2017-08-18 14:28:59 clouds 27o High | Kigali Rwanda

Dukurikire:
 
 

Ibintu 10 abantu bakunze kwibeshya ku mibonano mpuzabitsina

Yanditswe na IMVAHO NSHYA

Kuya 2016-05-31 09:30:44

 
Share on:
 
Yasuwe:106
 
Yavuzweho:200
 
10
 
10

Hanze aha hari imyumvire itandukanye irebana n’imibonano mpuzabitsina abantu bishyizemo badafite aho bayikuye ku buryo nubwo hatangwa inyigisho zitandukanye ku buzima bw’imyororokere, hari ibintu bitandukanye abantu biyita ko basobanutse bakibeshyaho.

Ibi ni icumi muri byo:

1. Kurangiza ni yo ntego nyamukuru y’imibonano mpuzabitsina

Impuguke zivuga ko imibonanano mpuzabitsina ari nk’urugendo: “gushyira imbaraga ku iherezo utishimiye inzira wanyuzemo ni ukwiyangiza.”

Hari abantu benshi batishimira imibonano mpuzabitsina kubera uburyo bateguwe cyangwa bakabiterwa no kwishyiramo cyane ko bagomba kurangiza bibaza ibibazo byinshi bati”Nari narangiza? Ndarangiza ryari? … Ubanza ntararangiza!!

2. Umugore ashobora kurangiza inshuro nyinshi

Mu gihe hari benshi bishyizemo ko umugore arangiza rimwe mu mibonano mpuzabitsina, siko biri. Abagore bamwe barangiza rimwe bigakurikirwa n’ipfunwe, umunaniro n’andi mavamutima atari meza, ariko hari n’abandi bishimira gukomeza, bakarangiza inshuro nyinshi.

3. Abagore bose bararangiza

Sibyo. Abagore bamwe barwaye indwara yitwa “anorgasmia” ishobora gutuma batarangiza. Gusa ibi ntibivuze ko bataryoherwa n’imibonano nk’uko twabivuze hejuru, kuko kurangiza ari iherezo ry’ibyishimo byinshi biba byabanjije.

4. Ushobora gupima igitsina cy’umugabo ugendeye ku ngano y’urukweto yambara

Kugeza ubu, bamwe baracyashaka gupima ingano y’igitsina cy’umugabo bagendeye ku rukweto… ariko ubushakashatsi bwakozwe na Kaminuza ya London mu 2002 bwagaragaje ko nta sano riri hagati y’ibyo byombi.

5. Umugore ashobora kurangiza ariko uko yinjiwemo igitsina gusa

Iyi nayo ni imyumvire ihabanye n’ukuri kuko ubushakashatsi bwagaragaje ko 70% by’abagore barangiza binyuze kuri rugongo (clitoris).

Bitewe n’uko imibonano yakozwemo, umugore ashobora kurangiza bitewe n’agace nyaburyohe (G-spot) cyanga Clitoris.

6. Umugabo arangiza mbere y’umugore

Sibyo. Umugore nawe ashobora kurangiza mbere y’umugabo, kimwe n’uko ashobora kurangiza imibonano nyirizina itaranatangira. Gusa ibi byose nta kibazo bitera.

7. Kubeshya ko narangije ni byiza

Hari abibeshya ko kubeshya uwo bari gukorana imibonano mpuzabitsia ari byiza kuko bituma atababara.

Ariko abantu benshi bishimira gufashwa bakabwirwa ikiri kubura kugirango uwo bari kumwe yishime aho kubeshywa.

8. Imibonano mpuzabitsina myiza imeze nk’iyo tubona muri filimi

Oya, rimwe na rimwe iba myiza kurushaho , cyangwa ikaba mibi bitewe n’abari kuyikora.

9. Udukingirizo tubishya imibonano

Iyi ni imyumvire idahwitse! Gukoresha imibonano agakingirizo bituma uyikora agira umutuzo, ntagire igihunga cyo gutwita inda itateganyijwe cyangwa kwandura indwara, icyo gihunga n’ubwoba nibyo bibishya imibonano kurusha agakingirizo.

10. Kugira ngo imibonano iryohe igomba kumara amasaha

Imibonano mpuzabitsina iryohera abayikora mu gihe gito cyangwa kinini bitewe n’uko babishaka.

Abashakashatsi Eric Corty na Jenay Guardiani bavuga ko igihe cyiza cyagenewe imibonano mpuzabitsina kiri hagati y’iminota itatu na 13.

Abagore bamwe bifuza ko imibonano imara igihe mu gihe hari abagabo bumva birambiranye bakifuza ko birangira vuba. Hari abishimira imibonano ya gahoro abandi bakishimira ikorwa hutihuti, byose biterwa n’umuntu, ahantu, igihe, impamvu n’uburyo umuntu abikora.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE