Advertisement
 
 
 
 
 
 
 
 

Ubuzima

Ubushakashatsi bwerekanye ko Abanyarwanda barushaho kuba bagufi   

  Yanditswe na HERVE UGIRUMUKUNDA
 July 2016

 
 

Ubushakashatsi bwakozwe na kaminuza Imperial College London bwagaragaje ko uburebure bw’Abanyarwanda bwagabanutseho sentimetero zigera kuri enye mu myaka 40 ishize.

Iyi kaminuza ivuga ko iri gabanuka ry’uburebure ryabaye ku bagore no ku bagabo, kuva mu 1976 kandi rikaba rigikomeje.

Ibi u Rwanda rubihuriyeho n’ibindi bihugu bya Afurika yo munsi y’ubutayu bwa Sahara byakoreweho ubushakashatsi, Sierra Leone, Niger na Uganda. N’ibyo muri Azia nka Bangladesh n’u Buhinde.

Igishushanyo kigaragaza ko Abanyarwanda bavukaga mu 1880 bari bafite uburebure bwa metero 1 na cm 60 muri rusange, ngo bagiye barushaho kuba barebare ku buryo abavukaga muri za 1950, bari bafite uburebure buri hagati ya metero 1.65 na 1.70.

Kuva muri 1976 uburebure bw’Abanyarwanda buri gusubira hasi, bugana kuri metero imwe na sentimetero 60.

Ubu bushakashatsi kandi bwerekanye ko abaturage ba Leta Unze Ubumwe za Amerika nabo barushaho gusubira ibugufi kurusha Abanyarwanda.

Naho abagore bo muri Korea y’Epfo n’abagabo bo muri Iran nibo bafite uburebure bwiyongera kurusha abandi mu myaka 100 ishize.

Prof. Majid Ezzati wayoboye ubushakashatsi avuga ko mu gihe uwahuye n’igwingira mu buto bwe bimugora cyane kuba muremure ari mukuru.

Avuga ko uburebure bw’umubiri wa muntu ahanini buterwa n’abamubyaye, ariko cyane cyane n’uko yitaweho akiri umwana.

JPEG - 183.2 kb
Abana bagwingira bagabanutse, uburebure bw’Abanyarwanda bwakwiyongera

Mu Rwanda ahanini kuba abaturage barushaho kuba bagufi, byakwitirirwa ikibazo cyo kugwingira mu bana kitarakemuka.

Mu 2015 ubushakashatsi bw’Ikigo cy’Igihugu cy’Ibarurishamibare (NISR) ku mirire, bwagaragaje ko abana 38% bagwingiye kandi 20% bakaba bagwingira bakiri mu nda ya nyina, bafite ibiro biri munsi ya 2.5.

Minisiteri y’Ubuzima ivuga ko igwingira ahanini riterwa n’ababyeyi batazi kugaburira abana indyo yuzuye. Ni yo mpamvu hatangiye gahunda y’ubukangurambaga ku mirire.

Mu gihe kandi hari abana bagwingira kubera kuvukira mu bukene, leta y’u Rwanda yiteze ko gahunda nka Girinka n’izindi zitandukanye nk’ururima tw’igikoni zizatuma abatishoboye bafite abana bashobora kubagaburira neza.

 

Comments

 
 
Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

RSB yagaragaje amananiza ihura nayo mu guca Mukorogo
RSB yagaragaje amananiza ihura nayo mu guca Mukorogo

Ikigo cy’Igihugu cy’Ubuziranenge, RSB, kivuga ko guca amavuta arimo imisemburo yo kwitukuza (hydroquinone) atujuje ubuziranenge bigoye cyane, kuko abaturage bataramenya neza ingaruka zayo (...)

Musanze:Isoko rya Kinigi rikeneye ubwiherero
Musanze:Isoko rya Kinigi rikeneye ubwiherero

Abagana n’abaturiye isoko rya Kinigi riherereye mu murenge wa Kinigi mu karere ka Musanze, baratangaza ko babangamiwe n’umwanda ugaragara muri iri soko, utewe no kutagira ubwiherero rusange. Ni (...)

Nyagatare: Ababyeyi batwite banywa umuti gakondo witwa ‘ibishaka’ baraburirwa
Nyagatare: Ababyeyi batwite banywa umuti gakondo witwa ‘ibishaka’ baraburirwa

Bamwe mu babyeyi baravuga ko imiti gakondo bamwe muri bagenzi babo batwite bafata mbere yo kubyara izwi ku izina ry’ibishaka ngo ikomeje kubagiraho ingaruka, bagasaba ubuyobozi kongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.