingirizo, umugore ntiyandure indwara zifatira mu mibonano mpuzabitsina nka SIDA ndetse akaba atasama inda atabishaka.

Abo bashakashatsi bo muri Kaminuza ya Northwestern bamaze imyaka 5 biga kuri iyo mpeta, ishyirwa mu gitsina cy’umugore ikamurinda nk’uko agakingirizo gasanzwe kabikora.

JPEG - 36.4 kb
Impeta izajya ishyirwa mu gitsina cy’umugore ikamurinda kwandura SIDA no gusama atabishaka igeze mu bihugu 4 by’Afurika

Dr Patrick Kiser, umwe mu bagize itsinda ry’abaganga bari muri ubwo bushakashatsi avuga ko iyo mpeta izagoboka abinubira gukoresha agakingirizo.

Ati”Kugeza ubu agakingirizo ni bwo buryo bwonyine bwizewe kugera kuri 99% mu kwirinda inda zitateganyijwe n’indwara zandurira mu mibonano mpuzabitsina. Nyamara bigaragara ko abagabo bagakoresha ari 5%, bigatuma abantu miliyoni 2,5 bandura SIDA ku Isi buri mwaka. Nicyo gituma twatekereje ubundi buryo bworoshye bwakoreshwa”.

Dr Kiser avuga ko inzira yo kubigeraho ikiri ndende, kuko kuva mu 2000 hamaze kugeragezwa inshuro 60 zose ikintu cyasimbura agakingirizo ariko ntibishoboke.

Impeta yo mu gitsina cy’umugore bavumbuye, irekura umuti ugabanya ubukana bwa SIDA (tenofovir) ungana na mg 10 buri munsi, ndetse ikanavubura imisemburo (lévonogestrel) ingana na microgrammes10, ibuza umugore kuba yasama mu gihe kingana n’iminsi 90.

Igerageza kuri iyo mpeta ryatangiye mu mwaka ushize rikorerwa ku bagore 50 b’ababakorerabushake, igihe iyi mpeta izatangira gucuruzwa ku isoko ntikiramenyekana.

Icyiza cy’iyo mpeta by’umwihariko ngo ni uko nta ngaruka n’imwe igira, ugereranyije n’ubundi buryo bukoreshwa n’abagore mu kuboneza urubyaro..

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.