Advertisement
 
 
 
 
 
 
 
 

Ubuzima

Leta yishyuye imyenda yose mituweli yari ifitiye ibitaro   

  Yanditswe na MUGISHA BENIGNE
 June 2016

 
 

Mu gihe amwe mu mavuriro n’ibigo nderabuzima bivuga ko bitarishyurwa imyenda bifitiwe na mituweli, Dr Hakiba Solange,Umuyobozi mukuru wungirije ushinzwe ibigenerwa abanyamuryango ba RSSB yemeza ko imyenda yose ya mituweli yishyuwe.

Ibi Dr Hakiba yabivugiye mu kiganiro n’itangazamakuru kuri gahunda y’ubwisungane mu kwivuza (mituweli) iherutse guhabwa ikigo cy’Igihugu cy’Ubwiteganyirize (RSSB), aho yabazwaga niba imyenda ya mituweli yarishyuwe.

Yagize ati “ Amadeni yose mituweli yari ifitiye ibigo nderabuzima n’ibitaro nyuma yo gukorerwa igenzura (Audit) na Minisiteri y’Imari n’Igenamigambi, icyiciro cya mbere cyishyuwe muri Werurwe 2016 n’andi yari yarasigaye yishyuwe ejo bundi taliki 8 Kamena agera kuri miliyari 3.5.”



Dr Hakiba avuga ko ibi bitanga icyizere cy’uko mituweli igiye gukora neza ndetse n’amavuriro n’ibigo nderabuzima bikarushaho gutanga serivisi nziza ku banyamuryango ba mituweli kuko habonetse imbaraga mu bukungu bwa byo.

Dr Hakiba yavuze ko nta mpungenge z’uko abaturage bashobora gutinda kwishyura ubwisungane mu kwivuza bitewe n’uko ibyiciro by’ubudehe byatinze gusohoka.

Yavuze ko ibyo bitazahungabanya ku mitangire ya mituweli kuko abahinduye ibyiciro ari bake, kandi buri wese muri iki gihe akaba agomba kwitegura kwishyura mituweli kare kugira ngo azatangirane n’undi mwaka kwivuza adategereje ya minsi 30 iri mu itegeko ku wakererewe kuyishyura.

Ati “ Ikibazo gishobora kuba ku muturage wari usanzwe ari mu cyiciro cya mbere yishyurirwa na Leta amafaranga 2000, ubu akaba yarashyizwe mu cyiciro cya kabiri aho azajya yitangira amafaranga 3000, bitewe n’uko raporo zigaragaza ko yiteje imbere yifashishije gahunda z’iterambere yagejejweho na Leta, abo nabo si benshi.”

Abagera kuri 92% ni bo bakoresha ubwishingizi bw’indwara mu Rwanda, Minisiteri zifite abaturage n’ubuzima mu nshingano zisabwa gukora ubushakashatsi kugira ngo zigaragaze 8% by’abaturage uko babona serivisi z’ubuzima badafite ubwishingizi bw’indwara.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rutsiro:  Bagenda ibirometero 60 bajya ku bitaro
Rutsiro: Bagenda ibirometero 60 bajya ku bitaro

Abaturage bo mu murenge wa Mukura mu karere ka Rutsiro, baravuga ko babangamiwe no gukora ingendo ndende bagiye kwivuza. Umurenge wa Mukura ufite ubuso bungana na kilomeretokare 98,7, ufite (...)

Ntimukabyare umwana mutabanje kubipanga neza - Minisitiri Nyirasafari
Ntimukabyare umwana mutabanje kubipanga neza - Minisitiri Nyirasafari

Minisiteri y’uburinganire n’iterambere ry’umuryango irasaba Abanyarwanda kudakomeza kugendera ku muco wo kuvuga ko bakwiye kubyara bakuzuza isi, ahubwo bagaharanira kubyara abo bashoboye kurera. (...)

Havumbuwe ko kogosha ku myanya y’ibanga byongera ibyago byo kwandura SIDA
Havumbuwe ko kogosha ku myanya y’ibanga byongera ibyago byo kwandura SIDA

Ubushakashatsi bwakozwe na Kaminuza ya California bwasanze abantu bogosha ku myanya y’ibanga bafite ibyago byo kwandura indwara zandurira mu mibonano mpuzabitsina kurusha abatabikora. Ubwo (...)

RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.