Advertisement
 
 
 
 
 
 
 
 

Ubuzima

Abavuzi gakondo mu Rwanda barambiwe kugengwa ’n’amabwiriza’   

  Yanditswe na NIYONSENGA SCHADRACK
 April 2016

 
 

Minisiteri y’Ubuzima (MINISANTE) ivuga ko yemera kandi igaha agaciro akazi gakorwa n’abavuzi gakondo (Kinyarwanda) nyamara bo kugeza n’ubu baracyagaragaza inzitizi zibangamira akazi kabo ngo kabe kakorwa kinyamwuga.

Kutagira itegeko ribarengera rizwi muri Leta ahubwo bagakomeza kugendera gusa ku mabwiriza ya MINISANTE, kuba hari umubare munini w’abiyitirira uyu mwuga nyamara mu kuri ibyo bakora ntaho bihuriye, kutagira aho gukorera hazwi ndetse no kwangirizwa imiti bakoresha binyuze mu itemwa rya bimwe mu bidukikije ni zo mbogamizi abavuzi gakondo bagihura nazo.

Mukarugagi Lewokadiya yatangiye kumenya imiti afite imyaka 20, ubu kumyaka 79 ni umuvuzi gakondo wemeza ko nta ndwara ipfa kumunanira.

Yagize ati “Nakunze kwandikira Leta mbasaba nibura nka ka hegitari kamwe ngo nteremo bene ibyo biti bivura nzi kugira ngo ntibicike burundu. Nahazitira nkajya mpasoroma imiti nkanaha bagenzi banjye nabo bavura gakondo ariko kugeza ubu twarabibuze ubu ntaho dufite dukorera. Byaba byiza baduhaye aho dukorera pe! Kuko nk’ubu twe muri gakondo indwara tuvura nta nubwo zijya zigaruka nk’uko akenshi kwa muganga bigenda”.

JPEG - 181.8 kb
Mukarugagi Leocadie ni umwe mu bahangayikishijwe n’uko nta tegeko bagira bakaba bagendera ku mabwiriza ya Minisiteri y’Ubuzima

Abavuzi gakondo ntabwo bakunze kwizerwa n’abarwayi bitewe n’uko n’ubusanzwe abarwayi basabwa kugana amavuriro nyamara nk’uko n’abaganga ba kizungu babivuga ngo hari zimwe mu ndwara bajya basanga batashobora bagahitamo kohereza abarwayi ku baganga ba gakondo.

MINISANTE ivuga ko hari ikirimo gukorwa

Dr . Theophile Dushime ushinzwe iby’ubuvuzi muri MINISANTE yagize ati “Twemera ko ubuvuzi gakondo bubaho, nta mibare dufite ngo tuvuge ngo bangana gutya cyangwa ngo bavura indwara izi n’izi. Ni ibyo turimo gukora muri Minisiteri y’Ubuzima, turashyiraho uburyo hanozwa imikorere ya bo, dushaka guha umurongo abari mu buvuzi gakondo tukamenya neza ababukora n’uburyo babukoramo.”

Kugira ngo inzitizi zose zibangamira ubuvuzi gakondo mu Rwanda zishire, abavuzi gakondo basanga itegeko ribarengera ari ryo gusa rishobora kubatabara mu gihe ryaba rimaze gushyirwaho. Muri iryo tegeko ngo ni ho abavuzi gakondo bemewe bamenyekanira bagatandukanywa n’ababiyitirira bavuga ko ngo bavura umwaku n’ibindi byose bisa n’ubupfumu.

Gafaranga Daniel uhagarariye Urugaga rw’abavuzi gakondo yagize ati “Bariya bavuga ngo bavura indwara magana atatu ntabwo ari ukuri. Ubundi umuganga gakondo yemerwa iyo nibura avura indwara eshatu. Kugira ngo uyu mwuga wacu ukomere ni uko Leta yakwemeza ririya tegeko ritugenga. Minisiteri irimo kwiga kuri iryo tegeko ariko ikiduteye ubwoba ni uko rishobora kuzahera mu kabati imyaka igashira ari myinshi. Itegeko niribaho ubuvuzi gakondo buzagenda neza.”

Gafaranga yemeza ko buri munyarwanda ari umuvuzi gakondo kuko buri wese ashobora kwivura inkorora n’utundi turwara. Kugeza ubu Urugaga rw’abavuzi gakondo rufite abavuzi barenga ibihumbi bibiri na magana atatu bafite ibyangombwa bazwi n’urugaga.

 

Comments

 
 
Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

RSB yagaragaje amananiza ihura nayo mu guca Mukorogo
RSB yagaragaje amananiza ihura nayo mu guca Mukorogo

Ikigo cy’Igihugu cy’Ubuziranenge, RSB, kivuga ko guca amavuta arimo imisemburo yo kwitukuza (hydroquinone) atujuje ubuziranenge bigoye cyane, kuko abaturage bataramenya neza ingaruka zayo (...)

Musanze:Isoko rya Kinigi rikeneye ubwiherero
Musanze:Isoko rya Kinigi rikeneye ubwiherero

Abagana n’abaturiye isoko rya Kinigi riherereye mu murenge wa Kinigi mu karere ka Musanze, baratangaza ko babangamiwe n’umwanda ugaragara muri iri soko, utewe no kutagira ubwiherero rusange. Ni (...)

Nyagatare: Ababyeyi batwite banywa umuti gakondo witwa ‘ibishaka’ baraburirwa
Nyagatare: Ababyeyi batwite banywa umuti gakondo witwa ‘ibishaka’ baraburirwa

Bamwe mu babyeyi baravuga ko imiti gakondo bamwe muri bagenzi babo batwite bafata mbere yo kubyara izwi ku izina ry’ibishaka ngo ikomeje kubagiraho ingaruka, bagasaba ubuyobozi kongera (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.