Advertisement
 
 
 
 
 
 
 
 

Ubuzima

Rubavu: Ibitaro bya Gisenyi byatakaje abaganga basaga 10   

  Yanditswe na IYAREMYE YVES
 June 2016

 
 

Ibitaro bya Gisenyi byatakaje abaganga 13 mu gihe cy’umwaka biratabaza bisaba akarere kakabifasha kubona amacumbi kuko ari yo abatera kwanga akazi.

Aba baganga bagenda mu gihe kitageze ku mwaka ngo bagenda bavuga ko bataba ahantu batoroherezwa kubona amacumbi.

Muganga mukuru w’ibitaro bya Gisenyi Dr Maj Kanyankore William avuga ko iki kibazo gikomeje guhombya ibitaro cyane.

Ati “ Ntako tutagira ngo dushake abaganga b’inzobere, ariko iyo tumuhamagaye kubera umushahara udahagije atubaza niba tuzamubonera amacumbi, twamubwira ko ntayo agahita yanga kuza cyangwa yahagera ntahamare icyumweru”.

Ibitaro bya Gisenyi ntibigira amacumbi y'abaganga Foto (Iyamuremye Y)


Dr Kanyankore yemeza ko kuva ibi bitaro byakubakwa nta nyubako ivuguruye yari yahakorerwa bityo bakaba bifuza ko akarere kabaha ubutaka bwo kubakamo amacumbi bo bakishakira abaterankunga kugira ngo bayubake.

Avuga umubare w’abaganga bo mu rwego rwa “dogiteri” bahakora, nabo bake ugereranyije n’abahavurirwa, ugizwe n’abakomoka mu gihugu cya Congo.
Ati “Dufite abaganga 14 muri abo 2 ni Abanyarwanda n’aho abandi bavuka mu gihugu cya Repubulika iharanira Demokarasi ya Kongo, gukorera hano mu Rwanda biterwa n’umutekano bahabona nabo bashobora kugenda umunota ku wundi kandi ntitwababuza.”

Akomeza agira ati “Akarere kadufashije tukabona ubutaka tukubakamo byadufasha kuko twajya tuba dufite abaganga isaha ku isaha n’igihe cy’amasaha y’ikirenga baba bahari.”

Uwambaje Marie Florence ni umwe mu bivuriza ku bitaro bya Gisenyi avuga ko nabo babangamirwa n’abaganga bahora bagenda batahamaze kabiri.

Ati “Kuba uba warahawe gahunda n’umuganga mu cyumweru gitaha wagaruka kuri iyo gahunda bakakubwira ko atakihakorera natwe biratubangamira. Hakwiye kugira igikorwa kuko urwo ari urucantege rutuma abarwayi barushaho kwiyongera.”

Umuyobozi w’Akarere ka Rubavu Sinamenye Jeremie mu nama n’abikorera b’akarere ka Rubavu yavuze ko iki kibazo bagiye kucyigaho bakakirebera umuti uhamye anemeza ko ibi bitaro bigize abaganga bahoraho byafasha abaturage kurushaho kugira ubuzima bwiza.

Bimwe mu bindi bibazo ibi bitaro bifite harimo kuba byakira umubare munini w’abarwayi batagira Mituweri bikagorana kubakurikirana uko bikwiye.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kigali: Ivuriro Legacy ryatangiye kuruhura Abanyarwanda gusiragira mu mahanga
Kigali: Ivuriro Legacy ryatangiye kuruhura Abanyarwanda gusiragira mu mahanga

Ubuyobozi bwa Legacy Clinics, ivuriro rishya rimaze amezi ane rikorera ahagana ku Mulindi, Akarere ka Kicukiro mu mujyi wa Kigali, burateganya kwegera Minisiteri y’Ubuzima kugira ngo rifashe mu (...)

Abanyarwanda barasabwa kwirinda ibicurane by’ibiguruka
Abanyarwanda barasabwa kwirinda ibicurane by’ibiguruka

Ikigo cy’Igihugu gishinzwe Ubuzima, RBC, kiramenyesha Abanyarwanda bose ko ibicurane by’ibiguruka byagaragaye mu gihugu cya Uganda bishobora kwanduza n’abantu kandi bikabazahaza. Ibyo bicurane (...)

Rutsiro:  Bagenda ibirometero 60 bajya ku bitaro
Rutsiro: Bagenda ibirometero 60 bajya ku bitaro

Abaturage bo mu murenge wa Mukura mu karere ka Rutsiro, baravuga ko babangamiwe no gukora ingendo ndende bagiye kwivuza. Umurenge wa Mukura ufite ubuso bungana na kilomeretokare 98,7, ufite (...)

Ntimukabyare umwana mutabanje kubipanga neza - Minisitiri Nyirasafari
Ntimukabyare umwana mutabanje kubipanga neza - Minisitiri Nyirasafari

Minisiteri y’uburinganire n’iterambere ry’umuryango irasaba Abanyarwanda kudakomeza kugendera ku muco wo kuvuga ko bakwiye kubyara bakuzuza isi, ahubwo bagaharanira kubyara abo bashoboye kurera. (...)

Havumbuwe ko kogosha ku myanya y’ibanga byongera ibyago byo kwandura SIDA
Havumbuwe ko kogosha ku myanya y’ibanga byongera ibyago byo kwandura SIDA

Ubushakashatsi bwakozwe na Kaminuza ya California bwasanze abantu bogosha ku myanya y’ibanga bafite ibyago byo kwandura indwara zandurira mu mibonano mpuzabitsina kurusha abatabikora. Ubwo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.