Advertisement
 
 
 
 
 
 
 
 

Ubuzima

Ibihugu 15 bigiye guhurira mu Rwanda byiga ku rukingo rwa Malariya   

  Yanditswe na TWAGIRA WILSON
 April 2016

 
 

Impuguke z’Abaganga n’abashakashatsi ku rukingo rw’indwara ya Malariya baturutse mu bihugu bisaga 15 bya Afurika n’ahandi bazaba bari mu Rwanda kuva ku itariki ya 22 Mata 2016 mu nama izaba yiga ku ngamba n’icyakorwa mu kurandura iyo ndwara ikomeje kwiyongera no kureba intambwe imaze guterwa mu kuyishakira urukingo.

Abahagarariye Minisiteri y’Ubuzima, Ishami ry’Umuryango w’Abibumbye ryita ku Buzima (OMS) n’I muri iyo nama bazasangiza Abanyarwanda aho bageze mu kurwanya indwara ya Malariya.
Lt. Col Dr Ntaganira Fabien uyobora ishami rya laboratwari mu bitaro bya Gisirikare i Kanombe avuga ko nabo bazagaragaza icyo u Rwanda rwakoze mu guhashya indwara ya Malariya n’ubwo yongeye kongera ubukana.

Ati “Hano mu Rwanda, abana n’abagore batwite ni bo usanga ahanini bibasiwe cyane na malariya, hari nk’abahagariye ibihugu bitakirangwamo ikibazo cya malariya na mba bazaza muri iyo nama, muri ibyo hari ibyifashishije uburyo budasanzwe bwo gutera imiti ahari mu ndiri y’imibu, hakoreshejwe indege za helikopiteri mu kirere, na byo tuzamenye icyo ubwo buryo bwatanze n’u Rwanda turebereho.”

JPEG - 281.8 kb
Lt Col. Dr Ntaganira Fabien mu kiganiro n’abanyamakuru (Foto James R)

Lt Col Kabahizi Jules umwe mu baganga ku bitaro bya gisirikare by’u Rwanda, asanga Malariya ari imwe mu ndwara 10 zica abaturage ku mugabane wa Afurika n’ahandi, Leta ikaba yarafashe ingamba zo kuyirwanya hamwe n’izindi ndwara zitandura ibinyujije muri gahunda yo kwigisha abaturage.

Ati “Muri gahunda ya Army week ingabo z’igihugu zisanzwe zitegura hirya no hino mu turere, ibikorwa byo kuvura no kwita ku baturage tubikora twabanje kubigisha uburyo bunyuranye bwo kwirinda indwara harimo na malariya.”

Kuva muri 2013 abarwayi ba Malariya bariyongereye cyane mu Rwanda. Kimwe mu byashyizwe mu majwi ni ukwirara kw’abaturage baba barateshutse ku ngamba zo kurandura iyo ndwara zirimo kurara mu nzitiramibu, gukinga amadirishya no gutema ibihuru.

 

Comments

 
 
81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

RSB yagaragaje amananiza ihura nayo mu guca Mukorogo
RSB yagaragaje amananiza ihura nayo mu guca Mukorogo

Ikigo cy’Igihugu cy’Ubuziranenge, RSB, kivuga ko guca amavuta arimo imisemburo yo kwitukuza (hydroquinone) atujuje ubuziranenge bigoye cyane, kuko abaturage bataramenya neza ingaruka zayo (...)

Musanze:Isoko rya Kinigi rikeneye ubwiherero
Musanze:Isoko rya Kinigi rikeneye ubwiherero

Abagana n’abaturiye isoko rya Kinigi riherereye mu murenge wa Kinigi mu karere ka Musanze, baratangaza ko babangamiwe n’umwanda ugaragara muri iri soko, utewe no kutagira ubwiherero rusange. Ni (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.