2017-08-19 07:41:08 clouds 27o High | Kigali Rwanda

Dukurikire:
 
 

Uganda: Bari gukora umuti gakondo wa Malaria

Yanditswe na IMVAHO NSHYA

Kuya 2016-06-20 06:14:35

 
Share on:
 
Yasuwe:9
 
Yavuzweho:200
 
10
 
10

Umushakashatsi wo muri kaminuza ya Mbarara, Dr. Patrick Okwang na bagenzi be bari gukora umuti w’indwara ya malariya ukozwe mu bimera.

Iyi mpuguke mu by’imiti, avuga ko uwo muti uje mu gihe iyi ndwara ikomeje kwibasira benshi kandi mu bihugu bya Afurika ari bake bashobora kwivuza.

Ogwang yasobanuye ko mu bushakashatsi bakoze basanze 75% by’bimera byo muri Uganda bishobora kubyazwamo umuti.

Umuyobozi w’Ikigo DEI cyateye inkunga ubwo bushakashatsi, Mathias Magoola avuga ko nta muti wa malariya n’umwe wakomotse muri Afurika.

JPEG - 28.6 kb
Uwo muti ushobora gusimbura iyari isanzweho

Yongeyeho ko Afurika itakaza miliyari 25 z’amadorali buri mwaka ku miti ya malaria. Yemeza ko umuti wabo uzaba ufite ingufu kurusha ikoreshwa ubu.

Minisitiri w’Ubuzima wa Uganda ucyuye igihe, Dr. Elioda Tumwesigye yavuze ko leta y’icyo gihugu yiyemeje gufasha abo bashakashatsi ikabaha aho gukorera igerageza n’ibindi byangombwa bakeneye.

Ati” Dushaka gukorana n’Ishami rya Loni ryita ku Buzima (WHO) kugira ngo batangire igeragezwa, kandi n’ibindi bigize uwo muti bitaraboneka bakabihabwa maze ugakoreshwa ku rwego mpuzamahanga.”

Indwara ya malariya yariyongereye mu karere k’ibiyaga bigari, mu Rwanda abarwayi ba Malariya bavuye kuri 2,456,091 mu mwaka ushize, bagera kuri 1,353,861 muri uyu mwaka.

Minisiteri y’Ubuzima, Minisante, yasabye Abanyarwanda kugira isuku mu ngo zabo no gutema ibihuru bizikikije birinda ibiziba mu rwego rwo kwirinda malariya ishobora kwiyongera muri iki gihe cy’impeshyi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE