Advertisement
 
 
 
 
 
 
 
 

Ubuzima

Minisante iraburira Abanyarwanda ko Malariya ishobora kwiyongera   

  Yanditswe na TWAGIRA WILSON
 June 2016

 
 

Minisiteri y’Ubuzima, Minisante, yasabye Abanyarwanda kugira isuku mu ngo zabo no gutema ibihuru bizikikije birinda ibiziba mu rwego rwo kwirinda malariya ishobora kwiyongera muri iki gihe cy’impeshyi.

Minisitiri w’Ubuzima Dr Agnes Binagwaho, yatangaje ko hari miliyoni 6 z’inzitiramubu u Rwanda rugiye gutanga hirya no hino mu gihugu mu rwego rwo gukumira iyo ndwara kandi ko zujuje ubuziranenge.

Yabitangaje ku ya 14 Kamena 2016 mu kiganiro we na bamwe mu bayobozi bashinzwe serivisi z’ubuzima muri iyo minisiteri bagiranye n’itangazamakuru, hagaragazwa imiterere y’uburemere bw’ikibazo cya Malariya muri iki gihe.

JPEG - 72 kb
Minisitiri w’Ubuzima Agnes Binagwaho (Foto: TNT)

Minisitiri w’Ubuzima asanga ikibazo cya Malariya kireba inzego zose harimo n’uruhare rw’abaturage nubwo ngo ari icyorezo cyakomeje kwiyongera mu Rwanda no mu karere guhera mu 2010.

Yasobanuye ko ubukangurambaga bw’abajyanama b’ubuzima na gahunda yo gutanga inzitiramibu mu turere 5 ku 8 twibasiwe cyane by’umwihariko utwo mu Ntara y’Iburasirazuba n’Amajyepfo byatumye Malariya igabanuka mu gake.

Ati “ Ubu twabonye isomo, noneho inzitiramubu tugiye gutanga niziza natwe tuzazipima, nyuma y’Ishami ry’Umuryango w’abibumbye ryita ku buzima. Kurwanya malariya ni urugamba rureba buri wese, icy’ibanze abaturage bagomba kwitwararika isuku hafi y’ingo zabo,no kuryama mu nzitiramubu ku bazifite, naho ubundi u Rwanda ni kimwe mu bihugu by’abaturanyi mu bihe bishize byari bifite malariya nyinshi, kwirinda no kwivuza kare ni ngombwa’’.

Umuyobozi w’ishami rishinzwe kurwanya malariya muri RBC, Dr Aimable Mbituyumuremyi avuga ko izindi ngamba zakoreshejwe harimo gukangurira abaturage kwitabira gufata ubwisungane mu kwivuza ngo bajye bihutira kujya kwipimisha no gushaka serivise kwa muganga badatinze.

Ati “ Iyo urebye usanga impfu ziterwa n’indwara ya malariya mu bihe bishize zariyongereye, ariko ubu byaje kugabanuka kubera ingamba zakoreshejwe mu gukumira,\ no mukwirinda indwara ya malariya mu gihugu.

Abarwayi ba Malariya bavuye kuri 2,456,091 mu mwaka ushize, bagera kuri 1,353,861 muri uyu mwaka.

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.