Advertisement
 
 
 
 
 
 
 
 

Ubuzima

Kigali: Ibihugu 17 biriga uko imiti gakondo yajya itunganyirizwa mu nganda   

  Yanditswe na TWAGIRA WILSON
 May 2016

 
 

Abayobozi n’abashakashatsi baturutse mu bihugu bisaga 17 byo ku mugabane w’Afurika barimo abashinzwe iby’ubuziranenge, bari mu Rwanda mu nama y’iminsi itatu aho barimo kuganira uko bahuza amabwiriza y’ubuziranenge bw’imiti gakondo ikoreshwa muri Afurika n’uburyo yajya itunganywa neza mu nganda.

Muri iyo nama barareba uburyo imiti gakondo yafasha ubuzima bw’abayikoresha, aho kuba yabateza ibindi bibazo.

Umuyobozi Mukuru w’Ikigo cy’Igihugu gishinzwe ubuziranenge (RSB) Dr Mark Cyubahiro Bagabe mu kiganiro n’itangazamakuru yavuze ko igihe kigeze kugira ngo imiti gakondo ihabwe agaciro, cyane ko ngo kugeza ubu hari zimwe mu ndwara imiti gakondo ivura, kandi imiti ya kizungu yananiwe.

JPEG - 171.5 kb
Umuyobozi wa RSB Dr Bagabe Mark Cyubahiro hagati na Dr Hermonogene Nsengimana iburyo

Ibi yabishingiye ku buhamya bwa Ibrahim Mane wo muri Senegali wavuze uburyo yakize indwara ya kanseri yari yarananiwe abaganga ba kizungu.

Dr Bagabe yagize ati “ Ikibazo kigihari ni uko iyo miti gakondo nta kigero cyizwi ifatirwaho, biracyari ukugereranya, ikorewe mu nganda igakorwa mu buryo bw’ikoranabuhanga hatezwa imbere iby’iwacu n’ikiguzi cyatangwaga kugutumiza hanze imiti ya kizungu cyagabanuka, bizagerwaho nubwo tutaragera ku rwego rw’aho abaganga muri bimwe mu bihugu by’ahandi bandikira umurwayi umuti gakondo ku kibazo afite cy’ubuzima kandi ukamufasha’’.

Umunyamabanga Mukuru w’Umuryango Nyafurika Ushinzwe Ubuziranenge Dr Hermogene Nsengimana avuga ko Aabanyafurika baramutse bahuje amabwiriza y’ubuziranenge ku mikoreshereze y’imiti gakondo byatuma icyizere cy’ikoreshwa ryayo kirushaho kwiyongera, hakanozwa n’uburyo bwo kuyipakira, kuyibika no kuyitwara.

Ati “ Ubushahashatsi bwagaragaje ko hagati ya 80, na 90% by’Abanyafurika bakoresha imiti gakondo mu bibazo bireba ubuzima bwabo’’.

Afurika ikoresha akayabo ka miliyari zisaga 83 z’amadolari mu gutumiza hanze imiti ya kizungu, akenshi iyo miti iza ihenze ku buryo hari benshi batabasha kuyigondera.

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.