Advertisement
 
 
 
 
 
 
 
 

Ubuzima

Ibitaro bya CHUK bibangamiwe n’umubare munini w’abarwayi   

  Yanditswe na UWIMANA DONATA
 July 2016

 
 

Ibitaro bya Kaminuza bya Kigali (CHUK) bibangamiwe no kwakira mubare w’abarwayi urenze kure ubushobozi bwabyo.

Ibi bitaro byakira abarwayi bageze hafi kuri 70% bakeneye ubuvuzi bwimbitse baba boherejwe n’ibindi bitaro bitandukanye hakiyongeraho n’abaturuka mu mujyi wa Kigali.

CHUK ifite ibitanda by’abarwayi bigeze kuri 395 hatabariwemo ibitanda by’indembe, n’ibindi biri ahandi aho abarwayi bahabwa serivisi bakahamara umwanya muto. Ibyo bigatuma hari benshi babura aho barara.

Ubwo Abasenateri bagize komisiyo y’imibereho myiza basuraga ibi bitaro bagaragarijwe ko umubare w’abarwayi bisuzumisha bangana n’ ibihumbi 120 ku mwaka.

JPEG - 107.5 kb
Ibitaro bya CHUK bimaze igihe kitari gito bihanganye n’ubwinshi bw’abarwayi

Mu kiganiro kirambuye n’Imvaho Nshya, umuyobozi mukuru w’ibi bitaro Dr Hategekimana Theobald yavuze ko mu gushakira umuti icyo kibazo abaganga ba CHUK basigaye babasanga aho bari mu ntara no mu turere ariko ntibibuza umubare w’ababigana gukomeza kwiyongera.

Yagize ati “Mu rwego rwo kugabanya umubare munini w’abarwayi batugana, mu kwezi kwa gatanu uyu mwaka, twagiye kuvura abo barwayi bakeneye ubuvuzi bwimbitse nko kubagwa mu bitaro bya Kibungo, na Ruhengeli, tunamara icyumweru tubavurira hano ariko ntabwo byoroshye, ni hahandi mu gihe aho baturuka hatarajyamo ubushobozi buhagije n’ubundi abarwayi ibyo bitaro bikomeza bibazana.”

Dr. Hategekimana kandi avuga ko Minisiteri y’ubuzima yatangiye gushyira abaganga b’inzobere mu bitaro nka Kibungo, Rwamagana, Ruhengeri, Kibuye, Bushenge kugira ngo ibyo bitaro bitange serivisi ku barwayi bavurirwe aho bari.

Umuyobozi mukuru wa CHUK avuga ko iki cyemezo cya MINISANTE agifata nk’igisubizo kirambye kuri iki kibazo ariko bitavuze ko bazahagarika gahunda zo gusanga abarwayi aho bari mu bice bigiye bitandukanye.

Ati “Gahunda yo kuvurira abarwayi aho bari tuzayikomeza buri gihembwe, tukazabaga abarwayi benshi, kuva twatangira iyi gahunda tumaze kubaga abarwayi ibihumbi4 kandi uyu mubare ntabwo ari muto. Ariko kugira ngo ikibazo gikemuke burundu cy’abarwayi benshi baza muri CHUK ni uko muri ibyo bitaro byaba iby’uturere, intara n’ibitaro bikuru hajyamo ubushobozi buhagije n’abaganga bahagije noneho abaturage bakajya bavurirwa aho bari.”

Umwe mu barwayi wivuriza ku bitaro wakoze impanuka yabwiye Imvaho Nshya ko kuri ibi bitaro abantu baba bakeneye kubagwa ari benshi kandi abaganga bakaba ari bake ku buryo nk’umuntu ashobora kumara icyumweru atarabagwa.

Ati “Jye barambaze ariko ntabwo ndakira neza nzasubira ku bitaro bya Kibagabaga bikomeze kunkurikirana kugera nkize”.

Ibitaro bikuru bya Kaminuza ya Kigali bivura abatura bava mu turere 21 baturuka mu bitaro by’akarere, iby’intara ndetse n’ibitaro byagizwe bikuru. Abarwayi bagana ibi bitaro abenshi ni abafite uburwayi bwo mu mubiri, n’abarwayi bafite uburwayi bwo mu mutwe.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rutsiro:  Bagenda ibirometero 60 bajya ku bitaro
Rutsiro: Bagenda ibirometero 60 bajya ku bitaro

Abaturage bo mu murenge wa Mukura mu karere ka Rutsiro, baravuga ko babangamiwe no gukora ingendo ndende bagiye kwivuza. Umurenge wa Mukura ufite ubuso bungana na kilomeretokare 98,7, ufite (...)

Ntimukabyare umwana mutabanje kubipanga neza - Minisitiri Nyirasafari
Ntimukabyare umwana mutabanje kubipanga neza - Minisitiri Nyirasafari

Minisiteri y’uburinganire n’iterambere ry’umuryango irasaba Abanyarwanda kudakomeza kugendera ku muco wo kuvuga ko bakwiye kubyara bakuzuza isi, ahubwo bagaharanira kubyara abo bashoboye kurera. (...)

Havumbuwe ko kogosha ku myanya y’ibanga byongera ibyago byo kwandura SIDA
Havumbuwe ko kogosha ku myanya y’ibanga byongera ibyago byo kwandura SIDA

Ubushakashatsi bwakozwe na Kaminuza ya California bwasanze abantu bogosha ku myanya y’ibanga bafite ibyago byo kwandura indwara zandurira mu mibonano mpuzabitsina kurusha abatabikora. Ubwo (...)

RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.