Advertisement
 
 
 
 
 
 
 
 

Ubuzima

Rubavu: Abarwaye Malariya mu mezi atatu ashize baruta abayirwaye muri 2015 yose   

  Yanditswe na MAGARAMBE THEODORE
 April 2016

 
 

Ubuyobozi bw’Akarere ka Rubavu buratangaza ko mu mezi atatu ashize Malariya yibasiye abaturage ku buryo budasanzwe, aho imibare iva mu bigo nderabuzima n’ibitaro byo muri aka karere igaragaza ko abantu 18 278, bapimwe bagasanga bayirwaye.

Umuyobozi ushinzwe ubuzima mu karere ka Rubavu Uwineza Francine, avuga ko uyu mubare w’abarwaye malariya mu mezi atatu ashize uruta uw’abayirwaye mu mwaka wa 2015 wose, kuko bwo habaruwe abarwayi ba malariya 16 609.

Uwineza avuga ko mu mpamvu zituma iyi ndwara ikomeza kuzamuka, haza ku isonga ibura ry’inzitiramibu mu baturage, kuko usanga izo bafite ubu zarashaje ku buryo zitagifite ubushobozi bwo guhagarika imibu.

Yagize ati « Ni ikibazo gikomeye, hadafashwe ingamba zo gushaka inzitiramubu, gutema ibihuru no gusiba ibyobo by’amazi ishobora guhitana benshi.»

Ubukana bwa malariya mu karere ka Rubavu kandi bwemezwa n’abaturage baganiriye n’Imvaho Nshya, bahamya ko muri iki gihe hari aho usanga umuryango w’abantu barenze babiri bose barwaye malariya. Umwe muri aba baturage yagize ati «Impamvu ni uko tutakigira supaneti kandi nta n’aho tuzigurira.»

Umuyobozi ushinzwe ubuzima muri aka karere avuga ko Imirenge yibasiwe cyane na malariya ari uwa Rubavu, Gisenyi, Nyamyumba, Cyanzarwe na Nyundo.

Mu rwego rwo guhashya iyi ndwara yibasiye Abanyarwanda bidasanzwe, Minisiteri y’Ubuzima (MINISANTE) ibinyujije mu Kigo cy’Igihugu gishinzwe ubuzima (RBC) yatangaje ko ifite gahunda yo kujya itera umuti wica imibu ikwiza udukoko dutera malariya mu ngo z’Abanyarwanda mu gihugu hose.

Minisante iteganya no gutanga inzitiramibu zigera kuri 6, 201,501 ihereye ku turere twagaragayemo ubwiganze bukabije bwa Malariya.

 

Comments

 
 
Rubavu:Isuku y’amaresitora n’utubari iracyari hasi
Rubavu:Isuku y’amaresitora n’utubari iracyari hasi

Amwe mu maresitora ndetse n’utubari byo mu karere ka Rubavu biranengwa kugira isuku nke muri serivisi zihatangirwa. Ubushakashatsi bwakozwe n’ikigo cy’Igihugu cy’imiyoborere (RGB) mu mwaka wa (...)

Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.