Advertisement
 
 
 
 
 
 
 
 

Ubuzima

Ibitaro bya Kabgayi bibangamiwe n’imashini 4 zipima indwara zimaze imyaka 2 zidakora   

  Yanditswe na MUHIZI ELISÉE
 4 months ago

 
 

Ibitaro bya Kabgayi mu karere ka Muhanga bifite imbogamizi zo kuba hari zimwe mu mashini zipima indwara zitandukanye, zimaze imyaka 2 zidakora kuko zapfuye.

Ubusanzwe ibi bitaro byagombaga kuba iby’icyitegererezo (Hopital de Réference), ariko iyi gahunda yaje guhinduka, ahubwo ibitaro bya Kinazi mu Karere ka Ruhango biba ari byo bihabwa izo nshingano.

Mu mwaka wa 2011-2012 ibi bitaro byongerewe inyubako ebyiri zirimo serivisi zinyuranye, ibitaro by’indembe, aho bafatira ibizamini(Laboratoire) ndetse n’inzu y’uburuhukiro.

Ibi bitaro kandi byahawe ibikoresho bitari bike kugira ngo bibashe guha abarwayi serivisi nziza kandi yihuse, ndetse binahabwa n’abakozi bazajya bakoresha imashini ipima mu gifu n’izindi ndwara zo mu nda.

JPEG - 52.5 kb
Zimwe mu nyubako zubatswe hitegurwa ko ibitaro biba iby’icyitegererezo (Foto Muhizi E)

Bamwe mu bakozi b’ibitaro by’i Kabgayi batifuje ko amazina yabo atangazwa, bavuga ko hari imashini eshatu zipima abagore batwite n’indi y’indwara zifata mu myanya myibarukiro, zangiritse zimaze imyaka 2 zitarasanwa.

Bavuga ko kuva aho zangirikiye ndetse n’ibitaro bikamburwa izo nshingano zo kuba icyitegererezo abayobozi batigeze bita kuri iki kibazo kugira ngo bakurikirane imikoreshereze y’izi mashini.

Aba bakozi kandi bavuga ko hari n’abakozi Minisiteri y’Ubuzima yari yahohereje bahawe amahugurwa n’ubumenyi bwo gukoresha imashini ipima indwara zo mu myanya y’ubuhumekero (Bronchoscope) bahise basezera akazi bakigendera, iyi mashini nayo ikaba ibitse kandi ikenewe mu bitaro.

Umwe muri aba bakozi yagize ati:«Imashini zidakora zimaze kuba nyinshi cyane, kandi hari izo bohereje i Kigali indi imwe irabitse ntikoreshwa.»

Musenyeri Mbonyintege Smaragde, umushumba wa Diyosezi ya Kabgayi, avuga ko nta makuru ajyanye n’ibi bikoresho by’ibitaro bidakora afite, akemeza ko amakuru arambuye yabazwa ubuyobozi bw’ibitaro kuko ari bo bashinzwe umunsi ku munsi imikoreshereze y’izi mashini.

Dr Kajibwami Espoir, umuyobozi w’agateganyo w’ibitaro bya Kabgayi, avuga ko abahawe isoko yo gukora izi mashini ari bo bategereje ko bazaza kuzikora.

Ibitaro by’i Kabgayi byakira abarwayi bagera kuri 400 ku munsi, bifite kandi ibitaro by’amaso byivurizwamo n’abarwayi benshi baturuka mu Rwanda, mu Burundi no muri Repubulika iharanira Demokarasi ya Kongo.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Abakozi ba ADARWA bakomerekejwe n’imashini barataka akarengane
Abakozi ba ADARWA bakomerekejwe n’imashini barataka akarengane

Abakozi bakorera abanyamuryango ba koperative ADARWA, ikorera mu gakiriro ka Gisozi, barasaba kurenganurwa nyuma yo gucibwa ibice by’umubiri n’imashini zikora ibikoresho byo mu mbaho ntibahabwe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.