2017-07-22 13:49:51 clouds 27o High | Kigali Rwanda

Dukurikire:
 
 

Impamvu zitera kunuka mu kanwa n’uko zakirindwa

Yanditswe na IMVAHO NSHYA

Kuya 2016-04-22 07:47:18

 
Share on:
 
Yasuwe:75
 
Yavuzweho:200
 
10
 
10

Hari abantu bakunze kugira ikibazo cyo kunuka mu kanwa, ku buryo uwo ari we wese bavuganye ahita yitaza cyangwa akiyumanganya, zimwe mu mpamvu zitera icyo kibazo zishobora kwirindwa.

Sante Medecine igaragaza ko hari impamvu ebyiri nyamukuru zishobora gutuma umuntu anuka mu kanwa.

Harimo kuba umuntu ashobora kugira igogora ritagenda neza ry’ibyo yafunguye cyangwa kugira isuku nke yo mu kanwa.

Uru rubuga rukomeza rugaragaza ko nyuma yo gufungura, hari ibyo kurya bigenda bisigara hagati y’amenyo, mu matama, ibindi bigafatira ku rurimi iyo byiganjemo amavuta.

“ Ibyo bituma udukoko tubivukiramo tubona indiri twituriramo. Ibyo rero iyo bihuriranye no kuba umuntu atagira isuku mu kanwa he, afite ibibazo mu gifu, mu mwijima, no mu nda he muri rusange atagira igogora ry’ibyo kurya rigenda neza, bituma agira umwuka utari mwiza mu kanwa”.

Guhashya umwuka utari mwiza mu kanwa nta kigoye kirimo.

“ Birahagije kuba wakoresha uburoso bw’amenyo n’imiti yica udukoko igihe cyose umaze gufata amafunguro cyangwa ukaba wakoresha agate kabugenewe gafite isuku (cure dent), ukagakoresha ukura ibyo kurya bisigara hagati y’amenyo”.

Nanone, igihe umuntu abyutse kandi, cyangwa agiye kuryama ni ngombwa gukora isuku mu kanwa, ku rurimi no mu matama, umuntu akanyuzamo amazi ayavana iburyo ayagarura ibumoso mu kanwa, nyuma agafata uburoso n’umuti woza amenyo.

Umuntu wahuye icyo kibazo ntakwiye guhera mu bwigunge kuko icyo asabwa ari isuku gusa.

Mu bishobora gufasha umuntu ufite ikibazo cyo kunuka mu kanwa harimo n’igihingwa cya perisile (persil).Aha ngo umuntu ashobora gufata amababi ya perisile akayahekenya kuko ngo icyo gihingwa cyifitemo ubushobozi bwo kurwanya bagiteri (bactérie) zitera uwo mwuka mubi.

Ikindi gifasha ni umutobe w’indimu, uvanze mu tuzi duke ubundi umuntu akajya awogesha mu kanywa buri munsi kugeza igihe wa mwuka mubi uzashirira.

Ibibabi by’icyayi n’amavuta ya elayo (olive oil) avanzemo agasukari gake nabyo bishobora gufasha unuka mu kanwa. Mu gihe byose byanze ni byiza kujya kwa muganga.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE