Advertisement
 
 
 
 
 
 
 
 

Ubuzima

N’abagabo bagiye kuzajya baterwa urushinge rwo kuboneza urubyaro   

  Yanditswe na IMVAHO NSHYA
 1 month ago

 
 

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye.

Abashakashatsi bo muri Leta Zunze Ubumwe za Amerika bavuga ko mu isuzuma ryakorewe ku bagabo 270, basanze urwo rushinge rukwiye kwizerwa ku rugero rwa 96%.

Gusa benshi mu barutewe bagaragaje ibimenyetso bidasanzwe birimo gusesa ibiheri ku mubiri no kugira umunabi.



Hashize imyaka 20 , abahanga bakora ubushakashatsi ku buryo abagabo bahabwa ibinini cyangwa inshinge zo kuboneza urubyaro.

Ishami ry’Umuryango w’Abibumbye ryita ku buzima, OMS, rivuga ko hari kwigwa ku buryo hakoreshwa imisemburo bigahagarika ikorwa ry’intangangabo ariko ntibigire izindi ngaruka ku mugabo.

Kubera ko abagabo bahora bakora intanga ubutaruhuka, bisaba imisemburo myinshi kugira umubare w’intanga muri mililitiro ugabanuke, uve kuri miliyoni 15/ ml ugere kuri miliyoni 1/ml.

Ubwo bushakashatsi bwamuritswe mu kinyamakuru “Journal of Clinical Endocrinology & Metabolism” bwakorewe ku bagabo bafite imyaka iri hagati ya 18 na 45 babana n’abagore, bukorwa mu gihe cy’umwaka ariko abagore babo babanje gutanga uruhushya.

Intanga zabo zarabanje zirapimwa barebe niba ari nzima. Hanyuma batera abagabo imisemburo ya progesterone na testosterone buri byumweru umunani mu mezi atandatu, babakurikiranira hafi kugeza ubwo intanga bakora zaguye zikajya munsi ya miliyoni kuri mililitiro.

Nyuma yaho, barekeye kubatera imisemburo, bareba uko intanga zisubira kwiyongera, hashize y’umwaka ubushakashatsi bubaye ariko abagabo umunani ntibari bongera kugira intanga nk’izo bahoranye.

Dr Mario Festin wakoze ubwo bushakashatsi yabwiye BBC ko igisigaye ari ugukora urukingo umugabo ushaka kuboneza urubyaro mu gihe runaka azajya afata.

Ubusanzwe abagabo bakoreshaga uburyo bwo kwifungisha imiyoborantanga n’agakingirizo mu gihe ubundi buryo burimo guterwa urushinge n’ibinini byakoreshwaga n’abagore.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Abakozi ba ADARWA bakomerekejwe n’imashini barataka akarengane
Abakozi ba ADARWA bakomerekejwe n’imashini barataka akarengane

Abakozi bakorera abanyamuryango ba koperative ADARWA, ikorera mu gakiriro ka Gisozi, barasaba kurenganurwa nyuma yo gucibwa ibice by’umubiri n’imashini zikora ibikoresho byo mu mbaho ntibahabwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.