Advertisement
 
 
 
 
 
 
 
 

Ubuzima

Icyegeranyo: Impfu ziterwa n’uburwayi zibangamiye USA kurusha u Rwanda   

  Yanditswe na JEAN CLAUDE NTAWITONDA
 1 month ago

 
 

Ubushakashatsi bwagaragaje ko u Rwanda n’ibindi bihugu bya Afurika y’Uburasirazuba byagabanyije impfu zikomoka ku burwayi n’ibyorezo bitandukanye, ugereranyije n’ibihugu by’ibihangange.

Ubwo bushakashatsi bwasohotse mu kinyamakuru The Lancet bwakorewe mu bihugu bigera ku 130 mu nzego z’uburezi, imyororokere ndetse n’imitungo yinjizwa mu miryango.

Dr. Christopher Murray, ukuriye ikigo gikora ubusesenguzi ku mihindagurikire y’ubuzima bw’Abaturage muri Kaminuza ya Washington (IHME) yatunguwe n’uburyo Isi igenda ihindura imibereho ariko ubuzima ntiburusheho kuba bwiza.

Yagize ati “Iterambere rirakataje ariko si ryo ryerekana ubuzima. Twabonye ibihugu byagerageje guhindura ubuzima vuba na bwangu kurusha uko byagaragazwa n’uko bitera imbere mu bukungu, uburezi no mu burumbuke. Na none kandi dukomeje kubona ibihugu nka Leta Zunze Ubumwe za Amerika bikomeje gusubira inyuma mu buzima mu gihe bifite ubukungu bwateye imbere.”

JPEG - 141.7 kb
Leta y’u Rwanda yakoze ibishoboka byose ngo ubuvuzi bugere ku baturage bose

Ibi byatumye hagaragazwa impfu z’ababyeyi n’abana bapfa bavuka nk’imwe mu mpamvu zari zikomeye mu guteza ibyago kuri ubu zitagifite ubukana mu Rwanda no mu bindi bihugu bya Afurika y’Uburasirazuba ugereranyije n’uko byari byifashe mu nyaka 25 ishize.

Mu gihe Isi yose yagabanyije imfu z’ababyeyi n’abana bari munsi y’imyaka itanu, mu mwaka wa 2015 hagaragaye impfu z’abarenga miliyoni 5.8. Muri iyi mibare hagaragayemo abana barenga ibihumbi 23 mu Rwanda, abarenga ibihumbi 189 muri Ethiopia, n’abarenga ibihumbi 79 muri Kenya.

Umubare w’izi mfu ku isi yose wagabanyutse ku kigero cya 29% guhera mu mwaka wa 1990. Mu bihugu byinshi bya Afurika y’Uburasirazuba, impfu z’abana zikomeje kugabanuka ku kigero cyo hejuru kimwe n’izindi mpamvu z’impfu zirimo ibibazo by’imyanya y’ubuhumekero byahitanye abarenga ibihumbi 58 muri Ethiopia n’ibihumbi umunani mu Rwanda.

Impfu z’abapfa bavuka mu Rwanda zavuye ku 2,142 mu mwaka wa 1990 zigera ku 1353 mu 2015. Kimwe n’igabanuka ry’izindi mpfu zirimo n’iziterwa na Virusi itera SIDA, byatumye icyizere cyo kubaho cyiyongera muri ibi bihugu. Gusa ngo buri gihugu kiracyafite imbogamizi zacyo mu igabanuka ry’impfu muri rusange

Ubushakashatsi bwerekanye ko mu myaka 25 ishize, icyizere cyo kubaho cyiyongereye cyane mu bihugu bya Afurika y’Uburasirazuba. Mu Rwanda cyavuye ku myaka iri munsi ya 50 none kigeze kuri 66 mu gihe muri Tanzani kigeze kuri 64 muri Uganda 61, Zambia 57 na Somalia 54 nk’uko byagaragajwe n’imibare ya 2015 muri buri gihugu.

Kugeza ubu ibihugu byo muri Afurika y’Uburasirazuba birapfusha abaturage bake ugereranyije nibindi bihugu ku Isi mu byorezo bigera kuri 300 byakozweho igenzura.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Abakozi ba ADARWA bakomerekejwe n’imashini barataka akarengane
Abakozi ba ADARWA bakomerekejwe n’imashini barataka akarengane

Abakozi bakorera abanyamuryango ba koperative ADARWA, ikorera mu gakiriro ka Gisozi, barasaba kurenganurwa nyuma yo gucibwa ibice by’umubiri n’imashini zikora ibikoresho byo mu mbaho ntibahabwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.