Advertisement
 
 
 
 
 
 
 
 

Ubuzima

Abasenateri bagejejweho ikibazo cy’abaganga bata akazi   

  Yanditswe na UWIMANA DONATA
 April 2016

 
 

Abafite aho bahuriye na serivisi z’ubuvuzi mu karere ka Nyarugenge bagaragarije abasenateri bagize Komisiyo ya Sena ishinzwe imibereho myiza ikibazo cy’umubare muto w’abakozi, ndetse na bamwe mu baganga usanga bareka akazi bakajya gushaka imibereho yisumbuyeho ahandi.

Iki kibazo kikaba cyabajijwe na Senateri Dr Ntawukuriryayo Jean Damascene ubwo we na bagenzi be bari basuye Akarere ka Nyarugenge.

Yabajije uburyo ibitaro cyangwa ibigo nderabuzima bya Leta bifata abakozi kugira ngo batigira ahandi mu mavuriro yigenga ashobora kuba abahemba amafaranga menshi ugereranyije n’ayo bahembwa.

JPEG - 231.7 kb
Uhereye iburyo Senateri Ntawukuriryayo, Nyaguhura na Prof. Nkusi Laurent bagezwaho ikibazo cy’abaganga

Umuyobozi w’ibitaro bya Muhima Dr Ndizeye Ntwari yasubije ko iki kibazo gihari kandi gisa nk’aho kibakomereye bityo bakaba bakeneye ko cyakorerwa ubuvugizi.

Ati “Iki kibazo ntabwo ari icy’uyu munsi. Umurimo w’ubuvuzi usaba imbaraga, ubwitange kenshi abantu benshi bawukoramo harimo ababa bifuza ko bagira ubuzima bwiza nk’uko n’ahandi hantu bimeze. Ibyo ni byo bituma tugenda dutakaza abaganga harimo n’abava mu mwuga burundu.”

Abenshi mu baganga ngo usanga baba bafite impamyabumenyi y’imyaka 6 y’amashuri yisumbuye mu buganga mu cyiciro cya kabiri cya kaminuza barize amategeko, imbonezamubano n’ibindi.

N’ubwo uwo muforomo aba akora ako kazi ko kuvura, Dr Ndizeye avuga ko aba ategereje ko yabona akazi ahandi kajyanye n’ibyo yize muri za Kaminuza, uwo kuzamugarura ngo ntabwo biba byoroshye.

Ati “Ikidufasha kugumana umuganga runaka ni amasezerano agomba kubahiriza aba yarasinye yinjira mu kazi uretse ko harimo n’ababirengaho.”

Iki kibazo kandi cyanagarutsweho n’umuyobozi mukuru w’ibitaro bya Kigali (CHUK) Dr Hategeka Theobald aho yagaragaje ko ibi bitaro akuriye byakira abarwayi benshi hafi 65% ariko hakiri ikibazo cy’umubare w’abakozi.

Ati “Hari ikibazo cyo kubona abaganga b’inzobere, muri serivisi runaka usanga hari umuganga umwe, babiri kandi abakeneye serivisi ari benshi”.

Yakomeje avuga ko muri iyi myaka abaganga b’inzobere barimo kugenda cyane bitewe n’imibereho bifuza babona badafite.

Dr Hategeka asanga abaganga benshi bajya mu bindi bihugu, mu mavuriro yigenga cyangwa mu miryango itegamiye kuri Leta.

Visi Perezida wa Komisiyo y’imibereho myiza muri Sena Senateri Nyagahura Marguerite, yasobanuye ko iki kibazo gihari kuko n’ahandi basuye bakigejejweho.

Ati “Umubare w’abaganga barangije amashuri y’ubuganga uragenda uzamuka. Ikibazo gihari ni ukugumana ba baganga baba barahawe akazi ku kigo nderabuzima cyangwa ku bitaro runaka, kuko usanga bavamo bakajya kwishakira imibereho abandi ni ikibazo twavuga ko ari ikirebana n’imishahara ariko tuzagikoraho ubuvugizi”.

 

Comments

 
 
Rubavu:Isuku y’amaresitora n’utubari iracyari hasi
Rubavu:Isuku y’amaresitora n’utubari iracyari hasi

Amwe mu maresitora ndetse n’utubari byo mu karere ka Rubavu biranengwa kugira isuku nke muri serivisi zihatangirwa. Ubushakashatsi bwakozwe n’ikigo cy’Igihugu cy’imiyoborere (RGB) mu mwaka wa (...)

Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.