Advertisement
 
 
 
 
 
 
 
 

Ubuzima

MINISANTE irateganya gutera umuti wica imibu mu ngo zo mu Rwanda zose   

  Yanditswe na IMVAHO NSHYA
 April 2016

 
 

Minisiteri y’Ubuzima (MINISANTE) ibinyujije mu Kigo cy’Igihugu gishinzwe ubuzima (RBC) yatangaje ko ifite gahunda yo kujya itera umuti wica imibu ikwiza udukoko dutera malariya mu ngo z’Abanyarwanda mu gihugu hose.

Kuri uyu wa 25 Mata ubwo u Rwanda rwifatanyije n’isi mu kwizihiza umunsi mpuzamahanga ngarukamwaka wo kurwanya malariya.

Gutera umuti wica imibu ikwirakwiza udukoko dutera malariya ni imwe mu ngamba zafashwe na Leta mu guhangana n’iki cyorezo, hakaba haraherewe ku turere tugira ubwiganze bwinshi bwa malariya mu gihugu.

Bivugwa ko ingo zose zituye mu karere ka Nyagatare, Bugesera, Gisagara, Kirehe zitererwa umuti inshuro ebyiri mu mwaka ahaterwa hakaba hazajya hiyongera uko ubushobozi buzagenda buboneka.

Kuva kuri 15 Gashyantare kugeza kuya 09 werurwe 2016, ingo zigera ku 163,684 zaterewe umuti muri Kirehe no mu Mirenge 11 yo mu Karere ka Nyagatare. Iki gikorwa kirakomeza, ku buryo kuva tariki ya 4 Mata kugeza kuya 15 Gicurasi 2016, hategenywa guterera ingo zigera kuri 317,381 zo mu Karere ka Bugesera, Gisagara, Gatsibo no mu mirenge ibiri yo mu Karere ka Nyagatare.

Minisiteri y’Ubuzima itangaza ko abanyarwanda bagomba kumenya ko umuti uterwa mu mu kurwanya udukoko dukwirakwiza malariya ntaho uhuriye n’ibiryi byo mu nzu nk’imbaragasa ibiheri n’ibindi.

Hari n’izindi ngamba zafashwe mu guharanira ko iki cyGorezo cyarandurwa burundu mu gihugu zirimo gahunda yo gukwirakwiza inzitiramibu. Gahund na yo yibanze cyane mu turere 13 tugira ubwiganze bwa malariya dukurikira ari two Kamonyi, Gisagara, Huye, Nyanza, Muhanga, Ruhango, Rwamagana, Kayonza, Ngoma, Kirehe, Nyagatare, Gatsibo na Bugesea.

Iyi Minisiteri ivuga kandi ko kuva muri Mata 2015 kugeza muri Mata 2016 hamaze gutangwa mu miryango inzitiramibu zisaga miliyoni ebyiri n’ibihumgi 680 muri utwo turere, zikaba ziza ziyongera kuzihabwa abagore batwite n’abana baje gukingirwa.

Biteganyijwe ko gutanga inzitiramibu bizakomereza mu tundi turere no bigo by’amashuri bicumbikira abana, hakaba hateganyijwe gutanga izigera kuri 6, 201,501 hagamijwe kugeza kuri buri muturarwanda.

Na none kandi iyi Minisiteri itangaza ko umunsi mpuzamahanga wahariwe kurwanya malariya uzazirikanwa mu cyumweru cyahariwe kwita ku buzima by’umubyeyi n’ubw’umwana giteganijwe kuva tariki ya 26 kugeza kuya 29 Mata 2016.

 

Comments

 
 
Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.