Advertisement
 
 
 
 
 
 
 
 

Ubuzima

Kirehe:Hagaragajwe uko ufite ubumuga bwo mu mutwe yakora akazi agatanga umusaruro   

  Yanditswe na MANISHIMWE NOËL
 4 months ago

 
 

Mu muryango nyarwanda, abafite ubumuga bwo mu mutwe bafatwaga nk’abafite ubumuga bwihariye, butandukanye cyane n’abafite ubumuga bw’ingingo; hari n’aho usanga imiryango yabo itabitaho, ikabafata nk’abadafite ikintu kizima bashobora gukora.

Gusa, umuhuzabikorwa w’inama y’igihugu y’abafite ubumuga mu karere ka Kirehe, avuga ko ari ikibazo cy’imyumvire kuko nabo bashobora gukora akazi kandi bagatera imbere.

Mu kiganiro n’Imvaho Nshya, Tabaro Dieudonné, Umuhuzabikorwa w’inama y’igihugu y’abafite ubumuga mu karere ka Kirehe, yatangaje ko abantu bafata umuntu ufite ubumuga bwo mu mutwe nk’aho ntacyo ashoboye, bishuka, kuko ngo mu bihugu byateye imbere usanga abafite bene ubwo bumuga bakora akazi kandi neza.

Yagize ati:“Burya byose ni ikibazo cy’imyumvire kuko iyo ugeze mu bihugu byateye imbere, mu guhitamo abantu bakora mu maposita, abahabwa amahirwe menshi yo gukoramo, aba ari abantu bafite ubumuga bwo mu mutwe, kubera ko ntabwo biba bisaba gutekereza cyane kandi umuntu agatanga umusaruro, igihugu kikabona amafaranga kandi na we kikayamuha yayakoreye.”

JPEG - 97.5 kb
Tabaro Dieudonné , Umuhuzabikorwa w’inama y’igihugu y’abafite ubumuga mu karere ka Kirehe

Asobanura ko ufite ubumuga abanza gutozwa ibyo agiye gukora kandi akabifata bitamugoye, ati“Baba baramutoje, baramubwiye bati nubona ibahasha iriho ibara risa gutya yanditse gutya, ujye uyitereka hariya, ni ibintu bitamugora kandi akabikora neza cyane.”

Tabaro Dieudonné asanga kuba mu Rwanda, abafite ubumuga bwo mu mutwe bataragera ku rwego rwo gutozwa imirimo n’akazi runaka bashobora gukora hagendewe ku bumuga bwabo, ari ikibazo cy’iterambere rikizamuka, gusa avuga ko hari icyizere kuko hari imishinga myinshi yatangiye gutegurwa igamije kubateza imbere.

Agira ati:“Abantu bafite ubumuga bwo mu mutwe bafite ishami (faculty) ryo gukora ibintu by’imitako, bashobora kuyikora mu birere, mu mpapuro ziba zimeze nk’izitagikoreshwa, hari uburyo zitunganywa, umuntu ufite ubumuga bwo mu mutwe agashobora kuzikoramo nk’ururabo, nk’inkoko, umuneke,…ikintu icyari cyo cyose gishoboka, wakimweretse.

Kandi iyo bamaze kwibimenyerezwa ku buryo buhoraho, na we ageraho akabifata nka kompiyuta, kandi ahita abifata kuko niwo mwizoto aba akoze.”

Umuhuzabikorwa w’inama y’igihugu y’abafite ubumuga mu karere ka Kirehe agaragaza ko mu gihe abantu bafite ubumuga bwo mu mutwe begerewe hakarebwa ibintu bashobora gukora, bakabitozwa gahoro gahoro, ntacyababuza kubimenya kuko n’inyamaswa bazitoza zikamenya gukora icyo bazibwiye.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Havumbuwe ko kogosha ku myanya y’ibanga byongera ibyago byo kwandura SIDA
Havumbuwe ko kogosha ku myanya y’ibanga byongera ibyago byo kwandura SIDA

Ubushakashatsi bwakozwe na Kaminuza ya California bwasanze abantu bogosha ku myanya y’ibanga bafite ibyago byo kwandura indwara zandurira mu mibonano mpuzabitsina kurusha abatabikora. Ubwo (...)

RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.