Advertisement
 
 
 
 
 
 
 
 

Ubuzima

Leta y’u Rwanda igiye guha abaturage inzitiramubu miliyoni 6   

  Yanditswe na UMUTONI BEATHA
 5 months ago

 
 

Minisiteri y’Ubuzima iravuga ko igiye gutanga inzitiramubu nshya miliyoni 6, mu rwego rwo guhangana na malariya, abaturage bakaba basabwa kuzifata neza kuko zatwaye amafaranga menshi ya Leta.

Ibi byatangajwe na Dr. Ndimubanzi Patrick, Umunyamabanga wa Leta muri Minisiteri y’Ubuzima, ubwo yari mu murenge wa Byimana mu karere ka Ruhango.

Uyu muyobozi yibukije ko mu mpera z’umwaka ushize indwara ya malariya yiyongereye cyane mu baturage, ari nayo mpamvu Minisiteri y’Ubuzima yafashe icyemezo cyo kugurira abaturage inzitiramubu zibarirwa muri miliyoni 6 ngo iyo ndwara ikumirwe.

JPEG - 75.6 kb
Dr Ndimubanzi Patrick arashimira urubyiruko ruvuka mu Byimana kuri gahunda nziza rwihaye

Ubu butumwa bugeze ku baturage mu gihe bari bamaze iminsi bagaragaza ko inzitiramubu zabo zashaje, kandi badafite uburyo bwo kubona izindi bitewe n’amikoro make, ndetse n’abashoboye kuzigurira bakaba bagaragazaga ko batoroherezwa kuzibona.

Dr Ndimubanzi yabwiye abaturage ko izo nzitiramubu zatwaye amafaranga menshi dore ko imwe igura amafaranga atari munsi y’ibihumbi 4, bityo aboneraho umwanya wo kugaya abazikoresha nabi, asaba buri wese gufata neza iyo azahabwa kugira ngo izamare igihe.

Yagize ati “Tugiye gutanga izindi nzitiramubu mu rwego rwo guhashya malariya, ariko kandi reka tugaye bamwe bazihabwa usanga bazifashe nabi baziciye zikoreshwa akazi zitagenewe, ko atari indangagaciro z’abanyarwanda, ikindi baba bakwiye kwibuka ko ziba zatanzweho akayabo zitumizwa mu mahanga bityo bakabiha agaciro.”

Abaturage bibukijwe kandi kwirinda n’ikindi cyose cyakurura umubu utera malariya kuko kurara mu nzititamubu gusa bidahagije mu kuyirwanya.

Buri nzitiramubu imwe mu zigiye gutangwa yagenewe gukoreshwa n’abaturage babiri.

 

Comments

 
 
Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.