Advertisement
 
 
 
 
 
 
 
 

Ubuzima

Musanze: Ababyeyi babyarira mu nzira bajya kwa muganga   

  Yanditswe na UMUTONI BEATHA
 June 2016

 
 

Abatuye mu kagari ka Kavumu mu murenge wa Gashaki mu karere ka Musanze, bavuga ko bahura n’imbogamizi nyinshi mu kubona serivisi z’ubuvuzi, kuko bagikora ingendo ndende bajya kwivuza, bigatuma bahura n’ingorane nyinshi.

Abaturage bo muri uyu murenge bahamya ko ikigo nderabuzima bivurizaho kiri kure cyane, bigatuma bamwe mu babyeyi babyarira mu nzira, abandi bagahera mu buriri bativuje.

Bamwe mu batuye mu kagari ka Kavumu bavuga ko kugera ku kigo nderabuzima cya Gashaki bibasaba gukora urugendo rurenga isaha, kubera ubuhaname bw’imisizi batuyemo itanarangwamo imihanda myiza.

JPEG - 293.3 kb
Hari abarembera mu rugo banafite mituweli, kubera ikibazo cy’amavuriro ari kure

Kuba nta kigo nderabuzima kibegereye, ngo bibatera ingaruka nyinshi, harimo nko kubyarira mu nzira kwa bamwe mu babyeyi, ndetse abandi bakarembera mu rugo.

Kavamahanga Celestin, yagize ati:“Ni ikibazo pe, aka kagari kacu nta vuriro, umuhanda wo kugerayo ntitubona ikinyabiziga na kimwe cyahaca kuko hagendeka nabi cyane, bityo rero usanga ababyeyi benshi babyariye mu mayira, rimwe na rimwe bikaviramo urupfu kubo babyaye.

Yemwe n’umwana wigenza kuzamugezayo ntibyoroha, bityo ugasanga abantu bahisemo kwigumira mu ngo zabo bakaba ariho barembera.”

Aba baturage bifuza ko bakwegereza ikigo nderabuzima cyangwa bagahabwa ‘poste de santé’.

Mu rwego rwo gukemura iki kibazo, Musabyimana Jean Claude, umuyobozi bw’akarere ka Musanze, avuga ko aka gace gakeneye ivuriro, bityo hakaba hateganywa ko bitarenze umwaka aka kagari kazaba karibonye.

Yagize ati:“Ni byo koko muri kariya gace ukurikije imigendere yaho ntibyoroshye kugera kwa muganga nubwo haba ari mu kilometero kimwe ku muntu warwaye, kugerayo bimufata amasaha menshi.

Ariko rwose mu tugari twose dufite dukeneye ivuriro, kariya ka Kavumu ni ko twasanze kagomba guherwaho karihabwa, bityo tukaba duteganya ko bitarenze umwaka umwe bazaba bahawe ivuriro.”

Mu gihe akarere ka Musanze kifuza ko muri buri kagari habonekamo ikigo nderabuzima, mu tugari 68, 18 nitwo tumaze kugezwamo ‘poste de sante’.

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.