Advertisement
 
 
 
 
 
 
 
 

Ubuzima

Akarere ka Rubavu kibasiwe n’icyorezo cy’Amaso y’Amarundi   

  Yanditswe na Iyaremye Yves
 June 2016

 
 

Abanyeshuri bagera kuri 80 biga mu karere ka Rubavu bamaze gufatwa n’indwara y’amaso yandura cyane yitwa Adenovirus Conjunctivis bakunze kwita “Amaso y’Amarundi” .

Iki cyorezo gikunze kwibasira abantu babayeho mu bucucike, gitera amaso kuryaryate bituma uyarwaye ayabyiringira cyane bikayatera gutukura bikabije.

Ubuyobozi bw’ibitaro bikuru bya Gisenyi buvuga ko bamwe mu bamaze kwandura iyi ndwara harimpo 20 baturuka mu rwunge rw’amashuri rwa Nyundo, abandi barenga 50 bakaba biga muri ESSA Gisenyi.

Dr Maj Kanyankore William umuyobozi w’ibitaro bya Gisenyi avuga ko umuntu wafashwe n’iyi ndwara asabwa isuku, agakangurira abantu gukaraba mu ntoki kenshi ,kudasangira ibikoresho by’isuku n’abagore kudasangira imirimbo basiga ku maso.

JPEG - 33.2 kb
Ijisho ry’uwafashwe n’iyo ndwara riratukura cyane

Kanyankore avuga ko ubusanzwe Adenovirus iterwa n’imihindagurikire y’ikirere cyane bitewe n’ubushyuhe, ngo yamaze no gufata bamwe mu baganga bavurira ku bitaro bya Gisenyi.

Akomeza asaba abaturage kugabanya gusuhuzanya,kuko uwasuhuzanyije n’urwaye iyi ndwara agakora mu maso ahita ayandura.

Arasaba abaturage kugabanya gusangira ibikoresho by’isuku kuko bishobora kubanduza biturutse mu matembabuzi n’umwuka.

Ati”Kuva iki cyorezo cyagaragara abafashwe bose bari kubabara bikomeye,kandi bafite ikibazo cyo kureba kuko iyi ndwara igabanya umuryo umuntu yarebagamo,rero turasaba abantu bose kugabanya guhoberana,abahurira ahantu benshi kuko hashobora kuba harimo abanduye iyi ndwara bakanduza abandi.”

Kanyankore aramara impungenge abaturage ko iyo utabonye umuti ushobora gukoresha amazi ashushe woza amaso bikagenda bikira akanatunga urutoki abaturage batagira mituweri abasaba guhora biteguye.

Sinamenye Jeremie umuyobozi w’akarere ka Rubavu avuga ko batangiye ubukangurambaga bwo gusaba abaturage kwirinda.

Ati”iki cyorezo twakimenye ubu rero turimo gukaza ubukangurambaga ahantu hose mu baturage tubabwira iby’iki cyorezo uko cyakwirindwa uko cyandura n’ibindi,hari abantu benshi bamaze gufatwa ariko turifuza ko uwafashwe wese ajya ahita ajya kwa muganga kugira ngo tugabanye kuyikwira kwiza.”

 

Comments

 
 
RSB yagaragaje amananiza ihura nayo mu guca Mukorogo
RSB yagaragaje amananiza ihura nayo mu guca Mukorogo

Ikigo cy’Igihugu cy’Ubuziranenge, RSB, kivuga ko guca amavuta arimo imisemburo yo kwitukuza (hydroquinone) atujuje ubuziranenge bigoye cyane, kuko abaturage bataramenya neza ingaruka zayo (...)

Musanze:Isoko rya Kinigi rikeneye ubwiherero
Musanze:Isoko rya Kinigi rikeneye ubwiherero

Abagana n’abaturiye isoko rya Kinigi riherereye mu murenge wa Kinigi mu karere ka Musanze, baratangaza ko babangamiwe n’umwanda ugaragara muri iri soko, utewe no kutagira ubwiherero rusange. Ni (...)

Nyagatare: Ababyeyi batwite banywa umuti gakondo witwa ‘ibishaka’ baraburirwa
Nyagatare: Ababyeyi batwite banywa umuti gakondo witwa ‘ibishaka’ baraburirwa

Bamwe mu babyeyi baravuga ko imiti gakondo bamwe muri bagenzi babo batwite bafata mbere yo kubyara izwi ku izina ry’ibishaka ngo ikomeje kubagiraho ingaruka, bagasaba ubuyobozi kongera (...)

Kigali: Ivuriro Legacy ryatangiye kuruhura Abanyarwanda gusiragira mu mahanga
Kigali: Ivuriro Legacy ryatangiye kuruhura Abanyarwanda gusiragira mu mahanga

Ubuyobozi bwa Legacy Clinics, ivuriro rishya rimaze amezi ane rikorera ahagana ku Mulindi, Akarere ka Kicukiro mu mujyi wa Kigali, burateganya kwegera Minisiteri y’Ubuzima kugira ngo rifashe mu (...)

Abanyarwanda barasabwa kwirinda ibicurane by’ibiguruka
Abanyarwanda barasabwa kwirinda ibicurane by’ibiguruka

Ikigo cy’Igihugu gishinzwe Ubuzima, RBC, kiramenyesha Abanyarwanda bose ko ibicurane by’ibiguruka byagaragaye mu gihugu cya Uganda bishobora kwanduza n’abantu kandi bikabazahaza. Ibyo bicurane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.