Advertisement
 
 
 
 
 
 
 
 

Ubuzima

Rusizi:Abivurizaga ku ivuriro rya CIMERWA bateje ibibazo ku kindi kigo nderabuzima   

  Yanditswe na BAHUWIYONGERA SYLVESTRE
 June 2016

 
 

Hashize amezi arenga 10 abaturage bo mu kagari ka Shara mu murenge wa Muganza, mu karere ka Rusizi, bivurizaga kuri mituweli ku ivuriro ry’uruganda rwa CIMERWA, bambuwe amahirwe yo kwivuriza kuri iri vuriro, ku mpamvu z’uko ngo uruganda rutabyumvikanyeho na RSSB.

Abaturage bo muri aka kagari babihombeyemo cyane, ndetse hafi ya bose batangira kwivuriza ku kigo nderabuzima cya Mashesha, na cyo kivuga ko byakigizeho ingaruka zikomeye.

Mu kiganiro n’Imvaho Nshya, umuyobozi w’ikigo nderabuzima cya Mashesha gikorera mu murenge wa Gitambi mu karere ka Rusizi, Ndagijimana Gervais, yavuze ko kuva aho ivuriro ry’uruganda rwa CIMERWA rihagarikiye kuvura abaturage, hafi ya bose bayobotse iki kigo nderabuzima cyari gisanzwe gitaka abarwayi benshi n’abaforomo bake.

JPEG - 168.3 kb
Umuyobozi wa CIMERWA Busisiswe Legodi yabwiye abanyamakuru ko iki kibazo kiri mu nzira zo gukemuka (Foto Bahuwiyongera S)

Uyu muyobozi avuga ko muri iki gihe umubare w’abarwayi urenze kure ubushobozi bw’ikigo nderabuzima.

Yagize ati:“Mbere twari dufite abaturage 42,774 tugomba kwitaho, ariko kuva mu kwa 7 umwaka ushize, CIMERWA ihagarika kuvura aba baturage twahise dutangira kwakira abatugana benshi birenga kure ubushobozi bwacu.

Umwaka ushize abarwayi twakiriye mu isuzumiro honyine bageze ku 64,696, urumva uko byagenze, binakubitiyeho uburwayi bwa Malariya bwazamutse cyane muri ibi bihe muri kino kibaya cya Bugarama, hakiyongeraho no kuba dufite abaforomo 15 gusa harimo n’umuyobozi w’ikigo nderabuzima, biraturenga, dusigara twibaza ikindi twakora biratuyobera.”

Avuga ko nubwo bimeze bityo badashobora gusubiza abarwayi inyuma, ariko ngo serivisi ntizitangwa neza uko byakagombye, kuko ubu umuforomo ashobora kwita ku bamugana 100 mu gihe n’abo yari afite bari barenze ubushobozi bwe.

Uyu muyobozi w’ikigo nderabuzima arasaba ko CIMERWA yakongera kwita ku baturage baturiye ivuriro ryayo, rikabavura kuko byagabanya umuruho w’iki kigo nderabuzima, nibura abaganga bakabona uko bita ku barwayi bazaba basigaranye.

Mu kiganiro n’abanyamakuru giherutse kubera muri uru ruganda, umuyobozi warwo Busisiswe Legodi, yavuze ko ari ikibazo bakurikiranira hafi, ndetse ngo bigenze neza mu gihe gito kiri imbere bazatangira kongera kubavura.

Nk’uko Imvaho Nshya yari yabitangarijwe mbere n’ushinzwe imicungire y’abakozi muri uru ruganda Kalinganire Vivens, ngo ikibazo cyari kikiri ku kutabyumvikanaho hagati ya RSSB n’uruganda, bakaba bari bakibiganiraho kuko iri vuriro ry’uruganda ryatangiye kuvura abaturage mu myaka ya za 1980 ridakwiye kureka kubavura.

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.