Advertisement
 
 
 
 
 
 
 
 

Ubuzima

Bwa mbere mu Rwanda hagiye kubakwa uruganda rw’imiti   

  Yanditswe na IMVAHO NSHYA
 1 month ago

 
 


Mu ruzinduko rw’Umwami wa Maroc, Mohammed VI mu Rwanda, ikigo gikora imiti Cooper Pharma n’Ikigo cy’Igihugu cy’Iterambere, RDB, byashyize umukono ku masezerano yo kubaka uruganda rukora imiti rwa mbere ku butaka bw’u Rwanda.

RDB ivuga ko urwo ruganda ruzubakwa ku kibanza cya meterokare 10 000 mu gace kagenewe inganda mu mujyi wa Kigali, ruzakora imiti ya Antibiotics na za Penicilline. Itangazo ryashyizwe ahagaragara rivuga ko ruzatangira gukora mu 2019.

Urwo ruganda kandi rushobora ruzakora n’indi miti imwe Abanyarwanda bakeneraga bikaba ngombwa ko igurwa mu mahanga, iyo miti izaba ifite ubuziranenge bwo ku rwego mpuzamahanga.

Uruganda rwa Cooper Pharma ruje muri gahunda u Rwanda yihaye yo kureshya abashoramari bo mu mahanga. Ruzaba rufite ubushobozi bwo kohereza imiti mu bihugu bitandatu bya Afurika y’Uburasirazuba.

Cooper Pharma ivuga ko ishaka kugeza ku barwayi b’Abanyafurika imiti yizewe ku giciro gito, dore ko muri uyu mugabane hari benshi bapfa kubera kubura amikoro yo kugura imiti.

Iyi sosiyete iteganya kuzigisha abanyarwanda uko bakora imiti, ndetse ngo hari benshi bazahabwa akazi.

Umuyobozi ushinzwe ibikorwa muri RDB, Serge Kamuhinda, yavuze ko uru ruganda ruzagira uruhare runini mu kugabanya amafaranga yagendaga mu gutumiza iyi miti.

Yagize ati: “Kwinjira ku isoko kwa Cooper Pharma, ikigo kiyoboye mu bya farumasi, kuri mu rwego rw’icyifuzo kimaze igihe cya guverinoma cyo kugira uruganda rw’imiti mu Rwanda”.

Uretse uru ruganda, Maroc n’u Rwanda byashyize umukono ku yandi masezerano 18 y’ubufatanye mu ishoramari, politiki, dipolomasi, ikoranabuhanga, ubukerarugendo, n’ingendo z’indege.

Umwami wa Maroc arasoza uruzinduko rwe mu Rwanda yerekeza muri Tanzania na Ehiopia.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Havumbuwe ko kogosha ku myanya y’ibanga byongera ibyago byo kwandura SIDA
Havumbuwe ko kogosha ku myanya y’ibanga byongera ibyago byo kwandura SIDA

Ubushakashatsi bwakozwe na Kaminuza ya California bwasanze abantu bogosha ku myanya y’ibanga bafite ibyago byo kwandura indwara zandurira mu mibonano mpuzabitsina kurusha abatabikora. Ubwo (...)

RBC yatangaje ko 2% by’imiti yataye igihe mu 2015
RBC yatangaje ko 2% by’imiti yataye igihe mu 2015

Ikigo cy’igihugu gishinzwe iby’ubuzima (RBC) cyatangaje ko 2% by’imiti itangwa mu bitaro bya Leta ari yo yarangije igihe idakoreshejwe mu mwaka wa 2015, kandi ko birinda kugera aho nta kitakozwe ngo (...)

N’abagabo bagiye kuzajya baterwa urushinge rwo kuboneza urubyaro
N’abagabo bagiye kuzajya baterwa urushinge rwo kuboneza urubyaro

Urushinge rwo kuboneza urubyaro rwagenewe abagabo, rwagaragayeho ubuziranenge nyuma y’amasuzuma atandukanye. Abashakashatsi bo muri Leta Zunze Ubumwe za Amerika bavuga ko mu isuzuma ryakorewe (...)

Uyu mukecuru w’imyaka 80 arusha ingufu abasore benshi
Uyu mukecuru w’imyaka 80 arusha ingufu abasore benshi

Ernest Shepherd, ni umukecuru ufite abuzukuru, yizihije isabukuru y’imyaka 80 muri iki cyumweru ariko isura ye nk’iy’umukobwa w’imyaka 20. Afite ingufu nk’iz’umugabo wihaye, avuga ko yakuze adakozwa (...)

Ngoma: Baterwa ipfunwe n’ubwiherero bwabo
Ngoma: Baterwa ipfunwe n’ubwiherero bwabo

Bamwe mu baturage bo mu mudugudu wa Kiruhura, mu kagari ka Cyasemakamba, mu murenge wa Kibungo batagira ubwiherero buboneye, bavuga ko ubushobozi buke aribwo bubibatera.. Ubwiherero bwubakishije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.